ITANGIRIRO 50
Yakobo arapfa baramwosa, bamujyana i Kanani bamuhambayo
1 Yosefu yubama mu maso ha se amuririraho, aramusoma.
2 Yosefu ategeka abagaragu be bâabavuzi kosa se, abo bavuzi bosa Isirayeli.
3 Bamara iminsi mirongo ine bakimwosa, uko ni ko iminsi yo koserezamo ingana. Abanyegiputa bamara iminsi mirongo irindwi bamuririra.
4 Iminsi yo kumuririra ishize, Yosefu abwira abo mu rugo rwa Farawo ati â Niba mbagiriyeho umugisha, ndabinginze mubwire Farawo muti
5 âSe yamurahirije ibi: dore ngiye gupfa, mu mva nicukuriye mu gihugu cyâi Kanani abe ari mo uzampamba. None ngo arakwinginga azamuke ahambe se, kandi ngo azagaruka.â â
6 Farawo ati â Zamuka uhambe so, nkâuko yakurahirije.â
7 Yosefu arazamuka ajya guhamba se, ajyana nâabagaragu ba Farawo bose, abakuru bo mu rugo rwe, nâabakuru bo mu gihugu cya Egiputa bose,
8 nâabo mu rugo rwa Yosefu bose, na bene se nâabo mu rugo rwa se, abana babo bato, nâimikumbi yabo nâamashyo yabo, ibyo byonyine ni byo basize mu gihugu cyâi Gosheni.
9 Ajyana nâamagare yâintambara nâabahetswe nâamafarashi, bagenda ari itara rinini cyane.
10 Bagera ku mbuga yâigosorero yo muri Atadi, hari hakurya ya Yorodani, bacurirayo umuborogo mwinshi ukomeye cyane, amara aho iminsi irindwi aharirira se amwiraburiye.
11 Bene igihugu bâAbanyakanani babonye baririra ku mbuga yâigosorero yo muri Atadi, baravuga bati â Uyu ni umuborogo mwinshi wâAbanyegiputa.â Ni cyo cyatumye bahita Abeli Misirayimu, hari hakurya ya Yorodani.
12 Abana ba Isirayeli bamukorera uko yabategetse,
13 bamujyana mu gihugu cyâi Kanani, bamuhamba mu buvumo bwo mu isambu yâi Makipela iri imbere ya Mamure, ubwo Aburahamu yaguranye nâiyo sambu kuba gakondo yo guhambamo, abuguze na Efuroni Umuheti.
Yosefu ahumuriza bene se, arapfa
14 Amaze guhamba se, Yosefu asubirana muri Egiputa na bene se, nâabandi bose bajyanye na we kumuhambisha se.
15 Bene se wa Yosefu babonye ko se yapfuye, baravugana bati â Ahari Yosefu azatwanga, atwiture rwose inabi twamugiriye.â
16 Batuma kuri Yosefu bati â So atarapfa yaradutegetse ati
17 âMuzabwire Yosefu ibi: arakwinginze, babarira bene so igicumuro cyabo nâicyaha cyabo kuko bakugiriye nabi.â None turakwinginze, babarira abagaragu bâImana ya so igicumuro cyabo.â Yosefu babimubwiye ararira.
18 Ndetse bene se baragenda bamwikubita imbere, baramubwira bati â Dore turi abagaragu bawe.â
19 Yosefu arababwira ati â Mwitinya. Mbese ndi mu cyimbo cyâImana?
20 Ku bwanyu mwari mushatse kungirira nabi, ariko Imana yo yashakaga kubizanisha ibyiza, kugira ngo isohoze ibi biriho none, ikize abantu benshi urupfu.
21 None mwe gutinya, nzajya mbagaburirana nâabana banyu bato.â Arabahumuriza ababwira neza.
22 Yosefu aturana muri Egiputa nâumuryango wa se, Yosefu arama imyaka ijana nâicumi.
23 Yosefu abona abuzukuru ba Efurayimu, nâabana ba Makiri mwene Manase bavukiye ku mavi ya Yosefu.
24 Yosefu abwira bene se ati â Ngiye gupfa, ariko Imana ntizabura kubagenderera ikabakura muri iki gihugu, ikabajyana mu gihugu yarahiriye Aburahamu na Isaka na Yakobo ko izabaha.â
25 Yosefu arahiza abana ba Isirayeli ati â Imana ntizabura kubagenderera, namwe muzajyane amagufwa yanjye, muyakure ino.â
26 Nuko Yosefu apfa aramye imyaka ijana nâicumi. Baramwosa, bamushyirira muri Egiputa mu isanduku yo guhambamo.