ITANGIRIRO 8
Umwuzure urakama, Nowa asohoka mu nkuge
1 Imana yibuka Nowa nâibifite ubugingo byose nâamatungo yose byari kumwe na we mu nkuge, Imana izana umuyaga ku isi amazi atangira gukama.
2 Amasoko yâikuzimu araziba, imigomero yo mu ijuru iragomerwa, imvura iva mu ijuru iricwa.
3 Amazi asubirayo, ava ku butaka ubudasiba, ya minsi ijana na mirongo itanu ishize, amazi aragabanuka.
4 Mu kwezi kwa karindwi, ku munsi wako wa cumi nâirindwi, ya nkuge ihagarara ku misozi ya Ararati.
5 Amazi agabanuka ubudasiba ageza ku kwezi kwa cumi, mu kwezi kwa cumi ku munsi wako wa mbere, impinga zâimisozi ziraboneka.
6 Iminsi mirongo ine ishize, Nowa akingura idirishya ryo mu nkuge yabajije,
7 yohereza igikona, kirajarajara, kugeza aho amazi yakamiye ku isi.
8 Maze yohereza inuma kugira ngo amenye yuko amazi agabanutse ku isi.
9 Maze ntiyabona aho ishinga ikirenge cyayo imugarukaho ku nkuge, kuko amazi yari akiri ku isi yose, ayisingiriza ukuboko arayenda, ayisubiza mu nkuge.
10 Asiba iminsi irindwi, yongera kohereza iyo numa kuva mu nkuge,
11 igaruka aho ari nimugoroba, ifite ikibabi kibisi cyâumunzenze mu kanwa kayo, icyo yakuye ku giti. Bituma Nowa amenya yuko amazi agabanutse ku isi.
12 Asiba indi minsi irindwi, yohereza ya numa, ntiyasubira kumugarukaho.
13 Mu mwaka wa magana atandatu nâumwe, mu kwezi kwa mbere, ku munsi wako wa mbere, amazi akama mu isi. Nowa akuraho igipfundikiye ya nkuge, arareba, abona ubutaka bwumye.
14 Mu kwezi kwa kabiri, ku munsi wako wa makumyabiri nâirindwi, isi iruma.
15 Imana ibwira Nowa iti
16 â Sohokana mu nkuge nâumugore wawe nâabana bawe nâabakazana bawe.
17 Kandi usohokane ibibaho byose muri kumwe, byo mu bifite umubiri byose, inyoni nâibisiga nâamatungo nâibikururuka hasi byose, kugira ngo bibyarire mu isi cyane byororoke bigwire mu isi.â
18 Nowa asohokana nâabana be nâumugore we nâabakazana be,
19 amatungo yose nâinyamaswa zose nâibikururuka byose, nâinyoni zose nâibisiga byose, ibyigenza ku isi byose nkâuko amoko yabyo ari, bisohoka muri ya nkuge.
20 Nowa yubakira Uwiteka igicaniro, atoranya mu matungo yose no mu nyamaswa zose zitazira no mu nyoni nâibisiga bitazira, atambira kuri icyo gicaniro ibitambo byoswa.
21 Uwiteka ahumurirwa nâumubabwe, Uwiteka aribwira ati â Sinzongera ukundi kuvuma ubutaka ku bwâabantu, kuko gutekereza kwâimitima yâabantu ari kubi, uhereye mu bwana bwabo, kandi sinzongera kwica ibifite ubugingo byose nkâuko nakoze.
22 Isi ikiriho, ibiba nâisarura, nâimbeho nâubushyuhe, nâimpeshyi nâurugaryi, nâamanywa nâijoro, ntibizashira.â