GUTEGEKA KWA KABIRI 28
1 Nugira umwete wo kumvira Uwiteka Imana yawe, nâuwo kwitondera amategeko yayo yose ngutegeka uyu munsi, Uwiteka Imana yawe izagusumbisha amahanga yose yo mu isi,
2 kandi iyi migisha yose izakuzaho, ikugereho niwumvira Uwiteka Imana yawe.
3 Uzagirira umugisha mu mudugudu, uzawugirira no mu mirima.
4 Hazagira umugisha imbuto zo mu nda yawe, nâimyaka yo ku butaka bwawe, nâimbuto zâamatungo yawe, kororoka kwâinka zawe nâukwâimikumbi yawe.
5 Hazagira umugisha igitenga cyawe nâicyibo uvugiramo.
6 Uzagira umugisha mu majya no mu maza.
7 Uwiteka azatuma ababisha bawe baguhagurukiye banesherezwa imbere yawe, bazaca mu nzira imwe bagusanganiye, baguhunge baciye mu nzira ndwi.
8 Uwiteka azategeka umugisha kuba mu bigega byawe no mu byo ugerageza gukora byose, kandi azaguhera umugisha mu gihugu Uwiteka Imana yawe iguha.
9 Uwiteka azagukomereza kumubera ubwoko bwera nkâuko yakurahiye, niwitondera amategeko yâUwiteka Imana yawe, ukagenda mu nzira ikuyoboye.
10 Amahanga yo mu isi yose azabona yuko witiriwe izina ryâUwiteka, agutinye.
11 Kandi Uwiteka azakugwiriza ibyiza byâimbuto zo mu nda yawe, nâibyâizâamatungo yawe, nâibyâimyaka yo ku butaka bwawe, mu gihugu Uwiteka yarahiye ba sekuruza banyu yuko azaguha.
12 Uwiteka azagukingurira ijuru, ububiko bwe bwiza ngo ajye akuvubira imvura mu bihe byayo, ahe umugisha imirimo ikuva mu maboko yose. Uzaguriza amahanga menshi, maze ntuzayaguzaho.
13 Uwiteka azaguhindura umutwe ntazaguhindura umurizo, uzaba hejuru gusa ntuzaba hasi, niwumvira amategeko yâUwiteka Imana yawe ngutegeka uyu munsi ukayitondera,
14 ntuteshuke iburyo cyangwa ibumoso ngo uve mu byo ngutegeka uyu munsi byose, uhindukirire izindi mana uzikorere.
15 Ariko nutumvira Uwiteka Imana yawe, ngo witondere amategeko yayo yâuburyo bwose ngutegeka uyu munsi, iyi mivumo yose izakuzaho, ikugereho.
16 Uzaba ikivume mu mudugudu, uzaba ikivume mu mirima.
17 Hazavumwa igitenga cyawe nâicyibo uvugiramo.
18 Hazavumwa imbuto zo mu nda yawe, nâimyaka yo ku butaka bwawe, no kororoka kwâinka zawe nâukwâimikumbi yawe.
19 Uzavumwa mu majya no mu maza.
20 Uwiteka azakoherereza umuvumo no guhagarikwa umutima no kubwirwa ibyago bizaza, mu byo ugerageza gukora byose kugeza aho uzarimbukira ukamarwa vuba, aguhĆra ibyaha bikomeye uzaba ukoze byo kumwimĆ«ra.
21 Uwiteka azaguteza mugiga itakuvaho ageze aho azagutsembera, ugashira mu gihugu ujyanwamo no guhindƫra.
22 Uwiteka azaguteza urusogobo nâubuganga, nâububyimba bwaka umuriro, nâicyokere cyinshi nâamapfa, no kuma nâuruhumbu, bizakomeka bigeze aho uzarimbukira.
23 Ijuru ryo hejuru yâumutwe wawe rizahinduka umuringa, nâubutaka uhagazeho buzahinduke icyuma.
24 Mu cyimbo cyâimvura Uwiteka azasuka mu gihugu cyawe umukungugu, nâumusenyi muto nkâifu yâingezi, bizava mu ijuru bikugweho bigeze aho uzarimbukira.
25 Uwiteka azatuma uneshwa nâababisha bawe bagushyire imbere, uzaca mu nzira imwe ubasanganiye ubahunge uciye mu nzira ndwi, uzateraganwa mu bihugu byâabami bo mu isi bose.
26 Uzaba inyama zâibisiga byose nâinyamaswa zose, ntihazagira ubyirukana.
27 Uwiteka azaguteza ibishyute nkâibyâAbanyegiputa, no kuzana amagara nâubuheri nâibikoko, we kubivurwa.
28 Uwiteka azaguteza ibisazi nâubuhumyi nâubuhungete,
29 uzakabakaba ku manywa yâihangu nkâuko impumyi ikabakabira mu mwijima, ntuzagira ukuboko kwiza mu byo ukora, uzajya ugirirwa inabi nsa kandi unyagwe iteka he kugira ugutabara.
30 Uzasaba umugeni harongore undi, uzubaka inzu we kuyitahamo, uzatera uruzabibu we kurya imbuto zarwo.
31 Inka yawe izabagirwa mu maso yawe we kuyiryaho, indogobe yawe izanyagirwa mu maso yawe we kuyikomorerwa, intama zawe zizahabwa ababisha bawe he kugira ugutabara.
32 Abahungu bawe nâabakobwa bawe bazahabwa irindi shyanga, amaso yawe azabireba ahereyo ananizwe no kubakumbura umunsi ukira, nta cyo uzashobora gukora.
33 Imyaka yo ku butaka bwawe nâibyakuvuye mu maboko byose bizaribwa nâishyanga utazi, uzagirirwa inabi nsa ushenjagurwe iteka,
34 bitume usazwa nâibyo amaso yawe azibonera.
35 Uwiteka azaguteza imikerÄve ikomeye cyane mu mavi, nâibishyute bikomeye cyane ku maguru we kubivurwa, ndetse azabiguteza bihÄre mu bworo bwâikirenge bigeze mu gitwariro.
36 Wowe nâumwami uziyimikira, Uwiteka azabashyira ishyanga utigeze kumenya wowe na ba sekuruza banyu, kandi uzakorererayo izindi mana zâibiti nâamabuye.
37 Kandi uzahindukira amahanga yose Uwiteka azakwimuriramo igitangaza, nâiciro ryâimigani nâagashinyaguro.
38 Uzasohora imbuto nyinshi usarure bike kuko inzige zizabirya.
39 Uzatera inzabibu uzihingire ariko ntuzanywa vino yazo, ntuzasoroma imbuto zazo kuko inanda zizazirya.
40 Uzagira imyelayo mu gihugu cyawe cyose ariko ntuzisiga amavuta yayo, kuko imyelayo yawe izahungura imiteja.
41 Uzabyara abahungu nâabakobwa be kuba abawe, kuko bazajyanwa ho iminyago.
42 Ibiti byawe byose nâimyaka yo ku butaka bwawe inzige zizabyigabiza.
43 Umunyamahanga uri hagati muri mwe azajya yunguka kugusumba, nawe uzahora usubira hasi.
44 Azakuguriza nawe we kumuguriza, ni we uzaba umutwe nawe ube umurizo.
45 Kandi iyo mivumo yose izakuzaho, izagukurikira igufatÄ«re igeze aho uzarimbukira, kuko uzaba utumviye Uwiteka Imana yawe ngo witondere amategeko yâuburyo bwose yagutegetse.
46 Iyo mivumo izakuberaho kuba ibimenyetso nâibitangaza, kandi izaba ku rubyaro rwawe iteka ryose.
47 Ubutunzi bwâibintu byose bugusagiranye, ntibwaguteye gukorera Uwiteka Imana yawe nâibyishimo nâumunezero wâumutima,
48 ni cyo kizatuma ukorera ababisha bawe Uwiteka azaguhagurukiriza, ufite inzara nâinyota no kwambara ubusa nâubukene bwa byose, kandi azashyira ku rutugu rwawe umutwaro wâuburetwa uremereye, udakurwaho.
49 Uwiteka azakuzanira ishyanga rya kure akuye ku mpera yâisi, riza nkâuko ikizu kiguruka, ishyanga uzaba utazi ururimi rwaryo,
50 ishyanga rifite mu maso hagaragaza urugomo, ritazubaha abashaje, ritazababarira abana.
51 Bazarya abana bâamatungo yawe, nâimyaka yo ku butaka bwawe bageze aho uzarimbukira, kandi ntibazagusigira imyaka yâimpeke cyangwa vino cyangwa amavuta ya elayo, cyangwa kororoka kwâinka zawe cyangwa ukwâimikumbi yawe, bageze aho bazakurimburira.
52 Bazagota imidugudu yawe yose, kugeza aho inkike zâamabuye zawe ndende zikomeye wiringiraga zo mu gihugu cyawe cyose zizaridukira. Bazasakiza imidugudu yawe yose yo mu gihugu cyawe cyose, Uwiteka Imana yawe izaba yaraguhaye.
53 Uzarya imbuto zo mu nda yawe, inyama zâabahungu bawe nâabakobwa bawe, Uwiteka Imana yawe izaba yaraguhaye ku bwo kugotwa no gusakizwa, ababisha bawe bazagusakiza.
54 Umugabo wo muri mwe wadamaraye akarushaho kumenyera kugubwa neza gusa, azarebana imbabazi nke mwene se nâumugore aseguye nâabana be asigaranye bakiriho,
55 ye guha nâumwe muri bo ku nyama zâabana be azaba ariye, kuko ari nta cyo asigaranye ku bwo kugotwa no gusakizwa, ababisha bawe bazagusakiza mu midugudu yawe yose.
56 Umugore wo muri mwe wadamaraye akamenyera kugubwa neza gusa, utatinyuka no gukandagiza ikirenge ku bwo kudamarara no kumenyera kugubwa neza gusa, azarebana imbabazi nke umugabo aseguye nâumuhungu we nâumukobwa we,
57 ngo atabagaburira ku ngobyi iturutse hagati yâamaguru ye no ku bana be abyaye, kuko azabarÄ«ra rwihishwa kuko abuze byose ku bwo kugotwa no gusakizwa, ababisha bawe bazagusakiza mu midugudu yawe.
58 Nutitondera amagambo yose yâaya mategeko yanditswe muri iki gitabo, ngo utinye iri zina ryâicyubahiro riteye ubwoba, ari ryo UWITEKA IMANA YAWE,
59 Uwiteka azaguteza wowe nâurubyaro rwawe, ibyago byâuburyo butangaza bikomeye bizakubaho akĆme, nâindwara zikomeye zibabere akarande.
60 Kandi azaguteza nawe za ndwara zose yateje Abanyegiputa zikagutera ubwoba, zigufateho akaramata.
61 Kandi indwara yose nâicyago cyose bitanditswe mu gitabo cyâaya mategeko, na byo Uwiteka azabiguteza ageze aho uzarimbukira.
62 Muzasigara muri bake, nubwo mwari muhwanije ubwinshi nâinyenyeri zo ku ijuru, kuko uzaba utumviye Uwiteka Imana yawe.
63 Kandi nkâuko Uwiteka yishimiraga kubagirira neza no kubagwiza, ni ko Uwiteka azishimira kubarimbura no kubatsemba kandi muzajahurwa mukurwe mu gihugu mujyanwamo no guhindĆ«ra.
64 Kandi Uwiteka azabatataniriza mu mahanga yose, uhereye ku mpera yâisi ukageza ku yindi mpera yayo, kandi uzakorererayo izindi mana utigeze kumenya, na ba sekuruza banyu batigeze kumenya, zâibiti nâamabuye.
65 Kandi muri ayo mahanga nta mahoro uzabona, ntuzabona aho uruhurira ibirenge byawe. Ariko Uwiteka azaguherayo umutima uhinda umushyitsi, nâamaso aremba nâumutima wonze.
66 Uzashidikanya ubugingo bwawe, uzahora utinya ku manywa na nijoro, ntuzagira ikikwiringiza ubugingo bwawe.
67 Buzacya ugira uti â Iyo bwiraâ, buzagoroba ugira uti â Iyo bucyaâ, ubitewe nâubwoba bwo mu mutima wawe bugutinyisha, nâibyo amaso yawe azibonera.
68 Kandi Uwiteka azagusubirisha muri Egiputa inkuge, mu nzira nakubwiye nti â Ntuzongera kuyibona ukundi.â Muzigurirayo nâababisha banyu ngo mube imbÄta zâabagabo nâabagore, mwe kubona ubagura.
Isezerano Imana yagiranye nâAbisirayeli i Mowabu
69 Aya ni yo magambo yâisezerano, Uwiteka yategetse Mose gusezeranira nâAbisirayeli mu gihugu cyâi Mowabu, yongewe ku isezerano yasezeraniye na bo kuri Horebu.