YESAYA 31
1 Bazabona ishyano abamanuka bajya muri Egiputa kwitabariza, bakiringira amafarashi bakizigira nâamagare kuko ari menshi, kandi bakiringira abagendera ku mafarashi kuko ari abanyamaboko cyane, maze ntibite ku Uwera wa Isirayeli kandi ntibashake Uwiteka.
2 Ariko rero na we azi ubwenge, azateza ibyago kandi ntazivuguruza, ahubwo azahagurukira inzu yâinkozi zâibibi nâabakiranirwa babatabaye.
3 Kandi rero Abanyegiputa si Imana ni abantu gusa, nâamafarashi yabo si umwuka ni inyama gusa, maze ubwo Uwiteka azarambura ukuboko utabaye azasitara, kandi utabawe azagwa. Nuko bose bazashirira hamwe.
4 Uwiteka arambwiye ngo â Nkâuko intare, intare yâigisore yivugira ku muhigo wayo, abashumba benshi bagahururira kurwana na yo ntikangwe nâamajwi yabo kandi nticogozwe nâurusaku rwabo, ni ko Uwiteka Nyiringabo azamanurwa no kurwanira ku musozi wa Siyoni no ku gasozi kaho.
5 Nkâuko ibisiga bitamba, ni ko Uwiteka Nyiringabo azarinda i Yerusalemu. Koko azaharinda aharengere, azanyura hejuru yaho ahakize.
6 â Mwa Bisirayeli mwe, nimuhindukirire uwo mwagomeye bishayishije.
7 Maze uwo munsi umuntu wese azajugunye rwose ibishushanyo bye byâifeza nâibyâizahabu, byakozwe nâintoki zanyu bikababera icyaha.
8 Nuko Umwashuri azicwa nâinkota itari iyâintwari, kandi inkota itari iyâabantu izamurya ayihunge, nâabasore babo bazaba ibiretwa.
9 Igitare cye kizakurwaho no kwishisha, kandi abatware bazihebeshwa nâibendera.â Ni ko Uwiteka avuga ufite umuriro we i Siyoni, akagira ikome rye muri Yerusalemu.