GUTEGEKA KWA KABIRI 5
Urubyiruko rwâAbisirayeli bigishwa isezerano rya Mose (Kuva 20.1-21)
1 Mose ahamagara Abisirayeli bose arababwira ati â Mwa Bisirayeli mwe, nimwumve amategeko nâamateka mvugira mu matwi yanyu uyu munsi, kugira ngo muyige muyitondere, muyumvire.
2 Uwiteka Imana yacu yasezeraniye natwe isezerano kuri Horebu.
3 Ba sogokuruza bacu si bo Uwiteka yasezeranye na bo iryo sezerano, ahubwo ni twe abari hano twese uyu munsi tukiriho.
4 Uwiteka yababwiriye kuri wa musozi murebana, ari hagati mu muriro.
5 Icyo gihe nahagaritswe hagati yâUwiteka namwe no kubabwira ijambo ryâUwiteka, kuko mwari mutinyishijwe nâuwo muriro ntimuzamuke uwo musozi, arababwira ati
6 â Ndi Uwiteka Imana yawe yagukuye mu gihugu cya Egiputa, mu nzu yâuburetwa.
7 â Ntukagire izindi mana mu maso yanjye.
8 â Ntukiremere igishushanyo kibajwe gisa nâishusho yose iri hejuru mu ijuru cyangwa hasi ku butaka, cyangwa mu mazi yo hepfo yâubutaka.
9 Ntukabyikubite imbere, ntukabikorere kuko Uwiteka Imana yawe ndi Imana ifuha, mpĆra abana gukiranirwa kwa ba se nkageza ku buzukuruza nâubuvivi bwâabanyanga,
10 nkababarira abankunda bakitondera amategeko yanjye, nkageza ku buzukuruza babo bâibihe igihumbi.
11 â Ntukavugire ubusa izina ryâUwiteka Imana yawe, kuko Uwiteka atazamubara nkâutacumuye uvugiye ubusa izina rye.
12 â Ziriririza umunsi wâisabato kugira ngo uweze, uko Uwiteka Imana yawe yagutegetse.
13 Mu minsi itandatu ujye ukora, abe ari yo ukoreramo imirimo yawe yose,
14 ariko uwa karindwi ni wo sabato yâUwiteka Imana yawe. Ntukagire umurimo wose uwukoraho wowe ubwawe, cyangwa umuhungu wawe cyangwa umukobwa wawe, cyangwa umugaragu wawe cyangwa umuja wawe, cyangwa inka yawe cyangwa indogobe yawe cyangwa itungo ryawe ryose, cyangwa umunyamahanga wawe uri iwanyu, kugira ngo umugaragu wawe nâumuja wawe babone uko baruhuka nkawe.
15 Kandi ujye wibuka yuko wari umuretwa mu gihugu cya Egiputa, Uwiteka Imana yawe ikagukĆ«zayo amaboko menshi nâukuboko kurambutse. Ni cyo cyatumye Uwiteka Imana yawe igutegeka kuziririza umunsi wâisabato.
16 â Wubahe so na nyoko uko Uwiteka Imana yawe yagutegetse, kugira ngo uramire mu gihugu Uwiteka Imana yawe iguha, uboneremo ibyiza. 18.20; Ef 6.2,3
17 â Ntukice. 18.20; Rom 13.9; Yak 2.11
18 â Kandi ntugasambane. 13.9; Yak 2.11
19 â Kandi ntukibe.
20 â Kandi ntugashinje ibinyoma mugenzi wawe.
21 â Kandi ntukifuze umugore wa mugenzi wawe. Ntukifuze inzu ya mugenzi wawe cyangwa umurima we, cyangwa umugaragu we cyangwa umuja we, cyangwa inka ye cyangwa indogobe ye, cyangwa ikindi kintu cyose cya mugenzi wawe.â
22 Ayo magambo Uwiteka yayabwiriye iteraniro ryanyu ryose kuri wa musozi, ari hagati mu muriro nâigicu nâumwijima wâicuraburindi, ayavugisha ijwi rirenga ntiyagira ikindi yongeraho. Ayandika ku bisate bibiri byâamabuye, arabimpa.
23 Mwumvise ijwi riturutse hagati muri uwo mwijima, mukabona umusozi waka umuriro, abatware bâimiryango yanyu bose nâabakuru banyu munyigira hafi.
24 Murambwira muti â Dore Uwiteka Imana yacu itweretse ubwiza bwayo no gukomera kwayo, kandi twumvise ijwi ryayo riturutse hagati mu muriro. Uyu munsi tubonye yuko Imana ibwira umuntu akabaho.
25 Nuko none turicirwa iki? Uriya muriro mwinshi ugiye kudukongora. Nitwongera kumva ijwi ryâUwiteka Imana yacu tuzapfa.
26 Ni nde mu bantu bose wigeze kumva ijwi ryâUwiteka Imana ihoraho, ivugira hagati mu muriro nkâuko turyumvise akabaho?
27 Ba ari wowe wigira hafi wumve ibyo Uwiteka Imana yacu ivuga byose, utubwire ibyo Uwiteka Imana yacu iri bukubwire byose, natwe turabyumva tubyitondere.â
28 Uwiteka yumva amagambo yanyu mumbwiye, arambwira ati â Numvise amagambo ubu bwoko bukubwiye, ibyo bavuze byose babivuze neza.
29 Icyampa bagahorana umutima umeze utyo ubanyubahisha, ukabitonderesha amategeko yanjye yose, kugira ngo babone ibyiza bo nâurubyaro rwabo iteka ryose!
30 Genda ubabwire uti âNimusubire mu mahema yanyu.â
31 Ariko wowe ho uhagarare aho ndi hano nkubwire icyo ntegeka cyose, nâamategeko nâamateka ukwiriye kubigisha, kugira ngo bazabyitonderere mu gihugu mbaha guhindĆ«ra.â
32 Nuko mujye mwitondera ibyo Uwiteka Imana yanyu yabategetse, ntimugatambikire iburyo cyangwa ibumoso.
33 Mujye mugenda mu nzira yose Uwiteka Imana yanyu ibayoboye, kugira ngo mubeho mubone ibyiza, muramire mu gihugu muzahindƫra.