ITANGIRIRO 11
Imana inyuranya indimi zâabantu
1 Isi yose yari ifite ururimi rumwe nâamagambo amwe.
2 Bagenda berekeye iburasirazuba, babona ikibaya kiri mu gihugu cyâi Shinari, barahatura.
3 Barabwirana bati â Mureke tubumbe amatafari, tuyotse cyane.â Kandi bagiraga amatafari mu cyimbo cyâamabuye, bakayafatanisha ibumba mu cyimbo cyâibyondo.
4 Baravuga bati â Mureke twiyubakire umudugudu nâinzu yâamatafari ndende, izagere ku ijuru, kugira ngo twibonere izina rimenyekana, twe gutatanira gukwira mu isi yose.â
5 Uwiteka amanurwa no kureba umudugudu nâinzu ndende, abana bâabantu bubatse.
6 Uwiteka aravuga ati â Dore aba ni ubwoko bumwe nâururimi rumwe, ibyo ni byo babanje gukora none ntakizabananira gukora bagishatse.
7 Reka tumanuke tuhahindurire ururimi rwabo, rubemo nyinshi zinyuranye, be kumvana.â
8 Uwiteka abatataniriza gukwira mu isi yose, barorera kubaka wa mudugudu.
9 Ni cyo cyatumye witwa Babeli, kuko ari yo Uwiteka yahinduriye ururimi rwâabo mu isi bose, rukavamo nyinshi zinyuranye, kandi ari yo yabakuriyeyo, akabatataniriza gukwira mu isi yose.
Urubyaro rwa Shemu (1 Ngoma 1.24-27)
10 Uru ni rwo rubyaro rwa Shemu. Shemu yamaze imyaka ijana avutse, abyara Arupakisadi mu mwaka wa kabiri wa mwuzure ushize.
11 Amaze kubyara Arupakisadi, Shemu arongera amara imyaka magana atanu, ayibyaramo abahungu nâabakobwa.
12 Arupakisadi yamaze imyaka mirongo itatu nâitanu avutse, abyara Shela.
13 Amaze kubyara Shela, Arupakisadi arongera amara imyaka magana ane nâitatu, ayibyaramo abahungu nâabakobwa.
14 Shela yamaze imyaka mirongo itatu avutse, abyara Eberi.
15 Amaze kubyara Eberi, Shela arongera amara imyaka magana ane nâitatu, ayibyaramo abahungu nâabakobwa.
16 Eberi yamaze imyaka mirongo itatu nâine avutse, abyara Pelegi.
17 Amaze kubyara Pelegi, Eberi arongera amara imyaka magana ane na mirongo itatu, ayibyaramo abahungu nâabakobwa.
18 Pelegi yamaze imyaka mirongo itatu avutse, abyara Rewu.
19 Amaze kubyara Rewu, Pelegi arongera amara imyaka magana abiri nâicyenda, ayibyaramo abahungu nâabakobwa.
20 Rewu yamaze imyaka mirongo itatu nâibiri avutse, abyara Serugi.
21 Amaze kubyara Serugi, Rewu arongera amara imyaka magana abiri nâirindwi, ayibyaramo abahungu nâabakobwa.
22 Serugi yamaze imyaka mirongo itatu avutse, abyara Nahori.
23 Amaze kubyara Nahori, Serugi arongera amara imyaka magana abiri, ayibyaramo abahungu nâabakobwa.
24 Nahori yamaze imyaka makumyabiri nâicyenda avutse, abyara Tera.
25 Amaze kubyara Tera, Nahori arongera amara imyaka ijana na cumi nâicyenda, ayibyaramo abahungu nâabakobwa.
Kuvuka kwa Aburamu
26 Tera yamaze imyaka mirongo irindwi avutse, abyara Aburamu na Nahori na Harani.
27 Uru ni rwo rubyaro rwa Tera. Tera yabyaye Aburamu na Nahori na Harani, Harani yabyaye Loti.
28 Harani apfira aho Tera se ari, mu gihugu yavukiyemo, ahitwa Uri yâAbakaludaya.
29 Aburamu na Nahori bararongora, umugore wa Aburamu yitwa Sarayi, umugore wa Nahori yitwa Miluka, umukobwa wa Harani, ni we se wa Miluka na Yisika.
30 Sarayi yari ingumba, ntiyari afite umwana.
31 Tera ajyana Aburamu umwana we na Loti mwene Harani umwuzukuru we, na Sarayi umukazana we, umugore wa Aburamu umuhungu we, bava muri Uri yâAbakaludaya barajyana, bavanwayo no kujya mu gihugu cyâi Kanani, bagera i Harani barahatura.
32 Iminsi Tera yaramye ni imyaka magana abiri nâitanu. Tera apfira i Harani.