YESAYA 45
Ibya Kuro nâibyâAbisirayeli uko bazagaruka
1 Ibi ni byo Uwiteka abwira Kuro, uwo yimikishije amavuta ati â Ni we mfashe ukuboko kwâiburyo nkamuneshereza amahanga ari imbere ye, kandi nzakenyuruza abami kugira ngo mukingurire inzugi, kandi nâamarembo ntazugarirwa.
2 Nzakujya imbere ahataringaniye mparinganize, nzamenagura inzugi zâimiringa, nâibihindizo byâibyuma nzabicamo kabiri.
3 Nzaguha ubutunzi buri mu mwijima nâibintu bihishwe ahantu hiherereye, kugira ngo umenye ko ari jye Uwiteka uguhamagara mu izina ryawe, ari jyewe Mana ya Isirayeli.
4 Ku bwâumugaragu wanjye Yakobo, Isirayeli natoranije, nguhamagaye mu izina ryawe nguhimbye izina, nubwo utigeze kumenya.
5 â Ni jye Uwiteka nta wundi, nta yindi mana ibaho itari jye. Nzagukenyeza nubwo utigeze kumenya,
6 kugira ngo uhereye iburasirazuba ukageza iburengerazuba bamenye ko ari nta yindi iriho itari jye. Ni jye Uwiteka nta wundi ubaho.
7 Ni jye urema umucyo nâumwijima, nkazana amahoro nâamakuba. Jye Uwiteka ni jye ukora ibyo byose.
8 Wa juru we, tonyanza, nâikirere gisandare gukiranuka kuva mu ijuru. Isi nikinguke babonemo agakiza, imeremo no gukiranuka. Jye Uwiteka ni jye wabiremye.â
9 Utonganya Iyamuremye azabona ishyano, kandi ari urujyo mu zindi njyo zâisi. Mbese ibumba ryabaza uribumba riti â Urabumba iki?â Cyangwa icyo urema cyavuga kiti â Nta ntoki afite?â
10 Azabona ishyano ubaza se ati â Urabyara iki?â Akabaza nyina ati â Utwite iki?â
11 Uwiteka Uwera wa Isirayeli, Umuremyi we arabaza ati â Mbese mwangisha impaka zâibizaza, mukantegekera ibyâabahungu banjye nâibyo nkoresha intoki?
12 Naremye isi nyiremeramo abantu, ijuru nararyibambiye nâintoki zanjye, nâingabo zaryo zose ndazitegeka.
13 Mpagurukishije Kuro gukiranuka, kandi nzatunganya inzira ze zose. Ni we uzubaka umurwa wanjye kandi ni we uzarekura abantu banjye banyazwe, adahawe ibiguzi cyangwa impongano.â Ni ko Uwiteka Nyiringabo avuga.
14 Uwiteka aravuga ati â Imirimo ya Egiputa nâindamu za Etiyopiya nâizâAbaseba, abagabo barebare bazagukeza babe abawe, bazagukurikira. Bazagukeza bari mu minyururu bagupfukamire, bagutakambire bati âNi ukuri Imana iri muri wowe, nta wundi kandi nta yindi mana iriho.â â
15 Mana ya Isirayeli Umukiza, ni ukuri ni wowe Mana yihisha.
16 Bazakorwa nâisoni bamware bose, abarema ibishushanyo bazamwarirwa hamwe.
17 Ariko Isirayeli azakirishwa nâUwiteka agakiza gahoraho, ntimuzakorwa nâisoni, ntimuzamwara iteka ryose.
18 Kuko Uwiteka waremye ijuru ari we Mana, ari we waremye isi akayibumba akayikomeza, ntiyayiremye idafite ishusho ahubwo yayiremeye guturwamo avuga ati â Ni jye Uwiteka, nta wundi ubaho.
19 Sinavugiye mu rwihisho ahantu ho mu gihugu cyo mu mwijima, sinabwiye urubyaro rwa Yakobo nti âMuranshakira ubusa.â Jyewe Uwiteka mvuga ibyo gukiranuka, mbwiriza amagambo atunganye.
20 â Nimuterane muze munyegerere icyarimwe, mwa barokotse bo mu mahanga mwe. Abaterura igiti cyâigishushanyo cyabo kibajwe, bagasenga ikigirwamana kitabasha gukiza nta bwenge bagira.
21 Mwamamaze mubyigize hafi bijye inama. Ni nde werekanye ibyo uhereye mu bihe byashize? Ni nde wabibwirije uhereye kera? Si jyewe Uwiteka? Kandi nta yindi mana ibaho itari jye, Imana idaca urwa kibera kandi ikiza, nta yindi ibaho itari jye.
22 â Nimumpugukire mukizwe, mwa bari ku mpera zâisi mwese mwe, kuko ari jye Mana nta yindi ibaho.
23 Ndirahiye, ijambo rivuye mu kanwa kanjye ni ryo jambo rikiranuka ritazavuguruzwa, yuko amavi yose azampfukamira, indimi zose zikaba ari jye zirahira.
24 â Hariho uzambwira ati âMu Uwiteka honyine ni ho hari gukiranuka nâimbaraga.â â Kuri we ni ho abantu bazahungira, abamurakarira bose bazakorwa nâisoni.
25 Mu Uwiteka ni ho urubyaro rwa Isirayeli rwose ruzatsindishiririzwa, rukamwirata.