EZEKIYELI 37
Iyerekwa ryâamagufwa yumye
1 Ukuboko kâUwiteka kwangezeho ansohora ndi mu Mwuka, aramanura angeza mu kibaya cyari cyuzuyemo amagufwa.
2 Anzengurukana aho yayakikije hose, maze mbona ari menshi cyane muri icyo kibaya, kandi yari yarumye rwose.
3 Maze arambaza ati â Mwana wâumuntu, mbese aya magufwa yabasha gusubira kubaho?â Ndamusubiza nti â Mwami Uwiteka, ni wowe ubizi.â
4 Arongera arambwira ati â Hanurira aya magufwa maze uyabwire uti âYemwe mwa magufwa yumye mwe, nimwumve ijambo ryâUwiteka.
5 Uku ni ko Umwami Uwiteka abwira aya magufwa ngo: Dore ngiye kubashyiramo umwuka ngo mubeho.
6 Ngiye kubateraho imitsi, mbakwizeho inyama kandi mbatwikirize uruhu, mbashyiremo umwuka mubone kubaho, mumenye yuko ndi Uwiteka.â â
7 Nuko mpanura uko nategetswe. Ngihanura habaho guhinda, mbona isi itigita, amagufwa araterana igufwa risanga irindi ryaryo.
8 Nuko nitegereje mbona imitsi iyafasheho, maze inyama ziyameraho byoroswa uruhu, ariko nta mwuka wari ubirimo.
9 Maze arambwira ati â Hanurira umuyaga, uhanure mwana wâumuntu, maze ubwire umuyaga uti âUku ni ko Umwami Uwiteka avuga ngo: Uturuke mu birere bine wa mwuka we, uhuhe muri iyo mirambo kugira ngo ibeho.â â
10 Nuko mpanura uko yantegetse maze umwuka uyinjiramo. Nuko ibaho ihagarara ku maguru yayo, yiremamo inteko nyinshi cyane.
11 Maze arambwira ati â Mwana wâumuntu, ayo magufwa ni ayâabâinzu ya Isirayeli yose. Dore baravuga bati âAmagufwa yacu arumye kandi ibyiringiro byacu biraheze, twaciwe burundu.â
12 Nuko rero hanura ubabwire uti âUku ni ko Umwami Uwiteka avuga ngo: Dore ngiye gukingura ibituro byanyu, mbibakuremo mwa bwoko bwanjye mwe, nzabagarura mu gihugu cya Isirayeli.
13 Muzamenya yuko ndi Uwiteka igihe nzaba maze gukingura ibituro byanyu, nkabibakuramo mwa bwoko bwanjye mwe.
14 Kandi nzabashyiramo umwuka wanjye mubone kubaho, nzabashyira mu gihugu cyanyu bwite, mumenye yuko ari jye Uwiteka wabivuze kandi mbikomeje.â â Ni ko Uwiteka avuga.
15 Ijambo ryâUwiteka ryongeye kunzaho riti
16 â Nuko mwana wâumuntu, wishakire inkoni maze uyandikeho uti âNi iya Yuda, nâiyâAbisirayeli bagenzi be.â Maze ushake indi nkoni uyandikeho uti âNi iya Yosefu, inkoni ya Efurayimu nâiyâinzu yâAbisirayeli bose bagenzi be.â
17 Maze uzihambiranyemo inkoni imwe, kugira ngo zihinduke imwe mu kuboko kwawe.
18 Maze igihe abantu bâubwoko bwawe bazagusobanuza bati âMbese ntiwadusobanurira impamvu zâibyo?â
19 Uzababwire uti âUku ni ko Umwami Uwiteka avuga ngo: Dore ngiye kwenda inkoni ya Yosefu iri mu kuboko kwa Efurayimu, nâimiryango yâAbisirayeli bagenzi be, maze mbashyire hamwe nâinkoni ya Yuda mbagire inkoni imwe, babe umwe mu kuboko kwanjye.â
20 â Kandi inkoni wanditseho zizaba ziri mu kuboko kwawe, uri imbere yabo.
21 Maze ubabwire uti âUku ni ko Umwami Uwiteka avuga ngo: Dore ngiye kuvana Abisirayeli mu mahanga bagiyemo, mbateranirize hamwe baturutse impande zose, maze mbazane mu gihugu cyabo bwite.
22 Nzabagira ubwoko bumwe mu gihugu ku misozi ya Isirayeli, kandi umwami umwe ni we uzaba umwami ubategeka bose. Ntabwo bazongera kuba amoko abiri ukundi, kandi ntabwo bazongera gutandukanywa ngo babe ibihugu bibiri ukundi,
23 ntabwo bazongera kwiyandurisha ibigirwamana byabo, cyangwa ibizira byabo cyangwa ibicumuro byabo byose, ahubwo nzabarokorera mu buturo bwabo bwose, ubwo bakoreyemo ibyaha, maze mbeze na bo bazabe ubwoko bwanjye nanjye mbe Imana yabo.
24 â âKandi umugaragu wanjye Dawidi azaba umwami wabo, bose bazaba bafite umwungeri umwe. Bazagendera no mu mategeko yanjye, bakomeze amateka yanjye kandi bayakurikize.
25 Bazaba mu gihugu nahaye umugaragu wanjye Yakobo, icyo ba sogokuruza bahozemo. Ni cyo bazabamo bo nâabana babo nâabuzukuru babo iteka ryose, kandi Dawidi umugaragu wanjye azaba umwami wabo iteka ryose.
26 Maze kandi nzasezerana na bo isezerano ryâamahoro ribabere isezerano ryâiteka ryose, kandi nzabatuza mbagwize, ubuturo bwanjye bwera nzabushyira hagati yabo buhabe iteka ryose.
27 Ihema ryanjye ni ryo rizaba hamwe na bo, kandi nzaba Imana yabo na bo babe ubwoko bwanjye.
28 Amahanga yose azamenya yuko ari jye Uwiteka weza Isirayeli, igihe ubuturo bwanjye bwera buzaba muri bo hagati iteka ryose.â â