YOSUWA 24
Yosuwa atekerereza Abisirayeli ibyabaye, abihanangiriza gukorera Uwiteka wenyine
1 Yosuwa ateraniriza imiryango yâAbisirayeli yose i Shekemu, ahamagaza abatware bâAbisirayeli nâabakuru babo, nâabacamanza babo nâabatware bâingabo baza kwiyerekana imbere yâImana.
2 Maze Yosuwa abwira abantu bose ati â Uwiteka Imana ya Isirayeli ivuze iti âKera ba sogokuruza babaga hakurya ya rwa ruzi, ndetse Tera se wa Aburahamu, se wa Nahori, bakoreraga izindi mana.
3 Bukeye njyana sogokuruza wanyu Aburahamu, mukura hakurya yâuruzi munyuza mu gihugu cyose cyâi KanÄni, ngwiza urubyaro rwe muha Isaka.
4 Maze Isaka muha Yakobo na Esawu, Esawu muha umusozi wa Seyiri ngo atureyo, ariko Yakobo nâurubyaro rwe baramanuka bajya muri Egiputa.
5 Bukeye ntuma Mose na Aroni, ntera Abanyegiputa ibyago nkâuko nabibageneye byose, hanyuma yâibyo mbakurayo.
6 Nkura ba sogokuruza muri Egiputa mbageza ku nyanja. Abanyegiputa bamwe mu magare abandi bagendera ku mafarashi, bakurikira ba sogokuruza babageza ku Nyanja Itukura.
7 Maze batakira Uwiteka ashyira umwijima hagati yanyu nâAbanyegiputa, Uwiteka abateranyirizaho amazi yâinyanja arabarengera. Kandi amaso yanyu yabonye ibyo nakoze muri Egiputa, maze mumara iminsi myinshi mu butayu.
8 â âMbajyana mu gihugu cyâAbamori bo hakurya ya Yorodani, barwana namwe, ariko ndababagabiza muhindĆ«ra igihugu cyabo, maze mbarimburira imbere yanyu.
9 Bukeye Balaki mwene Sipori umwami wâi Mowabu arahaguruka arwanya Abisirayeli, ni ko gutumira BalÄmu mwene Bewori ngo aze kubavuma,
10 ariko nanga kumvira BalÄmu. Nicyo cyatumye abasabira umugisha, nuko mbakiza amaboko ya Balaki.
11 Nyuma mwambuka Yorodani mugera i Yeriko abaho barabarwanya, ndetse nâAbamori nâAbaferizi nâAbanyakanÄni, nâAbaheti nâAbagirugashi nâAbahivi nâAbayebusi, maze ndababagabiza bose.
12 Kandi nohereza amavubi ababanziriza ngo yirukane abami bombi bâAbamori imbere yanyu, ntibirukanywe nâinkota zanyu cyangwa imiheto yanyu.
13 Maze mbaha igihugu kitabaruhije, nâimidugudu mutubatse muyituramo, nâinzabibu nâimyelayo mutateye, ri byo murya none.â
14 â Nuko noneho mwubahe Uwiteka mumukorere mu byâukuri mutaryarya, kandi mukureho za mana ba sogokuruza banyu bakoreraga hakurya ya rwa ruzi no muri Egiputa, mujye mukorera Uwiteka.
15 â Kandi niba mutekereza ko ari bibi gukorera Uwiteka, uyu munsi nimwitoranyirize uwo muzakorera, niba ari izo mana ba sogokuruza bakoreraga zo hakurya ya rwa ruzi, cyangwa imana zâAbamori bene iki gihugu murimo, ariko jye nâinzu yanjye tuzakorera Uwiteka.â
16 Abantu baramusubiza bati â KwimĆ«ra Uwiteka ngo dukorere izindi mana biragatsindwa,
17 kuko Uwiteka Imana yacu ari yo yadukuranye muri Egiputa na ba sogokuruza, ikatuvana mu nzu yâuburetwa kandi igakora ibimenyetso bikomeye mu maso yacu, ikaturinda mu nzira yose no mu mahanga yose twanyuzemo.
18 Imbere yacu Uwiteka yirukana abo muri ayo mahanga yose, hamwe nâAbamori bari batuye muri iki gihugu. Ni cyo kizatuma dukorera Uwiteka kuko ari yo Mana yacu.â
19 Yosuwa abwira abantu ati â Ku bwanyu ntimubasha gukorera Uwiteka kuko ari Imana yera, ifuha, ntiyemere kubabarira ibicumuro byanyu nâibyaha byanyu.
20 Kandi nimwimĆ«ra Uwiteka mugakorera imana zâabanyamahanga, azahindukira abagirire nabi, abarimbure nubwo yari yabagiriye neza.â
21 Nuko abantu babwira Yosuwa bati â Oya, ahubwo tuzakorera Uwiteka.â
22 Yosuwa abwira abantu ati â Nuko muri abagabo bo kwihamiriza ibyo, yuko muhisemo Uwiteka kuba ari we muzakorera.â Na bo bati â Turi abagabo bâibyo.â
23 Yosuwa ati â Noneho ubwo ari byo mukureho imana zâabanyamahanga ziri muri mwe, mukomereze imitima yanyu ku Uwiteka Imana ya Isirayeli.â
24 Abantu babwira Yosuwa bati â Uwiteka Imana yacu ni yo tuzakorera, kandi tuzayumvira.â
25 Nuko uwo munsi Yosuwa asezerana nâabantu, abahera amateka nâamategeko i Shekemu.
Yosuwa ashinga ibuye ryâumuhamya
26 Nuko Yosuwa yandika ayo magambo mu gitabo cyâamategeko yâImana, yenda ibuye rinini arishinga munsi yâigiti cyâumwela, cyegeranye nâubuturo bwera bwâUwiteka.
27 Yosuwa abwira bantu bose ati â Dore iri buye ni ryo muhamya udahamiriza ibyo, kuko ryumvise amagambo Uwiteka yatubwiye yose. Ni cyo gituma ribaye umuhamya muri mwe kugira ngo mutazihakana Imana yanyu.â
28 Nuko Yosuwa asezerera abantu, ngo umuntu wese ajye muri gakondo ye.
29 Nuko hanyuma yâibyo, Yosuwa mwene Nuni umugaragu wâUwiteka aherako arapfa, yari amaze imyaka ijana nâicumi.
30 Bamuhamba mu rugabano rwa gakondo ye i Timunatisera, mu gihugu cyâimisozi miremire ya Efurayimu ikasikazi yâumusozi wa GÄshi.
31 Yosuwa akiriho Abisirayeli bakoreraga Uwiteka, no mu gihe cyose cyâabakuru basigaye Yosuwa amaze gupfa. Abo ni bo bari bazi neza imirimo yose Uwiteka yakoreye Abisirayeli.
32 Kandi Abisirayeli bari barazanye amagufwa ya Yosefu bayakuye muri Egiputa, nuko bayahamba i Shekemu mu gikingi Yakobo yaguze na bene Hamori se wa Shekemu ibice byâifeza ijana. Ayo magufwa aguma muri gakondo ya bene Yosefu.
33 Eleyazari mwene Aroni arapfa na we, bamuhamba ku gasozi Finehasi umwana we yari yahawe mu gihugu cyâimisozi ya Efurayimu.