2 NGOMA 6
Isengesho rya Salomo (1 Abami 8.22-53)
1 Salomo aherako aravuga ati â Uwiteka wavuze ko azaba mu mwijima wâicuraburindi.
2 Ariko nakubakiye inzu yo kubamo, aho uzatura iteka ryose.â
3 Umwami arahindukira aha iteraniro ryâAbisirayeli ryose umugisha, iteraniro ryâAbisirayeli ryose ryari rihagaze.
4 Aravuga ati â Uwiteka Imana ya Isirayeli ihimbazwe, ni yo yivuganiye nâumukambwe wanjye Dawidi mu kanwa kayo, ikabisohoresha amaboko yayo iti
5 âUhereye igihe nakuriye ubwoko bwanjye mu gihugu cya Egiputa, nta mudugudu wo mu miryango ya Isirayeli yose nigeze gutoranya wo kubakwamo inzu ngo izina ryanjye riyibemo, kandi nta muntu natoranyije kuba umutware wâubwoko bwanjye bwa Isirayeli.
6 Ariko noneho ntoranije i Yerusalemu, kugira ngo abe ari ho izina ryanjye riba, kandi ntoranije Dawidi ngo ategeke ubwoko bwanjye bwa Isirayeli.â
7 â Nuko umukambwe wanjye Dawidi yari yaragambiriye kuzubakira izina ryâUwiteka Imana ya Isirayeli inzu.
8 Ariko Uwiteka aramubwira ati âWari ufite umugambi wo kuzubakira izina ryanjye inzu, wagize neza kuko wabigambiriye mu mutima wawe,
9 ariko si wowe uzubaka iyo nzu, ahubwo umwana wawe uzikurira mu nda, uwo ni we uzubakira izina ryanjye inzu.â
10 â None Uwiteka ashohoje ijambo yavuze, kuko mpagurutse mu cyimbo cyâumukambwe wanjye Dawidi, nkaba nicaye ku ntebe yâubwami bwa Isirayeli nkâuko Uwiteka yasezeranye, kandi nujuje inzu nubakiye izina ryâUwiteka Imana ya Isirayeli,
11 ni ho nabonye ubutereko bwâisanduku irimo isezerano ryâUwiteka yasezeranye nâAbisirayeli.â
12 Aherako ahagarara imbere yâicyotero cyâUwiteka iteraniro ryâAbisirayeli ryose rihari, atega amaboko ye.
13 Kandi Salomo yari yararemye ikintu gisa nâuruhimbi cyâimiringa, uburebure bwacyo bwâumurambararo bwari mikono itanu, ubugari bwacyo bwari mikono itanu, nâuburebure bwacyo bwâigihagararo bwari mikono itatu, agishinga mu rugo hagati agihagararaho, maze apfukama imbere yâiteraniro ryâAbisirayeli ryose, atega amaboko ayerekeje ku ijuru.
14 Arasenga ati â Uwiteka Mana ya Isirayeli, nta mana ihwanye nawe mu ijuru cyangwa mu isi, ikomeza gusohoreza isezerano abagaragu bawe no kubagirira ibambe, bagendera imbere yawe nâumutima wose.
15 Wakomeje ibyo wasezeranye nâumugaragu wawe umukambwe wanjye Dawidi, nkâuko wabivugishije akanwa kawe none ubisohoresheje ukuboko kwawe.
16 Nuko rero none Uwiteka Mana ya Isirayeli, komeza ibyo wasezeranije umugaragu wawe umukambwe wanjye Dawidi, nkâuko wamubwiye uti âNtuzabura umuntu wo kwicara ku ntebe yâubwami bwa Isirayeli imbere yanjye, niba abana bawe bazitonda mu ngeso zabo, bakagendera mu mategeko yanjye nkâuko wagenderaga imbere yanjye.â
17 Nuko Uwiteka Mana ya Isirayeli, ijambo ryawe wabwiye umugaragu wawe Dawidi urihamye.
18 â Ariko se ni ukuri koko, Imana izaturana nâabantu mu isi? Dore ijuru ndetse nâijuru risumba ayandi nturikwirwamo, nkanswe iyi nzu nubatse.
19 Ariko wite ku gusenga kâumugaragu wawe nkwinginga, Uwiteka Mana yanjye, wumve gutakamba no gusenga umugaragu wawe ngusengera imbere,
20 kugira ngo uhore ushyize amaso kuri iyi nzu ku manywa na nijoro, nâahantu wavuze ko uzashyira izina ryawe ngo ubone uko ujya wumva gusenga umugaragu wawe nzajya nsenga nerekeye aha.
21 Nuko ujye wumva kwinginga kâumugaragu wawe nâukwâabantu bawe bâAbisirayeli, uko bazajya basenga berekeye aha hantu. Ni koko ujye wumva uri mu buturo bwawe ari bwo ijuru, kandi uko uzajya wumva ubabarire.
22 â Umuntu nacumura kuri mugenzi we bakamurahiza indahiro, akaza akarahirira imbere yâicyotero cyawe muri iyi nzu,
23 ujye wumva uri mu ijuru utegeke, ucire abagaragu bawe imanza zitsindisha abakiranirwa biturwe gukiranirwa kwabo, zigatsindishiriza abakiranutsi nkâuko gukiranuka kwabo kuri.
24 â Abantu bawe bâAbisirayeli nibirukanwa nâababisha bazira ko bagucumuyeho, nyuma bakaguhindukirira bakerura izina ryawe, bagasenga bingingira imbere yawe muri iyi nzu,
25 ujye wumva uri mu ijuru ubabarire abantu bawe bâAbisirayeli igicumuro cyabo, ubagarure mu gihugu wabahanye na ba sekuruza.
26 â Ijuru nirikingwa imvura ntigwe kuko bagucumuyeho, nyuma bagasenga berekeye aha bakubaha izina ryawe, bakareka igicumuro cyabo kuko uzaba ubahannye,
27 ujye wumva uri mu ijuru ubabarire abagaragu bawe nâabantu bawe bâAbisirayeli igicumuro cyabo, uzabigishe kugendana ingeso nziza, uvubire igihugu cyawe imvura, icyo wahaye abantu bawe ho gakondo.
28 â Inzara nitera mu gihugu cyangwa mugiga, cyangwa kurumbya cyangwa gikongoro, cyangwa inzige cyangwa kagungu, cyangwa ababisha nibabagotera mu gihugu kirimo imidugudu yabo, nubwo hatera ibyago cyangwa indi ndwara yose,
29 maze umuntu wese nagira icyo asaba cyose yinginze, cyangwa abantu bawe bâAbisirayeli bose uko umuntu wese azajya yimenyaho indwara ye nâumubabaro we ku bwe, akarambura amaboko ye yerekeye iyi nzu,
30 ujye wumva uri mu ijuru ari ryo buturo bwawe ubabarire, witure umuntu wese ukurikije ibyo yakoze byose, wowe uzi umutima we (kuko ari wowe wenyine uzi imitima yâabantu),
31 kugira ngo bakubahe bagendere mu nzira zawe, iminsi bazamara yose mu gihugu wahaye ba sogokuruza bakiriho.
32 â Kandi ibyâumunyamahanga utari uwo mu bwoko bwawe bwa Isirayeli, naza aturutse mu gihugu cya kure azanywe nâizina ryawe rikuru, nâamaboko yawe akomeye nâukuboko kwawe kwagirije, nibaza basenga berekeye iyi nzu,
33 ujye wumva uri mu ijuru ari ryo buturo bwawe, umarire uwo munyamahanga ibyo agutakambira byose, bitume amoko yose yo mu isi amenya izina ryawe, akubahe nkâuko ubwoko bwawe bwa Isirayeli bukubaha, kandi bamenye yuko iyi nzu nubatse yitwa iyâizina ryawe.
34 â Abantu bawe nibatabara bakajya kurwana nâababisha mu nzira yose uzabagabamo, maze bakagusenga berekeye uyu murwa watoranije nâinzu nubakiye izina ryawe,
35 ujye wumva gusenga kwabo no kwinginga kwabo uri mu ijuru, ubarengere mu byo bazaba barwanira.
36 â Nibagucumuraho (kuko ari nta muntu udacumura) ukabarakarira, ukabahÄna mu babisha babo bakabajyana ari imbohe mu gihugu cya kure cyangwa icya hafi,
37 ariko bakisubiriramo mu gihugu bajyanywemo ari imbohe, bagahindukira bakagutakambira bari mu gihugu banyagiwemo bavuga bati âTwaracumuye, tugira ubugoryi dukora nabiâ,
38 nibakugarukira nâumutima wose nâubugingo bwabo bwose bari mu gihugu bari banyagiwemo, aho bajyanywe ari imbohe bagasenga berekeye igihugu cyabo wahaye ba sekuruza, nâumurwa watoranyije nâinzu nubakiye izina ryawe,
39 ujye wumva gusenga kwabo no kwinginga kwabo uri mu ijuru ari ryo buturo bwawe, ubabarire abantu bawe bagucumuyeho ubakiranurire ibyabo.
40 â Nuko Mana yanjye ndakwinginze, amaso yawe arebe nâamatwi yawe yumve ishengesho ryose rizasengerwa aha.
41 Nuko rero none Uwiteka Mana, haguruka winjire mu buruhukiro bwawe wowe ubwawe nâisanduku yâicyubahiro cyawe, abatambyi bawe Uwiteka Mana bambikwe agakiza, abakunzi bawe banezererwe amahirwe.
42 Uwiteka Mana, ntiwime uwo wimikishije amavuta, ujye wibuka imbabazi wagiriye umugaragu wawe Dawidi.â