DANIYELI 4
1 Jyewe Nebukadinezari, nari ngwiriwe neza mu nzu yanjye ya kambere nezerewe.
2 Ndota inzozi ziteye ubwoba, ibyo nibwiriye ku gisasiro nâibyo neretswe bimpagarika umutima,
3 bituma ntegeka ko banzanira abanyabwenge bâi Babuloni bose, kugira ngo bansobanurire ibyo neretswe.
4 Abakonikoni nâabapfumu nâAbakaludaya nâabacunnyi baraza, mbarotorera izo nzozi ariko bananirwa kuzisobanura.
5 Ariko hanyuma Daniyeli wahimbwe Beluteshazari mwitiriye imana yanjye, wababwagamo nâumwuka wâimana zera, araza murotorera izo nzozi nti
6 â Yewe Beluteshazari mutware wâabakonikoni, nzi ko umwuka wâimana zera aba muri wowe, kandi ko nta bihishwe unanirwa guhishura, cyo mbwira ibyo neretswe mu nzozi narose kandi nâuko bisobanurwa.
7 â Ibyo neretswe ndi ku gisasiro ni byo ibi: nagiye kubona mbona igiti kiri mu isi hagati, uburebure bwacyo bwari bukabije.
8 Icyo giti kirakura kirakomera, ubushorishori bwacyo bugera ku ijuru, cyitegera abo ku mpera yâisi yose.
9 Ibibabi byacyo byari byiza, cyari gihunze imbuto nyinshi kandi muri cyo harimo ibyokurya bihaza abantu bose. Inyamaswa zo mu ishyamba zahundagaraga mu gicucu cyacyo, ibisiga byo mu kirere byabaga mu mashami yacyo, kandi ibyari bifite umubiri byose byatungwaga na cyo.
10 â Ibyo neretswe ndi ku gisasiro ngibi: nabonye uwera wagizwe umurinzi amanuka ava mu ijuru,
11 ararangurura ati âTsinda icyo giti ugikokoreho amashami, ugihungureho ibibabi, unyanyagize imbuto zacyo, kugira ngo inyamaswa zikive munsi kandi nâibisiga bive mu mashami yacyo.
12 Ariko igishyitsi nâimizi byacyo ubihambirize ibyuma nâimiringa, ubirekere mu gitaka mu bwatsi bwo ku gasozi, kugira ngo kijye gitondwaho nâikime kiva mu ijuru, kandi kirishane nâinyamaswa ubwatsi bwo ku gasozi.
13 Maze umutima wacyo we kugumya kuba nkâuwâumuntu, ahubwo gihabwe umutima nkâuwâinyamaswa, kimere gityo ibihe birindwi.
14 Iki gihano cyategetswe nâabarinzi gihamywa nâijambo ryâabera, kugira ngo abakiriho bamenye ko Isumbabyose ari yo itegeka ubwami bwâabantu, kandi ko ibugabira uwo ishaka ikimikamo uworoheje nyuma ya bose.â
15 â Izo nzozi ni jye Umwami Nebukadinezari wazirose. Nuko Beluteshazari, cyo zinsobanurire ubwo abanyabwenge bose bo mu gihugu cyanjye badashoboye kuzinsobanurira, ariko wowe urabibasha kuko umwuka wâimana zera ukurimo.â
Daniyeli asobanurira umwami inzozi ze
16 Nuko Daniyeli wahimbwe Beluteshazari amara akanya yumiwe, ahagarikwa umutima nâibyo atekereje. Umwami arongera aramubwira ati â Yewe Beluteshazari, izo nzozi no gusobanurwa kwazo bye kuguhagarika umutima.â Beluteshazari aramusubiza ati â Nyagasani, izo nzozi zirakaba ku banzi bawe, kandi gusobanurwa kwazo kurakaba ku babisha bawe.
17 Nuko icyo giti wabonye gikura kigakomera, ubushorishori bwacyo bukagera ku ijuru, kikitegera abo ku mpera yâisi yose,
18 kandi ibibabi byacyo byari byiza kikaba cyari gihunze imbuto nyinshi, muri cyo hakaba harimo ibyokurya bihaza abantu bose, kandi inyamaswa zo mu ishyamba zikaba munsi yacyo, ibisiga byo mu kirere bikaba mu mashami yacyo,
19 icyo giti ni wowe, nyagasani. Warakuze urakomera. Gukomera kwawe kurakura kugera ku ijuru, nâubutware bwawe bugera ku mpera yâisi.
20 Kandi nkâuko umwami yabonye uwera wagizwe umurinzi amanuka ava mu ijuru, akavuga ngo âTsinda icyo giti ukimareho, ariko igishyitsi nâimizi byacyo ubihambirize icyuma nâumuringa ubirekere mu gitaka mu bwatsi bwo ku gasozi, kugira ngo kijye gitondwaho nâikime kiva mu ijuru, kandi kirishane nâinyamaswa zo mu ishyamba kugeza aho ibihe birindwi bizashirira.â
21 â Nuko nguku gusobanurwa kwabyo, nyagasani: umenye ko ari itegeko ryâIsumbabyose rigeze ku mwami databuja ngo:
22 Uzirukanwa mu bantu ubane nâinyamaswa zo mu ishyamba, uzarisha nkâinka, uzatondwaho nâikime kiva mu ijuru uzamare ibihe birindwi umeze utyo, kugeza aho uzamenyera ko Isumbabyose ari yo itegeka ubwami bwâabantu, ikabugabira uwo ishaka wese.
23 Kandi nkâuko bategetse ko igishyitsi nâimizi byâicyo giti bigumaho, ni ko ubwami bwawe buzakomeza kuba ubwawe, umaze kumenya ko ijuru ari ryo ritegeka.
24 Ni cyo gituma ngusaba, nyagasani, ngo wemere inama nkugira: kuzaho ibyaha byawe gukiranuka kandi ibicumuro byawe ubikuzeho kugirira abakene impuhwe, ahari aho uzungukirwa amahoro.â
Ibyâinzozi bisohora ku mwami: arahanwa hanyuma arakira
25 Nuko ibyo byose bisohora ku Mwami Nebukadinezari.
26 Hashize amezi cumi nâabiri, umwami yari i Babuloni arambagira mu rugo ibwami,
27 aravuga ati â Ngiyi Babuloni hakomeye niyubakiye ngo habe umurwa wanjye nturaho, mpubakishije imbaraga zâamaboko yanjye ngo haheshe ubwami bwanjye icyubahiro.â
28 Umwami atararangiza ayo magambo haza ijwi rivuye mu ijuru riti â Yewe Mwami Nebukadinezari, ni wowe ubwirwa. Ubwami bwawe ubukuwemo,
29 bazakwirukana bagukure mu bantu, ubane nâinyamaswa zo mu ishyamba kugeza aho uzamenyera ko Isumbabyose ari yo itegeka ubwami bwâabantu, kandi ko ibwimikamo uwo ishaka.â
30 Nuko uwo mwanya iryo jambo risohora kuri Nebukadinezari yirukanwa mu bantu, akajya arisha nkâinka, umubiri we utondwaho nâikime kiva mu ijuru kugeza aho umusatsi we wabereye urushoke nkâamoya yâikizu, inzara ze zihinduka nkâizâibisiga.
31 Hanyuma yâiyo minsi jyewe Nebukadinezari nuburira amaso yanjye mu ijuru, ngarura akenge mperako nshima Isumbabyose, ndayambaza nubaha Ihoraho iteka ryose, kuko ubwami bwayo ari bwo bwami butazashira, kandi ingoma yayo izahoraho uko ibihe bihaye ibindi.
32 Ariko abo mu isi yose ni nkâubusa imbere yayo, ikora uko ishaka mu ngabo zo mu ijuru no mu bantu bo mu isi, kandi nta wubasha kuyikoma mu nkokora cyangwa kuyibaza ati â Uragira ibiki?â
33 Icyo gihe nsubizwamo ubwenge, ubwiza burabagirana nahoranye bungarukamo, butuma ubwami bwanjye bugira icyubahiro. Maze abajyanama banjye nâabatware banjye baza kunshaka, mperako nkomezwa mu bwami bwanjye ndetse nongerwa icyubahiro cyinshi.
34 None jyewe Nebukadinezari ndashimisha Umwami wo mu ijuru, ndamusingiza, ndamwubaha kuko imirimo ye yose ari iyâukuri kandi inzira ze ari izigororotse, ariko abibone abasha kubacisha bugufi.