MATAYO 22
Umugani wâubukwe bwâumwana wâumwami (Luka 14.15-24)
1 Yesu yongera kuvugana na bo abacira imigani ati
2 â Ubwami bwo mu ijuru bugereranywa nâumwami wacyujije ubukwe bwâumwana we arongora,
3 atuma abagaragu be guhamagara abatorewe gutaha ubukwe, banga kuza.
4 Arongera atuma abandi bagaragu ati âMubwire abatowe muti: Dore niteguye amazimano, amapfizi yanjye nâinka zibyibushye babibaze, byose byiteguwe, muze mu bukwe.â
5 â Maze abo ntibabyitaho barigendera, umwe ajya mu gikingi cye, undi ajya mu rutundo rwe,
6 abasigaye bafata abagaragu be barabashinyagurira, barabica.
7 Maze umwami ararakara agaba ingabo ze, arimbura abo bicanyi atwika umudugudu wabo.
8 Maze abwira abagaragu be ati âUbukwe bwiteguwe, ariko abari babutorewe ntibari babukwiriye.
9 Nuko mujye mu nzira nyabagendwa, abo muri buboneyo bose mubahamagare baze batahe ubukwe.â
10 Abo bagaragu barasohoka bajya mu nzira, bateranya abo babonye bose, ababi nâabeza, inzu yo gucyurizamo ubukwe yuzura abasangwa.
11 â Umwami yinjiye kureba abasangwa, abonamo umuntu utambaye umwenda wâubukwe.
12 Aramubaza ati âMugenzi wanjye, ni iki gitumye winjira hano utambaye umwenda wâubukwe?â Na we arahora rwose.
13 Maze umwami abwira abagaragu be ati âNimumubohe amaboko nâamaguru, mumujugunye mu mwijima hanze, ni ho bazaririra bakahahekenyera amenyoâ,
14 kuko abatowe ari benshi, ariko abatoranyijwe bakaba bake.â
Abafarisayo bamugerageresha ibyâumusoro (Mar 12.13-17; Luka 20.20-26)
15 Maze Abafarisayo baragenda bajya inama yâuko bari bumutegeshe amagambo.
16 Bamutumaho abigishwa babo hamwe nâAbaherode bati â Mwigisha, tuzi yuko uri inyangamugayo kandi ko wigisha inzira yâImana byâukuri, nturobanura abantu ku butoni, kuko utita ku cyubahiro cyâumuntu wese.
17 Nuko tubwire, utekereza ute? Amategeko yemera ko duha Kayisari umusoro, cyangwa ntiyemera?â
18 Ariko Yesu amenya uburiganya bwabo, arababaza ati â Mungeragereje iki, mwa ndyarya mwe?
19 Nimunyereke ifeza yâumusoro.âBamuzanira idenariyo.
20 Arababaza ati â Iyi shusho nâiri zina ni ibya nde?â
21 Baramusubiza bati â Ni ibya Kayisari.â Maze arababwira ati â Nuko rero ibya Kayisari mubihe Kayisari, ibyâImana mubihe Imana.â
22 Babyumvise barumirwa, bamusiga aho baragenda.
Yesu asubiza Abasadukayo ibyo kuzuka (Mar 12.18-27; Luka 20.27-40)
23 Uwo munsi Abasadukayo bahakanaga yuko ari nta wuzuka, baza aho ari baramubaza bati
24 â Mwigisha, Mose yaravuze ngo umuntu napfa batarabyarana, mwene se nahungure umugore we acikure mwene se.
25 Nuko iwacu habayeho abavandimwe barindwi, uwa mbere yararongoye arapfa, maze kuko batabyaranye araga mwene se umugore we.
26 Nuko nâuwa kabiri nâuwa gatatu kugeza kuri bose uko ari barindwi bamera batyo.
27 Hanyuma wa mugore na we arapfa.
28 Mbese mu izuka, azaba ari muka nde muri bose uko ari barindwi, ko bose bari bamufite?â
29 Yesu arabasubiza ati â Mwarahabye kuko mutamenye ibyanditswe cyangwa imbaraga zâImana.
30 Mu izuka ntibarongora kandi ntibashyingirwa, ahubwo bamera nkâabamarayika bo mu ijuru.
31 Ariko se ibyerekeye ku kuzuka kwâabapfuye, ntimwari mwasoma icyo Imana yababwiye ngo
32 âNi jye Mana ya Aburahamu nâImana ya Isaka nâImana ya Yakobo?â Imana si Imana yâabapfuye, ahubwo ni iyâabazima.â
33 Abantu babyumvise batangazwa no kwigisha kwe.
Itegeko rirusha ayandi gukomera (Mar 12.28-34; Luka 10.25-28)
34 Ariko Abafarisayo bumvise yuko yatsinze Abasadukayo, bakananirwa kumusubiza, bateranira hamwe,
35 umwe muri bo wâumwigishamategeko amubaza amugerageza ati
36 â Mwigisha, itegeko rikomeye mu mategeko ni irihe?â
37 Na we aramusubiza ati â âUkundishe Uwiteka, Imana yawe umutima wawe wose nâubugingo bwawe bwose nâubwenge bwawe bwose.â
38 Iryo ni ryo tegeko rikomeye ryâimbere.
39 Nâirya kabiri rihwanye na ryo ngiri âUkunde mugenzi wawe nkâuko wikunda.â
40 Muri ayo mategeko yombi, amategeko yose nâibyahanuwe ni yo yuririraho.â
Yesu ni Umwana wa Dawidi (Mar 12.35-37; Luka 20.41-44)
41 Abafarisayo bagiteranye, Yesu arababaza ati
42 â Ibya Kristo murabitekereza mute? Ni mwene nde?â Baramusubiza bati â Ni mwene Dawidi.â
43 Arababaza ati â Nuko rero ni iki cyatumye Dawidi yabwirijwe nâUmwuka amwita umwami we ati
44 âUwiteka yabwiye Umwami wanjye ati: Icara iburyo bwanjye, Ugeze aho nzashyirira abanzi bawe munsi yâibirenge byawe.â
45 Nuko ubwo Dawidi amwita umwami we, none abasha ate no kuba umwana we?â
46 Ntihagira umuntu wabasha kumusubiza ijambo, ndetse uhereye uwo munsi nta muntu watinyutse kongera kugira icyo amubaza.