ABALEWI 23
Iminsi mikuru yâUwiteka (Kub 28.16--29.39)
1 Uwiteka abwira Mose ati
2 â Bwira Abisirayeli uti: Iminsi mikuru yâUwiteka mukwiriye kuranga ko ari iyâamateraniro yera, iyi ni yo minsi mikuru yanjye.
3 Mu minsi itandatu abe ari mo imirimo ijya ikorwa, ariko uwa karindwi ni isabato yo kuruhuka, nâuwo guterana kwera ntimukagire umurimo wose muwukoraho. Ni isabato yâUwiteka yo kuziririzwa mu buturo bwanyu bwose.
4 â Iyi ni yo minsi mikuru yâUwiteka, nâiyo guterana kwera mukwiriye kujya muranga mu bihe byayo byategetswe.
5 â Mu kwezi kwa mbere, ku munsi wako wa cumi nâine nimugoroba, hajye habaho Pasika yâUwiteka.
6 Ku munsi wâuko kwezi wa cumi nâitanu hatangiriraho iminsi mikuru yâimitsima itasembuwe, muzamara iminsi irindwi muyirya.
7 Ku munsi uyitangira mujye muteranira kuba iteraniro ryera, ntimukagire umurimo wâubugaragu muwukoraho.
8 Muri iyo minsi uko ari irindwi mujye mutambira Uwiteka ibitambo bikongorwa nâumuriro, uwa karindwi ni uwo guterana kwera, ntimukagire umurimo wâubugaragu muwukoraho.â
9 Uwiteka abwira Mose ati
10 â Bwira Abisirayeli uti: Nimumara kugera mu gihugu nzabaha mugasarura ibisarurwa byaho, muzajye muzanira umutambyi umuganda wâumuganura wâibisarurwa byanyu,
11 na we awuzungurize imbere yâUwiteka kugira ngo ubabere ituro ryemerwa, ku wa mbere wâisabato abe ari ho umutambyi awuzunguza.
12 Kandi ku munsi muzungurizaho uwo muganda, mujye muwutambiraho isekurume yâintama idafite inenge itaramara umwaka, ho igitambo cyo koserezwa Uwiteka.
13 Kandi ituro ryâifu rituranwa na cyo, rijye riba ibice bya cumi bibiri bya efa yâifu yâingezi ivanzwe nâamavuta ya elayo, ribe ituro riturwa Uwiteka rigakongorerwa nâumuriro kuba impumuro nziza, ituro ryâibyokunywa rituranwa na cyo rijye riba igice cya kane cya hini ya vino.
14 Ntimukagire umutsima murya cyangwa impeke zikaranze cyangwa amahundo mabisi, uwo munsi utarasohora ngo muganurire Imana yanyu. Iryo rizababere itegeko ridakuka mu bihe byanyu byose no mu buturo bwanyu bwose.
15 â Kandi mujye mubara iminsi muhereye kuri uwo munsi wa mbere wâisabato, ku munsi mwazaniyeho umuganda wâituro ryo kuzunguzwa, mubare iminsi yâamasabato arindwi itagabanije.
16 Mubare iminsi mirongo itanu igeze ku munsi wa mbere wâisabato ya karindwi, maze muganurire Uwiteka ituro ryâumuganura wundi.
17 Mu buturo bwanyu mukuremo imitsima ibiri yo kuba ituro rijungujwe, ibe iyâibice bya cumi bibiri bya efa yâifu yâingezi yotsanywa umusemburo, kugira ngo iganurirwe Uwiteka.
18 Mumurikane nâiyo mitsima abana bâintama barindwi badafite inenge bataramara umwaka, nâikimasa cyâumusore nâamasekurume yâintama abiri, bibe ibitambo byoserezwa Uwiteka bitambanwe nâituro ryâifu nâiryâibyokunywa yo kuri byo, bibe ibitambo bikongorwa nâumuriro byâumubabwe uhumurira Uwiteka neza.
19 Kandi mutambe nâisekurume yâihene ho igitambo gitambirwa ibyaha, nâamasekurume yâintama abiri ataramara umwaka, ho ibitambo byâuko muri amahoro.
20 Umutambyi azizunguzanye na ya mitsima yâumuganura na ba bana bâintama bombi, bibe ituro rijungurijwe imbere yâUwiteka, byerezwe Uwiteka, bibe ibyâumutambyi.
21 Kuri uwo munsi mujye muranga ko ari umunsi mukuru ujye uba uwo guterana kwera, ntimukagire umurimo wâubugaragu muwukoraho. Iryo rizababere itegeko ridakuka mu buturo bwanyu bwose no mu bihe byanyu byose.
22 â Kandi nimusarura ibisarurwa byo mu gihugu cyanyu, ntimuzasarure inkokora zâimirima yanyu zose, ntimuzatoragure ibisigaye guhumbwa, ahubwo mubisigire umukene nâumusuhuke wâumunyamahanga. Ndi Uwiteka Imana yanyu.â
23 Uwiteka abwira Mose ati
24 â Bwira Abisirayeli uti: Mu kwezi kwa karindwi ku munsi wako wa mbere, hajye hababeraho umunsi wo kuruhuka, ube uwo kubibukisha, muwurangishe kuvuza amahembe, muwuteraneho guterana kwera.
25 Ntimukagire umurimo wâubugaragu muwukoraho, kandi mujye muwutambiraho Uwiteka igitambo gikongorwa nâumuriro.â
26 Uwiteka abwira Mose ati
27 â Ariko umunsi wa cumi wâuko kwezi kwa karindwi ni wo munsi wâimpongano, ujye ubabera uwo guterana kwera, mujye muwibabazaho imitima, muwutambireho Uwiteka igitambo gikongorwa nâumuriro.
28 Ntimukagire umurimo wose mukora kuri uwo munsi wâimpongano, muhongerererwaho imbere yâUwiteka Imana yanyu.
29 Umuntu wese utazibabaza umutima kuri uwo munsi, azakurwe mu bwoko bwe.
30 Kandi umuntu wese uzakora umurimo wose kuri uwo munsi, nzamurimbura mukure mu bwoko bwe.
31 Ntimukagire umurimo wose muwukoraho. Iryo ribabere itegeko ridakuka mu bihe byanyu byose no mu buturo bwanyu bwose.
32 Ujye ubabera isabato yo kuruhuka mwibabaze imitima: mujye muziririza iyo sabato muhereye nimugoroba ku munsi wâuko kwezi wa cyenda, mugeze nimugoroba ku munsi wa cumi.â
33 Uwiteka abwira Mose ati
34 â Bwira Abisirayeli uti: Umunsi wa cumi nâitanu wâuko kwezi kwa karindwi, abe ari ho mutangirira kuziririza Uwiteka iminsi mikuru irindwi yâingando.
35 Ku munsi uyitangira hajye habaho guterana kwera, ntihakagire umurimo wâubugaragu muwukoraho.
36 Mumare iminsi irindwi mujya mutambira Uwiteka ibitambo bikongorwa nâumuriro, uwa munani ujye ubabera uwo guterana kwera, muwutambireho Uwiteka ibitambo bikongorwa nâumuriro, ube uwo guterana mwitonze. Ntimukagire umurimo wâubugaragu muwukoraho.
37 â Iyo ni yo minsi mikuru yâUwiteka mukwiriye kuranga ko ari iyo guterana kwera, ngo mujye muyitambiraho Uwiteka ibitambo bikongorwa nâumuriro, igitambo cyoswa nâituro ryâifu, nâigitambo kindi nâamaturo yâibyokunywa, nâituro ryose nâigitambo cyose ku munsi wacyo.
38 Ibyo ntibibakureho kuziririza amasabato yâUwiteka no gutura amaturo yanyu, ayo muhiguza imihigo yose, nâayo muturishwa Uwiteka yose nâimitima ikunze.
39 â Ariko muhereye kuri uwo munsi wa cumi nâitanu wâukwezi kwa karindwi, mumaze gusarura imyaka yo mu gihugu cyanyu, mujye muziririza iminsi mikuru irindwi yâUwiteka, uyitangira ube uwo kuruhuka, nâuwa munani ube uwo kuruhuka.
40 Ku munsi uyitangira mujye mwenda imbuto zâibiti byiza nâamashami yâimikindo, nâamashami yâibiti bisagambye binini, nâingemwe zâimikinga yo ku migezi, mumare iminsi irindwi munezererwe imbere yâUwiteka Imana yanyu.
41 Uko umwaka utashye mujye muziriririza Uwiteka mutyo iminsi mikuru irindwi. Iryo ribabere itegeko ridakuka mu bihe byanyu byose, mujye muziririza iyo minsi mikuru mu kwezi kwa karindwi.
42 Mujye mumara iminsi irindwi muri mu ngando, Abisirayeli ba kavukire bose babe mu ngando,
43 kugira ngo abâibihe byanyu byose bamenye yuko nabesheje Abisirayeli mu ngando ubwo nabakuraga mu gihugu cya Egiputa. Ndi Uwiteka Imana yanyu.â
44 Mose abwira Abisirayeli iminsi mikuru yâUwiteka iyo ari yo.