2 ABAMI 23
Yosiya agarura abantu ku Mana, arwanya ibyâubupagani (2 Ngoma 34.3- 7; 29-33)
1 Maze umwami atumira abakuru bâAbayuda nâabâi Yerusalemu bose, bateranira aho ari.
2 Bageze aho, umwami arazamuka ajya mu nzu yâUwiteka, hamwe nâabagabo bâAbayuda bose nâabâi Yerusalemu bose, bajyana na we nâabatambyi nâabahanuzi nâabantu bose, aboroheje nâabakomeye. Amagambo yose yo muri icyo gitabo cyâisezerano cyabonetse mu nzu yâUwiteka, arayabasomera barayumva.
3 Maze umwami ahagarara iruhande rwâinkingi, asezeranira imbere yâUwiteka ko azakurikira Uwiteka, akitondera amategeko ye nâibyo yahamije, nâamateka ye abishyizeho umutima we wose nâubugingo bwe bwose, kugira ngo asohoze amagambo yâiryo sezerano ryanditswe muri icyo gitabo. Maze abantu bose barahagarara bihamiriza iryo sezerano.
4 Nuko umwami ategeka Hilukiya umutambyi mukuru, nâabatambyi bari mu mwanya wa kabiri nâabarinzi bâinzugi, gukura mu rusengero rwâUwiteka ibintu byose byaremewe BÄli na Ashera nâingabo zose zo mu ijuru, abitwikira inyuma yâi Yerusalemu mu kabande kâi Kidironi, umuyonga wabyo awujyana i Beteli.
5 Yirukana abatambyi bâikigirwamana bashyizweho nâabami bâAbayuda kujya bosereza imibavu mu ngoro zo mu midugudu yâi Buyuda nâahateganye nâi Yerusalemu hose, agakuraho nâabandi boserezaga BÄli imibavu, bakayosereza nâizuba nâukwezi nâinyenyeri nâingabo zose zo mu ijuru.
6 Akura igishushanyo cya Ashera mu nzu yâUwiteka, akijyana inyuma yâi Yerusalemu ku kagezi kitwa Kidironi agitwikira kuri ako kagezi, aragisiribanga kiba umuyonga. Uwo muyonga wacyo aherako awusesa ku bituro byâabakene.
7 Asenya amazu yâabatinganyi yari mu nzu yâUwiteka, aho abagore baboheraga inyegamo zo gukingira igishushanyo cya Ashera.
8 Akura abatambyi bose bo mu midugudu yâi Buyuda, yangiza ingoro aho abatambyi boserezaga imibavu, uhereye i Geba ukageza i BÄrisheba, asenya ingoro zo ku marembo, imwe yari ku irembo ryo kwa Yosuwa igisonga cyâumurwa, iyindi yari ibumoso bwâirembo ryâuwo murwa.
9 Abatambyi bo mu ngoro ntibarakazamuka ngo bajye ku cyotero cyâUwiteka i Yerusalemu, ahubwo bajyaga basangira na bene wabo imitsima idasembuwe.
10 Kandi yangiza nâi Tofeti hari mu gikombe cya bene Hinomu, ngo he kugira umuntu wese unyuriza Moleki umwana we wâumuhungu cyangwa wâumukobwa mu muriro.
11 Akuraho amafarashi abami bâAbayuda bari baraterekereje izuba, ahajya mu nzu yâUwiteka iruhande rwâinzu ya Natanimeleki umunyanzu hahereranye nâurusengero, atwika nâamagare yari yaraterekerejwe izuba.
12 Kandi ibicaniro byari hejuru yâinzu ya Ahazi yo hejuru, ibyo abami bâAbayuda bari barubatse, nâibyo Manase yari yarubatse mu bikari byombi byâinzu yâUwiteka, na byo umwami arabisenya. Amaze kubimenagura abikurayo, umukungugu wabyo awujugunya mu kagezi kitwa Kidironi.
13 Kandi ingoro zari ziteganye nâi Yerusalemu, zari iburyo bwâumusozi wâirimbukiro, izo Salomo umwami wa Isirayeli yubakiye Ashitoreti ikizira cyâAbasidoni, na Kemoshi ikizira cyâAbamowabu, na Milikomu ikizira cyâAbamoni, umwami arabyangiza.
14 Avunagura inkingi, atema ibishushanyo bya Ashera, kandi aho byabaga ahuzuza amagufwa yâabantu.
Yosiya asohoza ibyahanuwe ku ngoma ya Yerobowamu
15 Kandi igicaniro cyâi Beteli nâingoro Yerobowamu mwene Nebati yubatse, ari we woheje Abisirayeli ngo bacumure, icyo gicaniro nâiyo ngoro arabisenya atwika iyo ngoro, arabisiribanga biba umuyonga, atwika nâigishushanyo cya Ashera.
16 Yosiyaagikora ibyo, arakebuka abona ibituro byari ku musozi. Yohereza abantu bataburura amagufwa muri ibyo bituro, ayatwikira kuri icyo gicaniro aracyangiza, nkâuko ijambo ryâUwiteka ryari riri wa muntu wâImana yari yaravuze.
17 Yosiya aravuga ati â Kiriya gishushanyo ndeba ni rwibutso ki?â Abanyarurembo baramusubiza bati â Ni igituro cyâumuntu wâImana waturutse i Buyuda, ahanurira ku gicaniro cyâi Beteli ibyo ukoze ibyo.â
18 Umwami aravuga ati â We nimumureke, ntihagire umuntu utaburura amagufwa ye.â Nuko amagufwa ye barayareka bareka nâayâumuhanuzi wavuye i Samariya.
19 Kandi amazu yose yâingo zo mu midugudu yâi Samariya abami bâAbisirayeli bari barubatse barakaza Uwiteka, Yosiya ayakuraho ayagenza uko yagenje ayâi Beteli kose.
20 Yicira abatambyi bose bo mu ngoro zari zihari ku bicaniro byazo abitwikiraho amagufwa yâabantu, birangiye asubira i Yerusalemu.
Baziririza Pasika (2 Ngoma 35.1-19)
21 Hanyuma umwami ategeka abantu bose ati â Nimuziririze Uwiteka Imana yanyu Pasika, nkâuko byanditswe muri cya gitabo cyâisezerano.â
22 Ntabwo baherukaga kuziririza Pasika bihwanye nâubwo, uhereye igihe abacamanza baciraga Abisirayeli imanza, kugeza ubwo haba no ku ngoma zose zâabami bâAbisirayeli nâizâabâAbayuda.
23 Pasika iyo yaziririjwe mu mwaka wa cumi nâumunani wâUmwami Yosiya, bayiziririza Uwiteka i Yerusalemu.
24 Kandi abashitsi nâabapfumu na terafimu nâibishushanyo bisengwa, nâibizira byose byabonetse mu Buyuda nâi Yerusalemu, na byo Yosiya abikuraho, kugira ngo asohoze amagambo yâamategeko yanditswe mu gitabo Hilukiya umutambyi yabonye mu nzu yâUwiteka.
25 Kandi nta mwami mu bamubanjirije wari uhwanye na we, wahindukiriye Uwiteka nâumutima we wose nâubugingo bwe bwose nâimbaraga ze zose, akurikije amategeko ya Mose yose, ndetse no mu bamuherutse nta wahwanye na we.
26 Ariko rero Uwiteka ntiyahindukiye ngo areke uburakari bwe bugurumana yarakariye Abayuda, abahoye ibyo Manase yakoreye kumurakaza byose.
27 Uwiteka aravuga ati â Nzakura Abayuda imbere yanjye nkâuko nakuyeho Abisirayeli, kandi nzahakana Yerusalemu iyo, umurwa nitoranirije nâinzu nari naravuzeho nti âNi mo izina ryanjye rizaba.â â
28 Ariko indi mirimo ya Yosiya nâibyo yakoze byose, mbese ntibyanditswe mu gitabo cyâibyo ku ngoma zâabami bâAbayuda?
29 Ku ngoma ya Yosiya, Farawo Neko umwami wa Egiputa arazamuka atera umwami wa Ashuri ku ruzi Ufurate. Umwami Yosiya na we atera Farawo, ariko Farawo amutsinda i Megido.
30 Abagaragu be bakura intumbi ye i Megido, bayishyira mu igare ryâintambara bamujyana i Yerusalemu, bamuhamba mu mva ye. Abantu bo mu gihugu bajyana Yowahazi mwene Yosiya, bamwimikisha amavuta bamugira umwami, yima ingoma ya se.
31 Yowahazi yimye amaze imyaka makumyabiri nâitatu avutse, amara amezi atatu i Yerusalemu ari ku ngoma. Nyina yitwaga Hamutali umukobwa wa Yeremiya wâi Libuna.
32 Akora ibyangwa nâUwiteka nkâibyo ba sekuruza bakoraga byose.
33 Hanyuma Farawo Neko amubohera i Ribula mu gihugu cyâi Hamati, kugira ngo adategeka i Yerusalemu. Abo mu gihugu cyâAbayuda abaca icyiru cyâitalanto zâifeza ijana, nâitalanto imwe yâizahabu.
34 Maze Farawo Neko yimika Eliyakimu mwene Yosiya asimbura se ku ngoma, ahindura izina rye amuhimba Yehoyakimu. Nuko avanayo Yowahazi, amujyana muri Egiputa agwayo.
35 Maze Yehoyakimu aha Farawo izo feza nâizahabu, ariko ategeka abo mu gihugu cyâAbayuda ko ari bo bazitanga nkâuko Farawo yategetse. Yaka umuntu wese wo mu gihugu ifeza nâizahabu uko yazibacaga, ngo abihe Farawo Neko.
36 Yehoyakimu uwo yimye amaze imyaka makumyabiri nâitanu avutse, amara imyaka cumi nâumwe i Yerusalemu ari ku ngoma. Nyina yitwaga Zebida umukobwa wa Pedaya wâi Ruma.
37 Yakoze ibyangwa nâUwiteka nkâibyo ba sekuruza bakoze byose.