NEHEMIYA 4
1 Ariko bukeye Sanibalati na Tobiya, nâAbarabu nâAbamoni nâAbanyashidodi bumvise yuko umurimo wo gusana inkike zâi Yerusalemu ujya imbere, kandi yuko ibyuho bitangiye kwicwa bararakara cyane,
2 bajya imigambi bose uko bangana ngo bajye kurwanya abâi Yerusalemu, babatere imidugararo.
3 Ariko twebwe dusenga Imana yacu, dushyiraho nâabarinzi bo kubarinda ku manywa na nijoro.
Bubaka biteguye kurwana
4 Hanyuma Yuda aravuga ati â Abikorezi bacitse intege kandi hariho ibishingwe byinshi. Nuko ntitukibashije kubaka inkike.â
5 Abanzi bacu baravuga bati â Ntibazamenya, ntibazitegereza kugeza aho tuzabatungurira tukabica, tukabuza umurimo gukorwa.â
6 Kandi Abayuda bari baturanye nâabanzi bacu bavaga mu misozi hose bakajya batuburira, ndetse batuburiye ibihe cumi ngo tugaruke aho bari.
7 Ni cyo cyatumye nshyira abantu inyuma yâinkike mu bikombe no mu mpinga, nkajya mbashyira hamwe nâabâimiryango yabo, bitwaje inkota nâamacumu nâimiheto.
8 Nitegereje ndahaguruka mbwira abantu bâimfura, nâabatware nâabandi bantu bose nti â Ntimubatinye. Mwibuke Uwiteka Umwami ukomeye uteye ubwoba, murwanire bene wanyu: abahungu nâabakobwa banyu nâabagore banyu, nâingo zanyu.â
9 Nuko abanzi bacu bumva ko byamenyekanye muri twe, kandi yuko Imana yahinduye ubusa imigambi yabo maze twese dusubira ku nkike, umuntu wese asubira ku murimo we.
10 Uhereye ubwo abagaragu banjye bamwe bakomezaga gukora uwo murimo, abandi bakenda amacumu nâingabo nâimiheto nâamafurebo yâibyuma, kandi abatware bari inyuma yâabâumuryango wa Yuda babavuna.
11 Abubakaga inkike nâabikoreraga nâababakoreraga, umuntu wese yakoreshaga ukuboko kumwe ukundi gufashe intwaro ye yâintambara,
12 nâabubatsi umuntu wese yabaga afite inkota ye mu rukenyerero akubaka ameze atyo, nâuwavuzaga ikondera yabaga ari iruhande rwanjye.
13 Maze mbwira imfura nâabatware nâabandi bantu nti â Umurimo urakomeye, urakorwa hagari kandi natwe twiciye amashinga ku nkike, umuntu ari kure ya mugenzi we.
14 Aho muzumva ijwi ryâikondera hose abe ari ho mujya mudutabarira, Imana yacu ni yo izaturwanirira.â
15 Uko ni ko twakoraga umurimo, bamwe bagafata amacumu uhereye mu museke ukageza nimugoroba inyenyeri zigaragara.
16 Icyo gihe mbwira abantu nti â Umuntu wese nâumugaragu we bajye barara muri Yerusalemu babe abarinzi bacu nijoro, kandi ku manywa bakore umurimo.â
17 Ubwo ntitwiyamburaga imyambaro yacu, jyewe cyangwa bene data cyangwa abagaragu banjye cyangwa abarinzi badukurikiraga, umuntu wese yajyaga ku mugezi afite intwaro ye yâintambara.