DANIYELI 6
1 Ubwo bwami buhabwa Dariyo wâUmumedi, yari amaze nkâimyaka mirongo itandatu nâibiri avutse.
Daniyeli mu rwobo rwâintare
2 Bukeye Dariyo ashaka kugabanya igihugu mo intara ijana na makumyabiri, ngo azigabire abatware bâintebe bakwire igihugu cyose.
3 Kandi abaha nâabatware bakuru batatu, umwe muri bo yari Daniyeli, kugira ngo abo batware bâintebe bajye babashyikiriza ibyâumwami, ngo umwami adapfirwa ubusa.
4 Ariko Daniyeli aratona cyane kuruta abandi batware bakomeye nâabandi bâintebe, kuko umwuka mwiza cyane yari ari muri we. Ndetse umwami yibwiraga kumwegurira igihugu cyose.
5 Abatware bakomeye nâabâintebe bashaka impamvu yose yatsindisha Daniyeli mu byâubutware, ariko bamuburaho impamvu cyangwa igicumuro kuko yari umwiringirwa, ntabonekweho nâamafuti cyangwa igicumuro.
6 Bukeye abo bagabo baravugana bati â Nta mpamvu tubona kuri Daniyeli, keretse nituyibona mu magambo yâamategeko yâImana ye.â
7 Nuko abo batware bakomeye nâabâintebe bateranira ibwami babwira umwami bati â Mwami Dariyo, nyaguhoraho,
8 abatware bakomeye bo muri ubu bwami nâabâintebe nâibisonga byabo, nâabajyanama nâabanyamategeko bose bigiriye inama yo gushyiraho itegeko ryâumwami nâiteka rikomeye ngo mu minsi mirongo itatu, umuntu wese uzagira icyo asaba imana yose cyangwa umuntu wese atari wowe asabye nyagasani, azajugunywe mu rwobo rwâintare.
9 Nuko none nyagasani, hamya iryo tegeko ushyireho ukuboko ku rwandiko rwaryo, kugira ngo rye kuzakuka nkâuko amategeko yâAbamedi nâAbaperesi atavuguruzwa.â
10 Nuko Umwami Dariyo ashyiraho ukuboko ku rwandiko rwâiryo tegeko.
11 Maze Daniyeli yumvise ko urwandiko rwashyizweho ukuboko ajya iwe, (kandi amadirishya yâinzu ye yari akinguwe yerekeye i Yerusalemu), akomeza kujya apfukama gatatu mu munsi asenga Imana ye, akayishimira nkâuko yari asanzwe agenza.
12 Bukeye ba bagabo baraterana, baragenda basanga Daniyeli asenga Imana ye, ayinginga.
13 Baraza bavugira imbere yâumwami ibya rya tegeko rye bati â Mbese harya nyagasani, ntiwashyizeho ukuboko ku rwandiko rwâiteka waciye ngo mu minsi mirongo itatu, umuntu wese uzagira icyo asaba imana yose cyangwa umuntu wese atari wowe asabye, nyagasani, ngo azajugunywe mu rwobo rwâintare?â Umwami aramusubiza ati â Narabitegetse koko, nkurikije amategeko yâAbamedi nâAbaperesi atavuguruzwa.â
14 Baramusubiza bati â Ariko Daniyeli we wo mu banyagano bâAbayuda ntakwitayeho nyagasani, cyangwa iteka washyizeho ukuboko, ahubwo ajya asenga gatatu mu munsi.â
15 Umwami yumvise iryo jambo arabarakarira cyane, ashyira umwete cyane kuri Daniyeli kugira ngo amukize, burinda bwira.
16 Ba bagabo bongera guteranira ibwami babwira umwami bati â Nyagasani, umenye ko ari itegeko ryâAbamedi nâAbaperesi, ngo nta tegeko cyangwa iteka ryahamijwe nâumwami rivuguruzwa.â
17 Nuko umwami arategeka, bajya kuzana Daniyeli bamujugunya mu rwobo rwâintare. Ariko umwami yari yamubwiye ati â Imana yawe ukorera iteka iragukiza.â
18 Maze bazana igitare bagikinga ku munwa wâurwobo. Umwami ahomaho ikimenyetso cye bwite nâicyâabatware be, kugira ngo ibyo ategetse kuri Daniyeli bidahindurwa.
19 Nuko umwami asubira mu nzu ye akesha ijoro yiraje ubusa, ntibamuzanira ibyo kumucurangira, ntiyarushya agoheka.
20 Bukeye umwami yibambura kare mu museso, agenda yihuta ajya kuri rwa rwobo rwâintare.
21 Ageze hafi yâurwo rwobo Daniyeli yari arimo, atera hejuru nâijwi ryâumubabaro abaza Daniyeli ati â Yewe Daniyeli mugaragu wâImana ihoraho, mbese Imana yawe ukorera iteka yabashije kugukiza intare?â
22 Daniyeli asubiza umwami ati â Nyagasani uhoraho,
23 Imana yanjye yohereje marayika wayo abumba iminwa yâintare, nta cyo zantwaye kuko nabonetse imbere yayo ntafite icyaha, kandi nawe nyagasani, nta cyo nagucumuyeho.â
24 Umwami aherako anezerwa cyane, ategeka ko bakura Daniyeli mu rwobo. Nuko bamukuramo basanga nta cyo yabaye, kuko yari yiringiye Imana ye.
25 Maze umwami ategeka ko bamuzanira ba bagabo bareze Daniyeli, babazanana nâabagore babo nâabana babo babajugunya muri urwo rwobo rwâintare, zibasamira mu kirere zibamenagurana nâamagufwa yabo batararushya bagera mu rwobo hasi.
26 Umwami Dariyo aherako yandikira abantu bâamoko yose yâindimi zitari zimwe batuye mu isi yose ati â Amahoro agwire muri mwe!
27 Nshyizeho itegeko ngo abantu bo mu butware bwose bwo mu gihugu cyanjye bajye bubaha Imana ya Daniyeli, bahindire imishyitsi imbere yayo kuko ari yo Mana nzima ihoraho iteka ryose, ubwami bwayo ntibuzarimburwa kandi ubutegetsi bwayo buzageza ku mperuka.
28 Ni yo irokora igakiza, ikora ibimenyetso nâibitangaza mu ijuru no mu isi, kandi ni yo yakijije Daniyeli inzara zâintare.â
29 Nuko ku ngoma ya Dariyo no ku ngoma ya KĹŤro wâUmuperesi, Daniyeli agubwa neza.