ITANGIRIRO 5
Urubyaro rwa Adamu (1 Ngoma 1.1-4)
1 Iki ni igitabo cyâurubyaro rwa Adamu. Ku munsi Imana yaremeyemo umuntu, afite ishusho yâImana ni ko yamuremye,
2 umugabo nâumugore ni ko yabaremye, ibaha umugisha ibita Umuntu, ku munsi baremeweho.
3 Kandi Adamu yamaze imyaka ijana na mirongo itatu avutse, abyara umuhungu ufite ishusho ye, usa na we, amwita Seti.
4 Amaze kubyara Seti, Adamu arongera amara imyaka magana inani, ayibyaramo abahungu nâabakobwa.
5 Iminsi yose Adamu yaramye ni imyaka magana urwenda na mirongo itatu, arapfa.
6 Seti yamaze imyaka ijana nâitanu avutse abyara Enoshi.
7 Amaze kubyara Enoshi, Seti arongera amara imyaka magana inani nâirindwi, ayibyaramo abahungu nâabakobwa.
8 Iminsi yose Seti yaramye ni imyaka magana urwenda na cumi nâibiri, arapfa.
9 Enoshi yamaze imyaka mirongo urwenda avutse abyara Kenani,
10 amaze kubyara Kenani, Enoshi arongera amara imyaka magana inani na cumi nâitanu, ayibyaramo abahungu nâabakobwa.
11 Iminsi yose Enoshi yaramye ni imyaka magana urwenda nâitanu, arapfa.
12 Kenani yamaze imyaka mirongo irindwi avutse abyara Mahalaleli.
13 Amaze kubyara Mahalaleli, Kenani arongera amara imyaka magana inani na mirongo ine, ayibyaramo abahungu nâabakobwa.
14 Iminsi yose Kenani yaramye ni imyaka magana urwenda na cumi, arapfa.
15 Mahalaleli yamaze imyaka mirongo itandatu nâitanu avutse abyara Yeredi.
16 Amaze kubyara Yeredi, Mahalaleli arongera amara imyaka magana inani na mirongo itatu, ayibyaramo abahungu nâabakobwa.
17 Iminsi yose Mahalaleli yaramye ni imyaka magana inani na mirongo urwenda nâitanu, arapfa.
18 Yeredi yamaze imyaka ijana na mirongo itandatu nâibiri avutse abyara Henoki.
19 Amaze kubyara Henoki, Yeredi arongera amara imyaka magana inani, ayibyaramo abahungu nâabakobwa.
20 Iminsi yose Yeredi yaramye ni imyaka magana urwenda na mirongo itandatu nâibiri, arapfa.
21 Henoki yamaze imyaka mirongo itandatu nâitanu avutse abyara Metusela.
22 Amaze kubyara Metusela, Henoki agendana nâImana imyaka magana atatu, ayibyaramo abahungu nâabakobwa.
23 Iminsi yose Henoki yaramye ni imyaka magana atatu na mirongo itandatu nâitanu.
24 Kandi Henoki yagendanaga nâImana, ntiyaboneka, kuko Imana yamwimuye.
25 Metusela yamaze imyaka ijana na mirongo inani nâirindwi avutse abyara Lameki.
26 Amaze kubyara Lameki, Metusela arongera amara imyaka magana arindwi na mirongo inani nâibiri, ayibyaramo abahungu nâabakobwa.
27 Iminsi yose Metusela yaramye ni imyaka magana urwenda na mirongo itandatu nâicyenda, arapfa.
28 Lameki yamaze imyaka ijana na mirongo inani nâibiri avutse, abyara umuhungu.
29 Amwita Nowa ati â Uyu azatumara umubabaro wâumurimo wacu nâuwâumuruho wâamaboko yacu, uva mu butaka Uwiteka yavumye.â
30 Amaze kubyara Nowa, Lameki arongera amara imyaka magana atanu na mirongo urwenda nâitanu, ayibyaramo abahungu nâabakobwa.
31 Iminsi yose Lameki yaramye ni imyaka magana arindwi na mirongo irindwi nâirindwi, arapfa.
32 Nowa yamaze imyaka magana atanu avutse, abyara Shemu na Hamu na Yafeti.