2 NGOMA 28
Ibyo ku ngoma ya Ahazi (2 Abami 16.1-5)
1 Ahazi atangira gutegeka yari amaze imyaka makumyabiri avutse, amara imyaka cumi nâitandatu i Yerusalemu ari ku ngoma, ntiyakora ibishimwa nâUwiteka nka sekuruza Dawidi.
2 Ahubwo agendana ingeso zâabami bâAbisirayeli, aremera BÄli ibishushanyo biyagijwe.
3 Kandi yosereza imibavu mu gikombe cya mwene Hinomu, atwika abana be mu muriro akurikiza ibizira byakorwaga nâabanyamahanga Uwiteka yirukanye imbere yâAbisirayeli.
4 Agatamba, akosereza imibavu mu ngoro no ku misozi, no munsi yâigiti kibisi cyose.
5 Ni cyo cyatumye Uwiteka Imana ye imutanga, ikamugabiza umwami wâi Siriya. Abasiriya baramunesha, banyaga mu bantu be abanyagano benshi cyane, babajyana i Damasiko. Kandi arongera aratangwa, agabizwa umwami wâAbisirayeli aramunesha, yica benshi cyane.
6 Nuko uwo Mwami Peka mwene Remaliya yica mu Bayuda abantu agahumbi nâinzovu ebyiri ku munsi umwe, bose bari abantu bâintwari, kuko bimuye Uwiteka Imana ya ba sekuruza.
7 Zikuri, umugabo wâumunyamaboko wo mu Befurayimu yica MÄseya umwana wâumwami, na Azirikamu wâumunyarugo na Elukana uwa kabiri ku mwami.
8 Nuko Abisirayeli bajyana bene wabo ho abanyagano abantu uduhumbi tubiri, abagore nâabana bâabahungu nâabâabakobwa, babanyagamo nâiminyago myinshi babijyana i Samariya.
9 Ariko hariyo umuhanuzi wâUwiteka witwaga Odedi, ajya gusanganira ingabo zijya i Samariya arazibwira ati â Uwiteka Imana ya ba sogokuruza banyu yarakariye Abayuda bituma ibabagabiza, kandi mwabicanye uburakari bwinshi bugeze mu ijuru.
10 Kandi mugambiriye kunyitsa Abayuda nâabâi Yerusalemu, ngo mubagire abaretwa nâabaja. Ariko aho mwebwe nta bicumuro mwacumuye ubwanyu ku Uwiteka Imana yanyu?
11 Nuko rero none nimunyumvire musubizeyo abanyagano mwanyaze muri bene wanyu, kuko uburakari bwâinkazi bwâUwiteka buri kuri mwe.â
12 Nuko bamwe mu batware bâAbefurayimu, Azariya mwene Yohanani na Berekiya mwene Meshilemoti, na Yehizikiya mwene Shalumu na Amasa mwene Hadulayi, barahaguruka bahagarika abava mu ntambara.
13 Barababwira bati â Abanyagano ntimubageze hano, kuko icyo mugambiriye gukora kizatuzanira igicumuro ku Uwiteka, kikongerwa ku byaha byacu no ku bicumuro byacu, kuko ibicumuro byacu ari byinshi kandi ku Bisirayeli hariho uburakari bwâinkazi.â
14 Nuko abagabo bitwaje intwaro barekurira abanyagano, barekera nâiminyago imbere yâabantu nâiteraniro ryose.
15 Maze abagabo bavuze mu mazina barahaguruka bajyana abanyagano, abari bambaye ubusa bose bo muri bo babambika iminyago, babaha imyambaro babambika nâinkweto, barabagaburira babaha nâibyokunywa, barabahezura, nâabanyantegenke bo muri bo bose babaheka ku ndogobe babageza i Yeriko umudugudu wâimikindo kwa bene wabo, baherako basubira i Samariya.
Abayuda batewe nâAbedomu batabaza abami ba AshĆ«ri (2 Abami 16.7-9)
16 Muri iyo minsi Umwami Ahazi atabaza abami ba Ashƫri ngo bamuvune,
17 kuko Abedomu bongeye gutera Abayuda bakabanesha, babajyana ari imbohe.
18 Kandi Abafilisitiya na bo bari bateye imidugudu yo mu bibaya nâiyâu Buyuda bwâikusi, bahindĆ«ra i Betishemeshi na Ayaloni, nâi Gederoti nâi Soko hamwe nâibirorero byaho, nâi Timuna nâibirorero byaho, nâi Gimuzo nâibirorero byaho barahatura,
19 kuko Uwiteka yacishije Abayuda bugufi, abahĆra Ahazi umwami wa Isirayeli kuko yakoze ibyâubugome i Buyuda, agacumura ku Uwiteka cyane.
20 Bukeye Tigulatipileneseri umwami wa Ashƫri aza aho ari, ariko aho kumukomeza amukura umutima.
21 Kuko Ahazi yenze ibintu bimwe byo mu nzu yâUwiteka, no mu nzu yâumwami no mu mazu yâibikomangoma akabitura umwami wa AshĆ«ri, ariko ntibyagira icyo bimumarira.
22 Umwami Ahazi mu gihe cyo gushoberwa akabya gucumura ku Uwiteka,
23 kuko yatambiye imana zâi Damasiko zamunesheje akavuga ati â Imana zâabami bâi Siriya zabafashije, ni cyo kizantera kuzitambira ngo zimfashe.â Ariko zamurimburanye nâAbisirayeli bose.
24 Nuko Ahazi ateranya ibintu byo mu nzu yâImana arabitemagura, akinga inzugi zâinzu yâUwiteka, yiremera ibicaniro ahantu hose hâi Yerusalemu.
25 No mu midugudu yose yâi Buyuda yubakamo ingoro zo kosereza imibavu izindi mana, arakaza Uwiteka Imana ya ba sekuruza.
26 Ariko indi mirimo ye nâingeso ze zose, ibyabanje nâibyaherutse, byanditswe mu gitabo cyâabami bâAbayuda nâabâAbisirayeli.
27 Ahazi aratanga asanga ba sekuruza, bamuhamba mu murwa wâi Yerusalemu, kuko batamuhambye mu mva zâabami ba Isirayeli, maze umuhungu we Hezekiya yima ingoma ye.