ABEFESO 2
Gukizwa nâubuntu
1 Namwe yarabazuye, mwebwe abari bapfuye muzize ibicumuro nâibyaha byanyu,
2 ibyo mwagenderagamo kera mukurikiza imigenzo yâiyi si, mugakurikiza umwami utegeka ikirere, ari we mwuka ukorera mu batumvira.
3 Kandi natwe twese twahoze muri bo dukurikiza ibyo kamere yacu yifuza, tugakora ibyo kamere nâimitima byacu byishakira, kandi ku bwa kavukire yacu twari abo kugirirwa umujinya nkâabandi bose.
4 Ariko Imana kuko ari umutunzi wâimbabazi, yaduhinduranye bazima na Kristo
5 ku bwâurukundo rwinshi yadukunze, ubwo twari dupfuye tuzize ibicumuro byacu (ubuntu ni bwo bwabakijije),
6 nuko ituzurana na we, itwicaranya na we mu ijuru mu buryo bwâumwuka turi muri Kristo Yesu,
7 kugira ngo mu bihe bizaza izerekane ubutunzi bwâubuntu bwayo buhebuje byose, itugirira neza muri Kristo Yesu.
8 Mwakijijwe nâubuntu ku bwo kwizera, ntibyavuye kuri mwe ahubwo ni impano yâImana.
9 Ntibyavuye no ku mirimo kugira ngo hatagira umuntu wirarira,
10 kuko turi abo yaremye ituremeye imirimo myiza muri Kristo Yesu, iyo Imana yiteguriye kera kugira ngo tuyigenderemo.
Abanyamahanga nâAbayuda ni bamwe muri Kristo
11 Nuko mwibuke yuko kera mwebwe abanyamahanga ku mubiri, abo abakebwe nâintoki ku mubiri bita abatakebwe,
12 mwibuke ko icyo gihe mwari mudafite Kristo mutandukanijwe nâUbwisirayeli, muri abashyitsi ku masezerano yâibyasezeranijwe, ari nta byiringiro mufite byâibizaba, ahubwo mwari mu isi mudafite Imana Rurema.
13 Ariko none kuko muri muri Kristo Yesu, mwebwe abari kure kera, mwigijwe hafi nâamaraso ya Kristo.
14 Uwo ni we mahoro yacu, kuko yahinduye twebwe ababiri kuba umwe akuyeho ubwanzi, ari bwo rusika rwari hagati yacu rutugabanya,
15 amaze gukuzaho amategeko yâibyâimihango umubiri we, kugira ngo ba babiri abarememo umuntu umwe mushya muri we ngo azane amahoro atyo,
16 kandi ngo bombi abagire umubiri umwe, abungishe nâImana umusaraba awicishije bwa bwanzi.
17 Yaraje ababwira ubutumwa bwiza bwâamahoro mwebwe abari kure, kandi abari bugufi na bo ababwira ibyâamahoro,
18 kuko ari we uduhesha uko turi amaharakubiri, kwegera Data wa twese turi mu Mwuka umwe.
19 Nuko ntimukiri abashyitsi nâabasuhuke, ahubwo muri ubwoko bumwe nâabera ndetse muri abo mu nzu yâImana,
20 kuko mwubatswe ku rufatiro rwâintumwa nâabahanuzi, ariko Kristo Yesu ni we buye rikomeza imfuruka.
21 Muri we inzu yose iteranijwe neza, irakura ngo ibe urusengero rwera mu Mwami Yesu.
22 Muri we namwe murubakanwa, kugira ngo mube inzu yo kubabwamo nâImana mu Mwuka.