ITANGIRIRO 23
Sara arapfa; Aburahamu agura ubuvumo bwo kumuhambamo
1 Sara yaramye imyaka ijana na makumyabiri nâirindwi, iyo ni yo myaka Sara yaramye.
2 Sara apfira i Kiriyataruba (ari ho Heburoni) mu gihugu cyâi Kanani, Aburahamu aza kuborogera Sara, amuririra.
3 Aburahamu arahaguruka ava ku ntumbi ye, abwira Abaheti ati
4 â Ndi umushyitsi nâumusuhuke muri mwe, mumpe gakondo yo guhambamo, mpambe umupfu wanjye, mwivane mu maso.â
5 Abaheti basubiza Aburahamu bati
6 â Databuja, utwumve uri umuntu ukomeye cyane muri twe, uhambe umupfu wawe mu mva yacu uri buhitemo muri zose, nta wo muri twe uri bukwime imva ye ngo we guhambamo umupfu wawe.â
7 Aburahamu arahaguruka, yikubita imbere ya bene igihugu, ni bo Baheti.
8 Avugana na bo arababwira ati â Nimwemera yuko mpamba umupfu wanjye ngo mwivane mu maso, munyumvire, munyingingire Efuroni mwene Sohari,
9 ampe ubuvumo bwâi Makipela afite, buri ku mpera yâisambu ye. Abungurishirize hagati yanyu igiciro kibukwiriye kitagabanije, bube gakondo yo guhambamo.â
10 Efuroni yari yicaye hagati mu Baheti, Efuroni Umuheti asubiza Aburahamu, Abaheti bamwumva, abinjiraga mu irembo ryâumudugudu wabo bose ati
11 â Ahubwo databuja, nyumva. Iyo sambu ndayiguhaye, nâubuvumo burimo ndabuguhaye, mbiguhereye imbere yâabâubwoko bwacu, hamba umupfu wawe.â
12 Aburahamu yikubita imbere ya bene igihugu.
13 Abwira Efuroni bene igihugu bamwumva ati â Ndakwinginze, nyumvira. Ndakwishyura igiciro cyâiyo sambu, cyemere nkiguhe, mpambemo umupfu wanjye.â
14 Efuroni asubiza Aburahamu ati
15 â Databuja, nyumvira. Agasambu kaguze shekeli magana ane zâifeza kanteranya nawe? Nuko hamba umupfu wawe.â
16 Aburahamu yumvira Efuroni agerera Efuroni ifeza avuze, Abaheti bamwumva, shekeli magana ane zâifeza, zemerwa nâabagenza.
17 Nuko isambu ya Efuroni yari i Makipela, iri imbere yâi Mamure, yo nâubuvumo burimo nâibiti byo muri yo byose byayigotaga hose ku mpera yayo, bikomerezwa Aburahamu
18 kuba gakondo ye, imbere yâAbaheti, imbere yâabinjiraga mu irembo ryâumudugudu wabo bose.
19 Hanyuma yâibyo, Aburahamu ahamba Sara umugore we muri ubwo buvumo bwo mu isambu yâi Makipela, iri imbere yâi Mamure (ni ho Heburoni) mu gihugu cyâi Kanani.
20 Nuko Abaheti bakomereza Aburahamu iyo sambu nâubuvumo buyirimo kuba gakondo yo guhambamo.