2 ABAMI 16
Ibyo ku ngoma ya Ahazi (2 Ngoma 28.1-27)
1 Mu mwaka wa cumi nâirindwi wo ku ngoma ya Peka mwene Remaliya, Ahazi mwene Yotamu umwami wâAbayuda yarimye,
2 ajya ku ngoma amaze imyaka makumyabiri avutse, amara imyaka makumyabiri nâitandatu i Yerusalemu ari ku ngoma, ariko ntiyakora ibishimwa imbere yâUwiteka Imana ye, nka sekuruza Dawidi.
3 Ahubwo agendana ingeso zâabami bâAbisirayeli, ndetse acisha umuhungu we mu muriro akurikije ibizira byakorwaga nâabanyamahanga Uwiteka yirukanye imbere yâAbisirayeli.
4 Yajyaga atamba ibitambo, akosereza imibavu mu ngoro no mu mpinga zâimisozi no munsi yâigiti kibisi cyose.
5 Bukeye Resini umwami wâi Siriya na Peka mwene Remaliya umwami wâAbisirayeli, barazamuka batera i Yerusalemu bagota Ahazi, ariko ntibashobora kumunesha.
6 Icyo gihe Resini umwami wâi Siriya agarurira Abasiriya Elati, yirukanayo Abayuda maze Abasiriya baza Elati, baturayo na bugingo nâubu.
7 Ahazi abibonye atyo, atuma kuri Tigulatipileseri umwami wa Ashuri ati â Ndi umugaragu wawe kandi ndi nâumwana wawe. Zamuka unkize umwami wâi Siriya nâumwami wâAbisirayeli bampagurukiye.â
8 Ahazi yenda ifeza nâizahabu zibonetse mu nzu yâUwiteka no mu byâubutunzi byo mu nzu yâumwami, abyoherereza umwami wa Ashuri ho ituro.
9 Nuko umwami wa Ashuri aramwumvira, atera i Damasiko arahatsinda, maze ajyana abaho ari imbohe i Kiri, kandi yica Resini.
10 Bukeye Ahazi ajya i Damasiko guhura na Tigulatipileseri umwami wa Ashuri. Umwami Ahazi agezeyo abona igicaniro cyaho, yoherereza Uriya umutambyi ishusho yacyo nâurugero rwacyo uko cyakozwe kose.
11 Nuko Uriya umutambyi yubaka igicaniro nkâicyo, akurikije urugero rwose Umwami Ahazi yamwoherereje ari i Damasiko. Uko ni ko Uriya umutambyi yacyubatse, kugira ngo umwami Ahazi nava i Damasiko azasange cyuzuye.
12 Bukeye umwami ava i Damasiko, abona igicaniro aracyegera, agitambiraho.
13 Hejuru yacyo atambiraho igitambo cyoswa, atura ituro ryâifu yâimpeke, asukaho nâamaturo ye yâibyokunywa, aminjagiraho amaraso yâibitambo byâishimwe yuko ari amahoro.
14 Kandi icyotero cyâumuringa cyari imbere yâUwiteka, agikura aho cyari kiri imbere yâinzu hagati yâicyotero nâinzu yâUwiteka, agishyira iruhande rwâicyo gicaniro cye rwerekeye ikasikazi.
15 Nuko Umwami Ahazi ategeka Uriya umutambyi ati â Ku gicaniro kinini abe ari ho ujya utambira igitambo cyoswa cyo mu gitondo, uture ituro ryâifu yâimpeke rya nimugoroba, kandi nâigitambo cyâumwami cyoswa, nâituro rye ryâifu yâimpeke, hamwe nâigitambo cyoswa cya rubanda rwose rwo mu gihugu, nâituro ryabo ryâifu yâimpeke, nâamaturo yabo yâibyokunywa, uminjagire amaraso yose yâigitambo cyoswa, nâayâikindi gitambo, ariko icyotero cyâumuringa kizabaho ku bwanjye, njye nkigishirizaho Imana inama.â
16 Uko ni ko Uriya umutambyi yagenzaga, uko Umwami Ahazi yategetse kose.
17 Maze Umwami Ahazi atemaho ibisate byâibitereko, avanaho nâigikarabiro. Kandi akuraho igikarabiro kidendeje cyari giteretse ku bishushanyo byâinka byakozwe mu miringa, agitereka ku mabuye ashashwe.
18 Kandi ibaraza ryâisabato risakawe ryari ryubatswe ku nzu yâUwiteka, nâirembo ryo ku gikari ryâumwami ubwe, arabihindura ku bwâumwami wa Ashuri.
19 Ariko indi mirimo Ahazi yakoze, mbese ntiyanditswe mu gitabo cyâibyo ku ngoma zâabami bâAbayuda?
20 Hanyuma Ahazi aratanga asanga ba sekuruza, bamuhamba hamwe na bo mu mudugudu wa Dawidi, maze umuhungu we Hezekiya yima ingoma ye.