ITANGIRIRO 6
Abantu bahinduka babi cyane
1 Abantu batangiye kugwira mu isi babyara abakobwa,
2 abana bâImana bareba abakobwa bâabantu ari beza, barongoramo abo batoranyije bose.
3 Uwiteka aravuga ati â Umwuka wanjye ntazahora aruhanya nâabantu iteka ryose, kuko ari abantu bâumubiri. Nuko rero iminsi yabo izaba imyaka ijana na makumyabiri.â
4 Muri iyo minsi abantu barebare banini bari mu isi, no mu gihe cyo hanyuma, abana bâImana bamaze kurongora abakobwa bâabantu babyarana na bo abana, ari bo za ntwari za kera zari ibirangirire.
5 Kandi Uwiteka abona yuko ingeso zâabantu zari mbi cyane mu isi, kandi ko kwibwira kose imitima yabo itekereza ari kubi gusa iteka ryose.
6 Uwiteka yicuza yuko yaremye abantu mu isi, bimutera agahinda mu mutima.
7 Uwiteka aravuga ati â Nzarimbura abantu naremye, mbatsembe mu isi uhereye ku muntu nâinyamaswa nâamatungo nâibikururuka nâinyoni nâibisiga byo mu kirere, kuko nicujije yuko nabiremye.â
8 Ariko Nowa agirira umugisha ku Uwiteka.
9 Uru ni rwo rubyaro rwa Nowa. Nowa yari umukiranutsi, yatunganaga rwose mu gihe cye. Nowa yagendanaga nâImana.
10 Kandi yabyaye abahungu batatu, Shemu na Hamu na Yafeti.
11 Kandi isi yari yononekaye mu maso yâImana, yuzuye urugomo.
12 Imana ireba isi, ibona yuko yononekaye, kuko abafite umubiri bose bari bononnye ingeso zabo mu isi.
Imana itegeka Nowa kubaza inkuge
13 Imana ibwira Nowa iti â Iherezo ryâabafite umubiri bose rije mu maso yanjye, kuko isi yuzuye urugomo ku bwabo, dore nzabarimburana nâisi.
14 Nuko rero wibarize inkuge mu giti cyitwa goferu, ugabanyemo ibyumba, uyihome ubushishi imbere nâinyuma.
15 Uyibaze utya: uburebure bwâumurambararo bwâiyo nkuge bube mikono magana atatu, ubugari bwayo bube mikono mirongo itanu, uburebure bwâigihagararo bwayo bube mikono mirongo itatu.
16 Kandi uzacemo idirishya, rizaba irya mukono umwe nuyirangiza hejuru, umuryango wâinkuge uzawushyire mu rubavu rwayo. Uzayishyiremo amazu, iyo hasi nâiya kabiri hejuru yayo nâiya gatatu.
17 Nanjye dore nzazana umwuzure wâamazi mu isi, urimbure ibifite umubiri byose, birimo umwuka wâubugingo, ubitsembe hasi yâijuru, ibiri mu isi byose bipfe.
18 Ariko nzakomeza isezerano ryanjye nawe, uzinjirane muri iyo nkuge nâabana bawe nâumugore wawe nâabakazana bawe.
19 Kandi mu moko yose yâibibaho bifite umubiri byose, uzinjize muri iyo nkuge bibiri bibiri, ngo ubirokorane nawe, bizaba ikigabo nâikigore.
20 Mu nyoni no mu bisiga nkâuko amoko yabyo ari, no mu matungo nkâuko amoko yayo ari, no mu bikururuka hasi byose nkâuko amoko yabyo ari, bibiri byâamoko yose bizaze aho uri, kugira ngo ubirokore.
21 Kandi uzijyanire mu biribwa byose, ubyihunikire bizabe ibyo kubatungana nâibyo muri kumwe.â
22 Nowa agenza atyo, ibyo Imana yamutegetse byose aba ari byo akora.