DANIYELI 9
Daniyeli yatura ibyaha byâubwoko bwabo
1 Mu mwaka wa mbere wo ku ngoma ya Dariyo mwene Ahasuwerusi, wo mu rubyaro rwâAbamedi wimitswe ngo abe umwami wâigihugu cyâAbakaludaya,
2 muri uwo mwaka wa mbere wo ku ngoma ye, jyewe Daniyeli nasomye ibitabo binsobanurira umubare wâimyaka i Yerusalemu hazamara hashenywe ko ari imyaka mirongo irindwi, byavuzwe nâijambo ryâUwiteka mu kanwa kâumuhanuzi Yeremiya.
3 Mpanga amaso Umwami Imana yanjye, mushakisha gusenga no kwinginga niyiriza ubusa, nambara ibigunira, nisiga ivu.
4 Nsenga Uwiteka Imana yanjye nyaturira nti â Nyagasani Mana nkuru yâigitinyiro, ikomeza gusohoza isezerano no kugirira ibambe abayikunda bakitondera amategeko yayo.
5 â Twaracumuye tuba ibyigenge, twakoze nabi twaragomye, turateshuka tuva mu mategeko nâamateka yawe.
6 Ntitwumviye abagaragu bawe bâabahanuzi, bajyaga babwira abami bacu nâabatware bacu na ba sekuruza bacu, nâabantu bo mu gihugu bose mu izina ryawe.
7 Nyagasani, gukiranuka ni ukwawe ariko ibyacu ni ugukorwa nâisoni, nkâuko bibaye ubu ku Bayuda nâabaturage bâi Yerusalemu, nâAbisirayeli bose ba bugufi nâabatuye kure mu bihugu byose, aho wabirukaniye ubahoye ibicumuro bagucumuyeho.
8 Nyagasani, ku bwacu nâabami bacu nâabatware bacu na ba sogokuruza bacu, ni ugukorwa nâisoni kuko twagucumuyeho.
9 Umwami Imana yacu ni yo ifite imbabazi nâibambe, nubwo twayigomeye
10 ntitwumvire Uwiteka Imana yacu ngo tugendere mu mategeko yayo yadushyize imbere, avuzwe nâabagaragu bayo bâabahanuzi.
11 Ni koko Abisirayeli bose baciye ku mategeko yawe, bariyobagiza kugira ngo batakumvira. Ni cyo cyatumye dusandazwamo umuvumo nâindahiro, byari byaranditswe mu mategeko ya Mose umugaragu wâImana, kuko twagucumuyeho.
12 Maze ikomeza amagambo yayo yatuvuzeho, no ku bacamanza bacu baduciraga imanza, ubwo yatuzaniraga ibyago bikomeye kuko nta handi munsi yâijuru higeze hagenzwa nkâuko i Yerusalemu hagenjejwe.
13 Ibyo byago byose byadusohoyeho nkâuko byanditswe mu mategeko ya Mose, nyamara ntabwo twinginze Uwiteka Imana yacu ngo itugirire imbabazi, ndetse ntitwareka gukiranirwa kwacu ngo tumenye ibyâukuri byayo.
14 Ni cyo cyatumye Uwiteka atugenera ibyo byago akabiduteza, kuko Uwiteka Imana yacu ari yo ikiranuka mu mirimo yayo yose ikora, ariko twe ntituyumvira.
15 â Noneho Nyagasani Mana yacu, nubwo wakuje ubwoko bwawe muri Egiputa amaboko yawe akomeye, ukihesha icyubahiro kugeza ubu, twaracumuye dukora nabi.
16 Nyagasani, ndakwinginze ku bwo gukiranuka kwawe kose, uburakari bwawe bwâinkazi buve ku murwa wawe i Yerusalemu no ku musozi wawe wera, kuko i Yerusalemu nâubwoko bwawe bihindutse igisuzuguriro mu bantu bose badukikije, ku bwâibyaha byacu no gukiranirwa kwa ba sogokuruza bacu.
17 Nuko noneho Mana yacu, umva gusenga kâumugaragu wawe no kwinginga kwe, kandi ku bwawe Uwiteka, umurikishirize mu maso hawe ubuturo bwawe bwera bwasenyutse.
18 Mana yanjye, tega amatwi yawe wumve, hwejesha amaso yawe urebe ibyacu byacitse nâumurwa wawe witwa uwâizina ryawe, kuko ibyo twakwingingiye tutabigushyize imbere twishingikirije ku gukiranuka kwacu, ahubwo ni ku bwâimbabazi zawe nyinshi.
19 Umva Nyagasani babarira, Nyagasani twumvire, Nyagasani ugire icyo ukora ntutinde, Mana yanjye kugira ngo izina ryawe ryubahwe, kuko umurwa wawe nâabantu bawe byitwa ibyâizina ryawe.â
Ibyâibyumweru mirongo irindwi
20 Nuko nkivuga, nsenga natura ibyaha byanjye nâibyâubwoko bwanjye bwâAbisirayeli, kandi ntakambira Uwiteka Imana yanjye ku bwâumusozi wera wâImana yanjye,
21 ngikomeje gusenga umugabo Gaburiyeli nabonaga ngitangira kwerekwa aratumwa, maze aragaruka aza nâingoga igihe cyo gutamba igitambo cya nimugoroba cyendaga kugera, ankoraho.
22 Arambwira anyigisha ati â Daniyeli, ubu nzanywe no kungura ubwenge bwawe.
23 Ugitangira kwinginga haje ijambo, kandi nzanywe no kurikubwira kuko ukundwa cyane. Nuko iryo jambo uritekereze cyane, umenye nâibyo weretswe.
24 â Ibyumweru mirongo irindwi bitegekewe ubwoko bwawe nâumurwa wera, kugira ngo ibicumuro bicibwe nâibyaha bishire, no gukiranirwa gutangirwe impongano haze gukiranuka kwâiteka, ibyerekanywe nâibyahanuwe bifatanishwe ikimenyetso, ahera cyane hasigwe amavuta.
25 Nuko ubimenye, ubyitegereze yuko uhereye igihe bazategekera kubaka i Yerusalemu bayisana kugeza kuri Mesiya Umutware hazabaho ibyumweru birindwi, maze habeho ibindi byumweru mirongo itandatu na bibiri bahubake basubizeho imiharuro nâimpavu, ndetse bizakorwa mu bihe biruhije.
26 Ibyo byumweru uko ari mirongo itandatu na bibiri nibishira Mesiya azakurwaho, kandi nta cyo azaba asigaranye. Maze abantu bâumutware uzaza bazarimbure umurwa nâubuturo bwera, uwo iherezo rye rizaba nkâutembanywe nâumwuzure wâamazi, intambara nâibyago bizarinda bigeza imperuka. Ni ko bitegetswe.
27 Uwo mutware azasezerana na benshi isezerano rikomeye, rimare icyumweru kimwe. Nikigera hagati azabuzanya ibitambo nâamaturo, umurimbuzi azaza ku ibaba ryâibizira, maze kugeza ku mperuka yategetswe uburakari buzasandazwa kuri uwo murimbuzi.â