KUVA 38
Igicaniro cyo koserezaho ibitambo (Kuva 27.1-8; 30.18)
1 Kandi abÄza igicaniro cyo koserezaho ibitambo mu mushita, uburebure bwacyo bwâumurambararo buba mikono itanu, nâubugari bwacyo buba mikono itanu, kingana impande zose, uburebure bwâigihagararo buba mikono itatu.
2 Mu nkokora zacyo uko ari enye abÄzaho amahembe, ayabÄzanya na cyo akiyagirizaho imiringa.
3 Kandi acura ibintu byacyo byose: ibibindi nâibintu byo kuyoza ivu, nâinzabya nâibyo kwaruza inyama nâibyo gushyiramo umuriro wâamakara. Ibintu byacyo byose abicura mu miringa.
4 Agicurira mu miringa igisobekerane nkâurushundura, agishyira munsi yâumuguno ugose icyo gicaniro, gihera hasi kiringaniza igicaniro.
5 Ateka imiringa ivamo ibifunga bine, abishyira ku nkokora zâicyo gisobekerane cyâumuringa uko ari enye, ngo bisesekwemo imijisho.
6 AbÄza iyo mijisho mu mushita ayiyagirizaho imiringa.
7 Ayiseseka muri ibyo bifunga byo mu mbavu zâigicaniro ngo bajye bayikiremereza, akibÄza mu mbaho kiba umurangara mu nda.
8 Kandi acura igikarabiro mu miringa, nâigitereko cyacyo agicura mu miringa, abicura mu miringa yâindorerwamo zâabagore bateraniraga gukorera ku muryango wâihema ryâibonaniro.
Ibyâurugo rwâubuturo bwera (Kuva 27.9-19)
9 Kandi akora urugo rwâubwo buturo: iburyo ruba imyenda ikinzwe iboheshejwe ubudodo bwâibitare byiza buboheranije, umuhururu warwo uba mikono ijana.
10 Inkingi zayo ziba makumyabiri nâimyobo yo kuzishingamo iba makumyabiri, bicurwa mu miringa. Inkonzo zo kuri izo nkingi nâimitambiko yo kuri zo bicurwa mu ifeza.
11 No mu ruhande rwâibumoso, umuhururu wâurugo uba mikono ijana, inkingi zâimyenda yarwo ziba makumyabiri, nâimyobo yo kuzishingamo iba makumyabiri, bicurwa mu miringa. Inkonzo zo kuri izo nkingi nâimitambiko yo kuri zo bicurwa mu ifeza.
12 Mu ruhande rwâiburengerazuba urugo ruba imyenda ikinzwe, ubugari bwarwo buba mikono mirongo itanu, inkingi zayo ziba icumi, nâimyobo yo kuzishingamo iba icumi. Inkonzo zo kuri izo nkingi nâimitambiko yo kuri zo bicurwa mu ifeza.
13 Mu ruhande rwâiburasirazuba, ubugari bwâurwo rugo buba mikono mirongo itanu.
14 Mu ruhande rwâirembo rumwe, ubugari bwâimyenda ikinzwe buba mikono cumi nâitanu. Inkingi zayo ziba eshatu, nâimyobo yo kuzishingamo iba itatu,
15 no mu rundi ruhande rwaryo aba ari ko bimera: mu mpande zâirembo zâurwo rugo zombi, ubugari bwâimyenda ikinzwe buba mikono cumi nâitanu cumi nâitanu. Inkingi zayo ziba eshatu eshatu, nâimyobo yo kuzishingamo ibe itatu itatu.
16 Imyenda ikinzwe yâurwo rugo yâimpande zose yari iboheshejwe ubudodo bwâibitare byiza buboheranije.
17 Imyobo yo gushingamo inkingi zarwo yari icuzwe mu miringa, inkonzo zo kuri zo nâimitambiko yo kuri zo byari bicuzwe mu ifeza, imitwe yâizo nkingi yari iyagirijweho ifeza. Inkingi zose zâurwo rugo zari zifite imitambiko yâifeza yo kuzifatanya.
18 Irembo ryâurwo rugo ryugarirwa nâimyenda yaremwe nâabahanga bo kudoda amabara, bayiremesheje ubudodo bwâumukara wa kabayonga, nâubwâumuhengeri nâubwâumuhemba, nâubwâibitare byiza buboheranije. Ubugari bwayo buba mikono makumyabiri, uburebure bwâigihagararo buba mikono itanu bureshya nâubwâiyindi myenda ikinzwe yâurwo rugo.
19 Inkingi zayo ziba enye nâimyobo yo kuzishingamo iba ine, bicurwa mu miringa; inkonzo zo kuri zo zicurwa mu ifeza, imitwe yâizo nkingi iyagirizwaho ifeza, imitambiko yo kuri zo icurwa mu ifeza.
20 Imambo zâubwo buturo nâizâurugo rubugose impande zose zicurwa mu miringa.
21 Uyu ni wo mubare wâibyaturiwe ubwo buturo, ubuturo bwâIbihamya nâibyo babiremesheje nkâuko Mose yategetse ko bibarwa. Abalewi aba ari bo babibara babarishwa na Itamari, mwene Aroni umutambyi.
22 BesalÄli mwene Uri ya Huri, wo mu muryango wa Yuda, arema ibyo Uwiteka ategetse Mose byose.
23 Afatanya na Oholiyabu mwene Ahisamaki wo mu muryango wa Dani, umukebyi wâamabuye nâumuhanga wo guhimba, nâumudozi wâubudodo bwâumukara wa kabayonga, nâubwâumuhengeri nâubwâumuhemba nâubwâibitare byiza.
24 Izahabu zose baremesheje ibyaremewe ubuturo bwera byose, izahabu za ya maturo, zari italanto makumyabiri nâicyenda na shekeli magana arindwi na mirongo itatu, zigezwe kuri shekeli yâahera.
25 Ifeza zâababazwe bo mu iteraniro zari italanto ijana, na shekeli igihumbi na magana arindwi na mirongo irindwi nâeshanu, zigezwe kuri shekeli yâahera.
26 Ni zo maturo yâabagabo uduhumbi dutandatu nâibihumbi bitatu na magana atanu na mirongo itanu. Umugabo wese ugiye mu babazwe, umaze imyaka makumyabiri avutse cyangwa isaga atura beka imwe. Ni yo gice cya kabiri cya shekeli igezwe kuri shekeli yâahera.
27 Izo talanto zâifeza uko ari ijana, zari izo gutekwa ngo zivemo imyobo yo gushingamo inkingi zâihema ryera, nâiza wa mwenda ukingiriza ahera cyane. Imyobo ijana iva muri izo talanto uko ari ijana, umwobo wose uva mu italanto imwe.
28 Za shekeli na zo uko ari igihumbi na magana arindwi na mirongo irindwi nâeshanu, azicuramo inkonzo zo ku nkingi nâimitambiko yo kuri zo, kandi aziyagiriza ku mitwe yazo.
29 Kandi imiringa yâamaturo yari italanto mirongo irindwi, na shekeli ibihumbi bibiri na magana ane.
30 Na yo ayicuramo imyobo yo gushingamo inkingi za wa mwenda wo gukinga umuryango wâihema ryâibonaniro, ayicuramo na cya gicaniro cyâumuringa nâigisobekerane cyayo cyâumuringa, nâibintu byacyo byose,
31 nâimyobo yo gushingamo inkingi zâurugo zâimpande zose, nâiyo gushingamo izâirembo ryarwo, nâimambo zâubwo buturo zose nâizâurugo rwabwo rubugose impande zose.