2 NGOMA 7
Icyubahiro cyâImana cyuzura urusengero (1 Abami 8.62-66)
1 Nuko Salomo amaze gusenga, umuriro umanuka uva mu ijuru wotsa igitambo cyo koswa nâibindi bitambo, icyubahiro cyâUwiteka cyuzura inzu.
2 Abatambyi ntibabasha kwinjira mu nzu yâUwiteka, kuko icyubahiro cyâUwiteka cyuzuye inzu yâUwiteka.
3 Abisirayeli bose babonye uko umuriro wamanutse, icyubahiro cyâUwiteka kikaba ku nzu, barunama bubika amaso hasi ku mabuye ashashwe bararamya, bahimbaza Uwiteka bati â Uwiteka ni mwiza, imbabazi ze zihoraho iteka ryose.â 106.1; 107.1; 118.1; 136.1; Yer 33.11
4 Maze umwami nâabantu bose batambira ibitambo imbere yâUwiteka.
5 Umwami Salomo atamba inka inzovu ebyiri nâibihumbi bibiri, nâintama agahumbi nâinzovu ebyiri. Uko ni ko umwami nâabantu bose bejeje inzu yâImana.
6 Kandi abatambyi bari bahagaze ku mirimo yabo, Abalewi na bo bari bafite ibintu bivugirizwa Uwiteka, ibyo Umwami Dawidi yari yarakoreshereje guhimbarisha Uwiteka, kuko imbabazi ze zihoraho iteka ryose, nâibyo Dawidi yakoresheje iyo yashakaga guhimbarisha Uwiteka imirimo yabo. Abatambyi bavugiriza amakondera imbere ya bose, Abisirayeli bose na bo bari bahagaze.
7 Kandi Salomo yeza no hagati mu rugo rwâimbere yâinzu yâUwiteka, kuko yahatambiye ibitambo byoswa nâurugimbu rwâibitambo byâishimwe yuko bari amahoro, kuko icyotero cyâumuringa Salomo yaremye kitabashije gukwirwaho ibitambo byoswa nâamaturo yâamafu yâimpeke nâurugimbu.
8 Nuko icyo gihe Salomo agira ibirori byâiminsi irindwi hamwe nâAbisirayeli bose bari iteraniro rinini cyane, baturutse mu gihugu cyose uhereye aharasukirwa i Hamati, ukageza ku kagezi ka Egiputa.
9 Ku munsi wa munani bagira guterana kwera, kuko bari bamaze iminsi irindwi beza icyotero bari mu birori byâiyo minsi uko ari irindwi.
10 Maze ku munsi wa makumyabiri nâitatu wo mu kwezi kwa karindwi, Salomo asezerera abantu ngo batahe. Bajya iwabo banezerewe, kandi bishimiye mu mitima ibyo Uwiteka yari yeretse Dawidi na Salomo nâubwoko bwe bwa Isirayeli.
11 Uko ni ko Salomo yujuje inzu yâUwiteka nâinzu yâubwami, nâibyo Salomo yari yaribwiye mu mutima we ko azakora mu nzu yâUwiteka no mu nzu ye bwite, arabisohoza neza.
Imana ibasezeranya ibyiza nâibibi (1 Abami 9.1-9)
12 Hanyuma Uwiteka yiyereka Salomo nijoro aramubwira ati â Numvise gusenga kwawe maze nitoraniriza aha hantu ngo habe inzu yo gutambiramo ibitambo.
13 Nindamuka nkinze ijuru imvura ntigwe, cyangwa nintegeka inzige ngo zone igihugu, cyangwa ninohereza mugiga mu bantu banjye,
14 maze abantu banjye bitiriwe izina ryanjye nibicisha bugufi bagasenga, bagashaka mu maso hanjye bagahindukira bakareka ingeso zabo mbi, nanjye nzumva ndi mu ijuru mbababarire igicumuro cyabo, mbakirize igihugu.
15 Uhereye none amaso yanjye azajya areba, nâamatwi yanjye azajya yumva gusenga kuzasengerwa aha hantu.
16 Kuko ubu ntoranije iyi nzu nkayereza kugira ngo izina ryanjye riyiberemo iteka ryose, nâamaso yanjye nâumutima wanjye bizayihoramo iminsi yose.
17 Kandi nawe nugendera imbere yanjye nkâuko so Dawidi yagendaga, ugakora ibyo nagutegetse byose, ukitondera amategeko nâamateka yanjye,
18 nanjye nzakomeza ingoma yawe nkâuko nasezeranye na so Dawidi nkamubwira nti âNtabwo uzabura umuntu wo gutegeka Abisirayeli.â
19 Ariko nimuteshuka mukareka amateka nâamategeko yanjye nabashyize imbere, mukagenda mugakorera izindi mana mukaziramya,
20 nanjye nzabarandura mbakure mu gihugu cyanjye nabahaye, kandi iyi nzu nereje izina ryanjye nzayijugunya imve mu maso, nzayigira iciro ryâimigani nâagashinyaguro mu mahanga yose.
21 â Kandi iyi nzu uko ireshya uku, uzayinyura imbere wese azatangara avuga ati âNi iki cyatumye Uwiteka agenza atyo iki gihugu nâiyi nzu?â
22 Nuko bazasubiza bati âKuko bimĹŤye Uwiteka Imana ya ba sekuruza yabakuye mu gihugu cya Egiputa, bagakeza izindi mana, bakaziramya bakazikorera, ni cyo cyatumye ibateza ibi byago byose.â â