DANIYELI 3
Igishushanyo Umwami Nebukadinezari yakoze
1 Umwami Nebukadinezari yakoze igishushanyo cyâizahabu, uburebure bwacyo bwari mikono mirongo itandatu, ubugari bwacyo bwari mikono itandatu, agihagarika mu kibaya cya Dura mu gihugu cyâi Babuloni.
2 Nuko Umwami Nebukadinezari atuma abantu bo guteranya abatware bâintebe nâibisonga byabo, nâabanyamategeko nâabacamanza, nâabanyabigega nâabajyanama, nâabirutsi nâabatware bose bo mu bihugu byaho ngo baze kweza icyo gishushanyo Umwami Nebukadinezari yari yahagaritse.
3 Nuko abatware bâintebe nâibisonga byabo, nâabanyamategeko nâabacamanza, nâabanyabigega nâabajyanama, nâabirutsi nâabatware bose bo mu bihugu byaho baraza, bateranywa no kweza icyo gishushanyo Umwami Nebukadinezari yari yahagaritse. Bahageze bahagarara imbere yacyo.
4 Umuntu uhamya itegeko ryâumwami ararangurura ati â Yemwe bantu bâamoko yose yâindimi zitari zimwe, nimwumve uko tubategeka,
5 ngo nimwumva amajwi yâamahembe nâimyironge nâinanga, nâisambuka nâamabubura nâamakondera nâibintu byâubwoko bwose bivuga, muhereko mwubarare hasi muramye igishushanyo cyâizahabu Umwami Nebukadinezari yakoze.
6 Ariko umuntu wese wanga kubarara hasi ngo aramye, ako kanya arajugunywa mu itanura ryâumuriro ugurumana.â
7 Nuko abantu bose bumvise amajwi yâamahembe nâimyironge nâinanga, nâisambuka nâamabubura nâibintu byâubwoko bwose bivuga, abâamoko yose yâindimi zitari zimwe bubarara hasi, baramya icyo gishushanyo cyâizahabu Umwami Nebukadinezari yari yahagaritse.
8 Uwo mwanya Abakaludaya baza kurega Abayuda.
9 Babwira Umwami Nebukadinezari bati â Nyagasani nyaguhoraho,
10 washyizeho itegeko ngo umuntu wese uri bwumve amajwi yâamahembe nâimyironge nâinanga, nâisambuka nâamabubura nâamakondera nâibintu byâubwoko bwose bivuga, yubarare hasi ngo aramye igishushanyo cyâizahabu,
11 ngo nâumuntu wese wanga kubarara hasi ngo akiramye, ajugunywe mu itanura ryâumuriro ugurumana.
12 Nuko rero, hariho Abayuda wahaye gutwara igihugu cyâi Babuloni, ari bo Saduraka na Meshaki na Abedenego batakwitayeho nyagasani, ntibakorera imana zawe kandi banze kuramya cya gishushanyo cyâizahabu wahagaritse.â
Saduraka na Meshaki na Abedenego banga kuramya igishushanyo
13 Nuko Nebukadinezari ararakara cyane, ategeka ko bamuzanira Saduraka na Meshaki na Abedenego. Nuko babashyira umwami.
14 Nebukadinezari arabakabukana aravuga ati â Mbese Saduraka na Meshaki na Abedenego, ni mwe mwabyitumye kudakorera imana zanjye no kutaramya igishushanyo cyâizahabu nakoze?
15 Nuko noneho nimwumva amajwi yâamahembe nâimyironge nâinanga, nâisambuka nâamabubura nâamakondera nâibintu byâubwoko bwose bivuga, mukemera kubarara hasi mukaramya igishushanyo nakoze ni byiza. Ariko nimutakiramya, ako kanya murajugunywa mu itanura ryâumuriro ugurumana. Mbese imana iri bubakize amaboko yanjye ni iyihe?â
16 Saduraka na Meshaki na Abedenego basubiza umwami bati â Nebukadinezari, nta mpamvu ituma tugusubiza iryo jambo.
17 Niba ari ibyo, Imana yacu dukorera ibasha kudukiza mu itanura ryâumuriro ugurumana, kandi izadukiza ukuboko kwawe nyagasani.
18 Ariko naho itadukiza, nyagasani umenye ko tutari bukorere imana zawe, habe no kuramya icyo gishushanyo cyâizahabu wakoze.â
Ba Saduraka bajugunywa mu itanura ntibashya
19 Nebukadinezari azabiranywa nâuburakari mu maso he hahinduka ukundi, areba Saduraka na Meshaki na Abedenego igitsure, ategeka ko benyegeza itanura ngo rirushe uko ryari rikwiye kwaka karindwi.
20 Maze atoranya abanyambaraga bo mu ngabo ze, abategeka kuboha Saduraka na Meshaki na Abedenego ngo babajugunye mu itanura ryâumuriro ugurumana.
21 Nuko baboha abo bagabo uko bakambaye amafurebo nâimyambaro nâimyitero nâibindi bambaye, babajugunya mu itanura ryâumuriro ugurumana.
22 Maze kuko itegeko ryâumwami ryari iryâikubagahu, kandi umuriro ugurumana cyane, bituma ibirimi byâumuriro bisumira abo bagabo bari bateruye Saduraka na Meshaki na Abedenego, birabica.
23 Nuko abo bagabo batatu Saduraka na Meshaki na Abedenego, bagwa mu itanura ryâumuriro ugurumana hagati uko bakaboshywe.
24 Uwo mwanya Umwami Nebukadinezari aratangara, ahaguruka nâingoga abaza abajyanama be ati â Harya ntitwajugunye mu muriro abantu batatu baboshywe?â Baramusubiza bati â Ni koko, nyagasani.â
25 Arababwira ati â Dore ndareba abantu bane babohowe bagenda mu muriro hagati, kandi nta cyo babaye. Ariko ishusho yâuwa kane irasa nâiyâumwana wâImana.â
26 Nebukadinezari yigira ku muryango wâitanura ryâumuriro ugurumana aravuga ati â Yemwe ba Saduraka na Meshaki na Abedenego, mwa bagaragu bâImana Isumbabyose mwe, nimusohoke muze hano.â Nuko Saduraka na Meshaki na Abedenego baherako bava mu muriro.
27 Maze abatware bâintebe nâibisonga byabo, nâabanyamategeko nâabajyanama bâumwami baraterana bareba abo bagabo, basanga umuriro utashoboye kugira icyo ubatwara, kandi umusatsi wo ku mitwe yabo utababutse, nâimyambaro yabo nta cyo yabaye habe ngo wakumva umuriro ubanukaho.
Umwami ahimbaza Imana ya ba Saduraka
28 Nebukadinezari aravuga ati â Imana ya Saduraka na Meshaki na Abedenego ishimwe, ni yo yohereje marayika wayo ikiza abagaragu bayo bayiringiye, kuko bigurukije ijambo ryâumwami bagahara amagara yabo, kugira ngo batagira indi mana yose bakorera cyangwa basenga itari Imana yabo.
29 â Ni cyo cyatumye nca iteka, kugira ngo umuntu wese wo mu moko yose yâindimi zitari zimwe uzavuga nabi Imana ya Saduraka na Meshaki na Abedenego, azatemagurwe kandi urugo rwe ruzahindurwe nkâicyavu, kuko ari nta yindi mana ibasha gukiza bene aka kageni.â
30 Ibyo bishize, umwami yogeza Saduraka na Meshaki na Abedenego mu gihugu cyâi Babuloni.
Umwami arota inzozi azirotorera Daniyeli
31 Jyewe Umwami Nebukadinezari ndabandikiye, bantu mwese bo mu moko yose yâindimi zitari zimwe bari mu isi yose. Amahoro agwire muri mwe!
32 Nishimiye kwerura ibimenyetso nâibitangaza Imana Isumbabyose yankoreye.
33 Erega ibimenyetso byayo ni byinshi, ibitangaza byayo birakomeye! Ubwami bwayo ni bwo bwami butazashira, kandi ingoma yayo ihoraho uko ibihe bihaye ibindi.