YESAYA 36
Senakeribu atera i Buyuda asuzuguza Hezekiya
1 Mu mwaka wa cumi nâine wo ku ngoma yâumwami Hezekiya, Senakeribu umwami wa Ashuri yarazamutse atera imidugudu yâi Buyuda yose yari igoswe nâinkike, arayitsinda.
2 Bukeye umwami wa Ashuri ari i Lakishi, atuma Rabushake ku mwami Hezekiya i Yerusalemu ari kumwe nâingabo nyinshi. Agezeyo ahagarara ku mugende wâamazi yâikidendezi cyo haruguru, cyari ku nzira yo mu gisambu cyâumumeshi.
3 Asanganirwa na Eliyakimu mwene Hilukiya umunyarugo, na Shebuna umwanditsi, na Yowa mwene Asafu umucurabwenge.
4 Rabushake arababwira ati â Nimubwire Hezekiya nonaha muti: Umwami mukuru, umwami wa Ashuri aradutumye ngo: Ibyiringiro byawe ni byiringiro ki?
5 Ngo inama zawe nâimbaraga zawe byo kurwana ni ubusa. Ariko uwo wiringiye ni nde watumye ungandira?
6 Erega wiringiye inkoni yâurubingo rusadutse ari rwo Egiputa, umuntu yarwishingikirizaho rwamucumita mu kiganza rukagihinguranya. Uko ni ko Farawo umwami wa Egiputa amerera abamwiringira bose.
7 â Kandi nimuvuga muti âTwiringiye Uwiteka Imana yacuâ, mbese si yo Hezekiya yasenyeye ingoro nâibicaniro byayo, akabwira Abayuda nâabâi Yerusalemu ati âMuzajye muramya muri imbere yâiki cyotero cyâi Yerusalemu?â
8 Nuko rero usezerane na databuja umwami wa Ashuri, ubwanjye nzaguha amafarashi ibihumbi bibiri, niba wowe ubwawe wazībonera abayajyaho.
9 Wabasha ute kwirukana umutware nâumwe muto cyane mu bagaragu ba databuja? Kandi wiringiye Abanyegiputa ko bazaguha amagare yâintambara nâabagendera ku mafarashi.
10 Ngo mbese nzamutse gutera aha hantu nkaharimbura ntabitegetswe nâUwiteka? Uwiteka ni we wambwiye ati âZamuka utere icyo gihugu ukirimbure.â â
11 Eliyakimu na Shebuna na Yowa basubiza Rabushake bati â Turakwinginze, vugana nâabagaragu bawe mu Runyaramaya kuko turwumva, ariko we kuvugana natwe mu Ruyuda ngo abantu bari ku nkike babyumve.â
12 Nuko Rabushake arababwira ati â Mbese ugira ngo databuja yantumye kuri shobuja namwe kubabwira ayo magambo? Ntimuzi ko yantumye kuri abo bicaye ku nkike, kugira ngo barÄ«re amabyi yabo banywere inkari yabo hamwe namwe?â
13 Maze Rabushake arangurura ijwi rirenga mu rurimi rwâAbayuda ati â Nimwumve amagambo yâumwami mukuru umwami wa Ashuri.
14 Uwo mwami arantumye ngo Hezekiya ntabashuke, kuko atazabasha kubakiza.
15 Hezekiya ntabiringize Uwiteka ababwira ati âNi ukuri Uwiteka azadukizaâ, kandi ati âUyu murwa ntuzahabwa umwami wa Ashuri.â
16 Mwe kumvira Hezekiya kuko umwami wa Ashuri antumye ngo âMwuzure nanjye musohoke munsange, umuntu wese abone uko arya ku muzabibu we no ku mutini we, nâuko anywa amazi yo mu iriba rye,
17 kugeza ubwo nzaza nkabajyana mu gihugu gihwanye nâicyanyu, kirimo ingano na vino nâimitsima nâinzabibu.â
18 Mwirinde ko Hezekiya abashuka ngo âUwiteka azadukiza.â Mbese hari indi mana mu mana zâabanyamahanga yigeze gukiza igihugu cyayo amaboko yâumwami wa Ashuri?
19 Imana zâi Hamati nâiza Arupadi ziri he? Imana zâi Zefaravayimu ziri he? Mbese zakijije abâi Samariya amaboko yanjye?
20 Ni iyihe mu mana zose zo muri ibyo bihugu yakijije igihugu cyayo amaboko yanjye, kugira ngo Uwiteka akize i Yerusalemu amaboko yanjye?â
21 Abantu baraceceka ntibagira icyo bamusubiza, kuko umwami yari yategetse ati â Ntimugira icyo mumusubiza.â
22 Hanyuma Eliyakimu mwene Hilukiya wâumunyarugo, na Shebuna wâumwanditsi, na Yowa mwene Asafu wâumucurabwenge baraza basanga Hezekiya bashishimuye imyambaro yabo, bamubwira amagambo ya Rabushake.