INDIRIMBO ZA SALOMO 3
1 Nijoro ndi ku buriri bwanjye, Nshaka uwo umutima wanjye ukunda,Ndamushaka ndamubura.
2 Ni ko kuvuga nti â Ngiye guhaguruka, Ngendagende mu mudugudu, Mu nzira no mu miharuro, Nshaka uwo umutima wanjye ukunda.â Naramushatse ndamubura.
3 Nahuye nâabarinzi bagenda umudugudu, Ndabaza nti â Mbese mwabonye uwo umutima wanjye ukunda?â
4 Tugitandukana gato, Mbona uwo umutima wanjye ukunda. Ndamufata nanga kumurekura, Kugeza ubwo namugejeje mu nzu ya mama, Mu cyumba cyâuwambyaye. Umukwe:
5 Mwa bakobwa bâi Yerusalemu mwe, Mbarahirije amasirabo nâimpara zo mu gasozi, Ntimukangure umukunzi wanjye ngo abyuke, Kugeza igihe abyishakira. Umugeni:
6 Uriya ni nde uzamuka aturuka mu butayu, Ameze nkâinkingi zâumwotsi, Ahumurwaho nâishangi nâicyome, Nâibihumura neza byose byâumugenza?
7 Dore ni ingobyi ya Salomo,Akikijwe nâingabo zâintwari mirongo itandatu,Zo mu ntwari za Isirayeli.
8 Bose bitwaje inkota, Ni abahanga bo kurwana, Umuntu wese atwaye inkota ye ku itako rye, Babitewe nâubwoba bwa nijoro.
9 Umwami Salomo yiremeye ikitabashwa, Mu biti byâi Lebanoni.
10 Inkingi zacyo yaziremye mu ifeza, Nâimbere hacyo hari izahabu, Nâicyicaro cyacyo ari umuhengeri. Igisasiro cyacyo gishashwe nâurukundo, Yabikorewe nâabakobwa bâi Yerusalemu.
11 Yemwe bakobwa bâi Siyoni, nimusohoke, Mwitegereze umwami Salomo, Ufite ikamba yambitswe na nyina umunsi yashyingiweho, Ari wo munsi umutima we wanezerewe. Umukwe: