ITANGIRIRO 7
Nowa yinjira mu nkuge, umwuzure urimbura abantu
1 Uwiteka abwira Nowa ati â Injirana mu nkuge nâabo mu nzu yawe mwese, kuko ari wowe nabonye ukiranuka mu maso yanjye muri iki gihe.
2 Mu matungo yose no mu nyamaswa zose zitazira, ujyanemo birindwi birindwi, ibigabo nâibigore, no mu nyamaswa zizira, ujyanemo ebyiri ebyiri, ingabo nâingore,
3 no mu nyoni nâibisiga byo mu kirere, ujyanemo birindwi birindwi, ibigabo nâibigore, kugira ngo urubyaro rwabyo ruzarokoke rube mu isi yose.
4 Kuko iminsi irindwi nishira, nzashyanisha imvura mu isi, iminsi mirongo ine ku manywa na nijoro, nkarimbura ibifite ubugingo naremye byose, nkabitsemba mu isi.â
5 Nowa akora byose, uko Uwiteka yabimutegetse.
6 Ubwo umwuzure wâamazi wabaga ku isi, Nowa yari amaze imyaka magana atandatu avutse.
7 Nowa yinjirana muri iyo nkuge nâabana be nâumugore we nâabakazana be, ngo aticwa nâamazi yâumwuzure.
8 Mu matungo, no mu nyamaswa zitazira, no mu zizira, no mu nyoni nâibisiga, no mu bikururuka hasi byose,
9 bibiri bibiri birinjira bisanga Nowa mu nkuge, ikigabo nâikigore, uko Imana yamutegetse.
10 Maze iyo minsi irindwi ishize, amazi yâumwuzure asandara mu isi.
11 Mu mwaka wa magana atandatu wâubukuru bwa Nowa, mu kwezi kwa kabiri, ku munsi wako wa cumi nâirindwi, amasoko yâikuzimu yose arazibuka, imigomero yo mu ijuru yose iragomororwa.
12 Imvura imara iminsi mirongo ine igwa mu isi, ku manywa na nijoro.
13 Kuri uwo munsi Nowa yinjirana muri ya nkuge na Shemu na Hamu na Yafeti abana be, nâumugore we, nâabakazana be, uko ari batatu.
14 Binjiranamo nâinyamaswa zose nkâuko amoko yazo ari, nâamatungo yose nkâuko amoko yayo ari, nâibikururuka hasi byose nkâuko amoko yabyo ari, nâibisiga byose nkâuko amoko yabyo ari, nâinyoni zose nâibifite amababa byose.
15 Birinjira bisanga Nowa mu nkuge, bibiri bibiri mu bifite umubiri byose birimo umwuka wâubugingo.
16 Ibyinjiye byari ikigabo nâikigore byo mu bifite umubiri byose, uko Imana yamutegetse. Uwiteka amukingiraniramo.
17 Umwuzure umara mu isi iminsi mirongo ine, amazi aragwira aterura ya nkuge, ishyirwa hejuru yâisi.
18 Amazi arakwira cyane arushaho kugwira cyane mu isi, ya nkuge ireremba ku mazi.
19 Amazi arushaho gukwira cyane mu isi, imisozi miremire yose yo munsi yâijuru ryose irarengerwa.
20 Amazi agera mu kirere hejuru nka mikono cumi nâitanu, imisozi irarengerwa.
21 Ibifite umubiri byose byigenza ku isi birapfa, uhereye ku nyoni nâibisiga, nâamatungo nâinyamaswa, nâibikururuka hasi byose nâabantu bose.
22 Ibifite umwuka wâubugingo mu mazuru byose, ibiri ku butaka byose, birapfa.
23 Ibifite ubugingo byose biri ku butaka birarimbuka, uhereye ku bantu nâamatungo, nâibikururuka nâinyoni nâibisiga byo mu kirere, bitsembwa mu isi. Nowa wenyine arokokana nâibyo yari kumwe na byo muri ya nkuge.
24 Amazi amara iminsi ijana na mirongo itanu agikwiriye cyane mu isi.