EZEKIYELI 31
Abashuri bazagwa
1 Nuko mu mwaka wa cumi nâumwe, mu kwezi kwa gatatu ku munsi wa mbere wâuko kwezi, ijambo ryâUwiteka rinzaho riti
2 â Mwana wâumuntu, ubwire Farawo umwami wa Egiputa nâabantu be bose uti âNi nde muhwanije gukomera?
3 Dore Umwashuri yari umwerezi wâi Lebanoni, ufite amashami meza nâigicucu kinini kandi ari muremure, mu bushorishori bwawo bwageze mu bicu.
4 Wakujijwe nâamazi menshi imuhengeri hawutera gukura neza, imigezi yaho yatemberaga impande zâaho watewe zose, ukayobora imigende yawo yâamazi ku biti byose byo mu gasozi.
5 Ni cyo cyatumye uburebure bwawo busumba ibiti byose byo ku gasozi nâamahage yawo akagwira, amashami yawo agakuzwa nâamazi menshi kandi ugatoha.
6 Ibisiga byo mu kirere byose bikarika mu mashami yawo, kandi inyamaswa zo mu ishyamba zikabyarira ibyana byazo munsi yâamashami yawo, amahanga akomeye yose akaba igicucu cyawo.
7 Uko ni ko warimbishijwe nâubunini bwawo nâuburebure bwâamashami yawo, kuko imizi yawo yari ishoreye mu mazi menshi.
8 Imyerezi yo muri ya ngobyi yâImana ntabwo yabashaga kuwuhisha, imiberoshi ntiyareshyaga nâamahage yawo, nâimyarumoni ntabwo yareshyaga nâamashami yawo, kandi nta giti cyo muri iyo ngobyi yâImana cyari gihwanije na wo ubwiza.
9 Nawurimbishije amashami menshi, bituma ibiti byose byo muri Edeni byari mu ngobyi yâImana biwugirira ishyari.
10 â âNi cyo cyatumye Umwami Uwiteka avuga ati: Kuko wabaye muremure, mu bushorishori bwawo bwageze mu bicu, kandi uburebure bwawo bugatuma umutima wawo wishyira hejuru,
11 nzawugabiza intwari yo mu mahanga izawugira uko ishatse, nawirukanye nywuhoye ibibi byawo.
12 Kandi inzaduka zâabanyamahanga zitera ubwoba zarawutemye ziwusiga aho, amashami yawo anyanyagira ku misozi no mu bikombe hose, na yo amahage yawo aravunika agwa ku migende yâamazi yose yo mu gihugu, kandi amahanga yo mu isi yose ava mu gicucu cyawo arawusiga.
13 Ibisiga byo mu kirere byose bizataha kuri wo aho waguye, nâinyamaswa zose zo mu ishyamba zizaba ku mashami yawo,
14 kugira ngo hatagira igiti cyo hafi yâamazi kiziratana uburebure bwacyo, cyangwa ngo kigabe amashami mu bushorishori bwacyo, habe nâibikomeye byo muri byo bigira ngo bisumbe ibindi ari byo biyoborwamo amazi byose, kuko byose byatanzwe ngo bipfe bijye ikuzimu, bifatanijwe nâabantu bamanuka bajya mu rwobo.
15 â âUku ni ko Umwami Uwiteka avuga ngo: Umunsi wamanukaga ujya ikuzimu nategetse kuwuborogera, nawukingiye imuhengeri, mbuza imigezi yaho gutemba nâamazi menshi aragomerwa, maze ntuma i Lebanoni ngo hawuborogere kandi nâibiti byose byo mu gasozi ngo biwurabire.
16 Natumye amahanga ahindishwa umushyitsi no guhorera ko kugwa kwawo, igihe nawujugunyaga ikuzimu hamwe nâabo bamanukana bajya mu rwobo, ibiti byose byo muri Edeni nâibyateretswe biruta ibindi ubwiza byâi Lebanoni, biyoborwamo amazi byose byahumurijwe aho biri ikuzimu.
17 Na byo bijyana na wo ikuzimu bisanga abicishijwe inkota, ndetse bari bawubereye amaboko bakaba mu gicucu cyawo hagati yâamahanga.
18 â âMu biti byo muri Edeni ni ikihe muhwanije ubwiza no gukomera? Ariko uzacishwa bugufi hamwe nâibiti byo muri Edeni ugere ikuzimu, uzarambarara hagati yâabatakebwe hamwe nâabacishijwe inkota. Uwo ni Farawo nâabantu be bose. Byavuzwe nâUmwami Uwiteka.â â