GUTEGEKA KWA KABIRI 13
1 Icyo mbategeka cyose mujye mucyitondera mucyumvire, ntimukacyongereho, ntimukakigabanyeho.
Ibimenyetso byâabahanuzi bâibinyoma
2 Muri mwe nihaboneka umuhanuzi cyangwa umurĆsi, akakubwira ikimenyetso cyangwa igitangaza,
3 icyo kimenyetso cyangwa icyo gitangaza kigasohora, icyo yakubwiye agira ati â Duhindukirire izindi mana izo utigeze kumenya tuzikorereâ,
4 ntuzemere amagambo yâuwo muhanuzi cyangwa yâuwo murĆsi, kuko Uwiteka Imana yanyu izaba ibagerageza, ngo imenye yuko mukundisha Uwiteka Imana yanyu imitima yanyu yose nâubugingo bwanyu bwose.
5 Ahubwo mujye muyoborwa nâUwiteka Imana yanyu muyubahe, mwitondere amategeko yayo muyumvire, muyikorere muyifatanyeho akaramata.
6 Kandi uwo muhanuzi cyangwa uwo murĆsi bazamwicire kuko azaba avuze ibyo kubagomeshereza Uwiteka Imana yanyu, yabakuye mu gihugu cya Egiputa ikabacungura mu nzu yâuburetwa, nâibyo kubatesha inzira Uwiteka Imana yanyu yabategetse gucamo, abe ari ko mukura ikibi hagati muri mwe.
7 Mwene nyoko cyangwa umuhungu wawe cyangwa umukobwa wawe, cyangwa umugore useguye cyangwa incuti yawe yâamagara, yakoshya rwihishwa ati â Tugende dukorere izindi manaâ (utigeze kumenya, na ba sekuruza banyu batigeze kumenya,
8 zo mu mana zâamahanga abagose, ari hafi yanyu cyangwa abari kure, ahereye ku mpera yâisi akageza ku yindi mpera yayo),
9 ntuzamwemerere, ntuzamwumvire, ntuzamubabarire, ntuzamukize, ntuzamuhishīre,
10 ahubwo ntuzabure kumwica. Ukuboko kwawe abe ari ko kubanza kumwica, maze habone gukuriraho nâabandi bantu bose.
11 Uzamwicishirize amabuye, kuko yagerageje kugushukashuka ngo agukure ku Uwiteka Imana yawe, yagukuye mu gihugu cya Egiputa mu nzu yâuburetwa.
12 Abisirayeli bose bazabyumva batinye, be kongera gukorera ikibi kingana gityo hagati muri mwe.
13 Wakumva inkuru yâumwe mu midugudu yawe Uwiteka Imana yawe iguha guturamo, bavuga bati
14 â Hari ibigoryi byaturutse hagati muri mwe bishukashuka abo mu mudugudu wabo biti âTugende dukorere izindi mana mutigeze kumenyaâ â,
15 uzabibaririze, ubishakishe ubigenzure. Nusanga ari ibyâukuri bidashidikanywa yuko ikizira kingana gityo gikorerwa hagati muri mwe,
16 ntuzabure kwicisha abo muri uwo mudugudu inkota, uwurimburane rwose nâibirimo byose, urimburishe amatungo yawo inkota.
17 Isahu yawo uyiteranirize hagati mu nzira yawo, uwutwikane nâisahu yawo yose imbere yâUwiteka Imana yawe, uwo mudugudu uzabe ikirundo cyâibyashenywe iteka, ntukubakwe ukundi.
18 Ntukagire icyo ugundira mu byashinganywe kugira ngo Uwiteka arakuruke uburakari bwe bugurumana, akubabarire akugirire ibambe, akugwize nkâuko yarahiye ba sekuruza banyu,
19 abitewe nâuko wumviye Uwiteka Imana yawe, ukitondera amategeko yayo yose ngutegeka uyu munsi, ugakora ibyo Uwiteka Imana yawe ibona ko ari byiza.