YEREMIYA 20
Pashuri umutambyi ashyira Yeremiya mu mbago
1 Nuko Pashuri mwene Imeri umutambyi, wahoze ari umutware mukuru mu nzu yâUwiteka yumvise Yeremiya ahanura atyo,
2 Pashuri aherako akubita Yeremiya umuhanuzi, amushyira mu mbago yari ku irembo rya Benyamini ryo haruguru yâinzu yâUwiteka.
3 Bukeye bwaho Pashuri azana Yeremiya amuvanye mu mbago. Maze Yeremiya aramubwira ati â Uwiteka ntiyakwise Pashuri, ahubwo yakwise Magorimisabibu bisobanurwa ngo: Ibiteye ubwoba bikubye.
4 Nuko Uwiteka avuga atya ati âDore ngiye gutuma uba witeye ubwoba hamwe nâincuti zawe zose, na bo bazagushwa nâinkota zâababisha babo, kandi amaso yawe azaba abireba. I Buyuda hose nzahagabiza umwami wâi Babuloni, na we azabajyana i Babuloni ari imbohe, ahabicishirize inkota.
5 Kandi ubutunzi bwose bwâuyu murwa nâinyungu yaho yose, nâibintu byaho byose byâigiciro cyinshi ndetse nâubutunzi bwose bwâabami bâu Buyuda, nzabishyira mu maboko yâababisha babo. Ni ko bazabasahura babafate mpiri, maze babajyane i Babuloni.
6 Kandi nawe Pashuri nâabâinzu yawe bose muzagenda muri imbohe, uzajya i Babuloni kandi ni ho uzagwa, ni ho uzahambwa wowe nâincuti zawe zose, izo wajyaga uhanurira ibinyoma.â â
7 Ayii Uwiteka, waranshutse nemera gushukwa! Undusha amaboko ni cyo gituma untsinda, mpindutse urwâamenyo umunsi wose, umuntu wese aranseka.
8 Kuko iyo mvuze hose mba ntaka gusa, nkarangurura mvuga ibyâurugomo nâibyo kurimbuka, kuko ijambo ryâUwiteka rimbayeho igitutsi no gushinyagurirwa bukarinda bwira.
9 Kandi iyo mvuze nti â Sinzamuvuga, haba no guterurira mu izina ryeâ, mu mutima wanjye hamera nkâaho harimo umuriro ugurumana, ukingiraniwe mu magufwa yanjye simbashe kwiyumanganya ngo nyabike.
10 Kuko numvise benshi bansebya, nâibiteye ubwoba bikaba mu mpande zose. Incuti zanjye zose ziranyubikiye zireba icyo nsitaraho ngo zindege ziti â Nimumurege natwe tuzamurega.â Baravuga bati â Ahari azemera gushukwa tubone uburyo bwo kumutsinda, maze tubimuhore.â
11 Ariko Uwiteka ari kumwe nanjye, ameze nkâintwari iteye ubwoba. Ni cyo gituma abandenganya bazasitara kandi ntibazatsinda, bazamwara cyane kuko batagenje nkâabafite ubwenge, kandi bazakorwa nâisoni zitazibagirana iteka ryose.
12 Noneho Uwiteka Nyiringabo, ugerageza abakiranutsi ukareba mu nda no mu mutima, unkundire ndebe uko ubahĹra kuko ari wowe naturiye ibyanjye.
13 Nimuririmbire Uwiteka, mumuhimbarize kuko yarokoye ubugingo bwâumwinazi mu maboko yâinkozi zâibibi.
14 Havumwe umunsi navutseho, umunsi mama yambyayeho ntugahirwe.
15 Havumwe umuntu waje kubwira data ati â Wabyariwe umwana wâumuhunguâ, bigatuma anezerwa cyane.
16 Uwo muntu amere nkâimidugudu Uwiteka yarimbuye ntarushye yicuza, kandi niyumve imiborogo hakiri mu gitondo nâurusaku rwâinduru ku manywa yâihangu,
17 kuko ntishwe ntaravuka ngo mama ambere igituro, inda ye ibe urutare.
18 Ni iki cyatumye mvukira kureba umubabaro nâumuruho, ngo iminsi yanjye imarwe no gukorwa nâisoni?