ABALEWI 11
Ibifite ubugingo bizira nâibitazira (Guteg 14.3-21)
1 Uwiteka abwira Mose na Aroni ati
2 â Mubwire Abisirayeli muti: Ibi abe ari byo bifite ubugingo mujya murya mu nyamaswa nâamatungo byo mu isi byose.
3 Mu nyamaswa nâamatungo, icyatuye inzara cyose ngo kigire imigeri igabanije kikuza, abe ari cyo mujya murya.
4 Ariko ibi ntimukabirye mu byuza no mu byatuye inzara: ingamiya kuko yuza ikaba itatuye inzara, ni igihumanya kuri mwe.
5 Nâimpereryi kuko yuza ikaba itatuye inzara, na yo ni igihumanya kuri mwe.
6 Nâurukwavu kuko rwuza rukaba rutatuye inzara, na rwo ni igihumanya kuri mwe.
7 Nâingurube kuko yatuye inzara ngo igire imigeri igabanije ariko ntiyuze, na yo ni igihumanya kuri mwe.
8 Inyama zazo ntimukazirye, nâintumbi zazo ntimukazikoreho, ni ibihumanya kuri mwe.
9 â Ibi abe ari byo mujya murya mu byo mu mazi byose: ibyo mu mazi, mu nyanja no mu nzuzi no mu migezi bigira amababa nâibikoko, abe ari byo mujya murya.
10 Ibitagira amababa nâibikoko mu byo mu nyanja no mu nzuzi no mu migezi, mu byiyogesha mu mazi byose, no mu bifite ubugingo biba muri yo byose, murabizira.
11 Muzahore mubizira, ntimukarye inyama zabyo, intumbi zabyo na zo mujye muzizira.
12 Icyo mu mazi cyose kitagira amababa nâibikoko murakizira.
13 â Ibi abe ari byo mujya muzira mu bisiga ntibikaribwe ni ibizira: ikizu nâitanangabo na oziniya,
14 nâicyanira nâicyaruzi, uko amoko yabyo ari,
15 nâigikona cyose uko amoko yabyo ari,
16 na mbuni na tamasi, na shakafu nâagaca nâibyo mu bwoko bwako byose,
17 nâigihunyira gito na sarumpfuna, nâigihunyira kinini,
18 nâigihunyira cyâamatwi nâinzoya nâinkongoro,
19 nâigishondabagabo nâuruyongoyongo nâibyo mu bwoko bwarwo byose, nâinkotsa nâagacurama.
20 â Ibyigenza byose bigira amababa, bikagenza amaguru ane magufi, murabizira.
21 Ariko ibi mwemererwa kubirya mu byigenza byose bigira amababa, bikagenza amaguru ane, ibigira amaguru maremare ahinnye yerekeje imbere, ngo biyatarukishe hasi.
22 Ibi ni byo mwemererwa kurya, inzige nâibindi bimeze nka zo byitwa solamu na harugoli na hagabu, nkâuko amoko yabyo ari.
23 Ariko ibyigenza bindi byose bigira amababa, bikagenza amaguru ane magufi, murabizira.
24 â Kandi ibi bizabahumanya: ukoze ku ntumbi yabyo azaba ahumanye ageze nimugoroba,
25 kandi uzaterura nâigice cyâintumbi yabyo amese imyenda ye, aba ahumanye ageze nimugoroba.
26 Inyamaswa yose yatuye inzara ariko ntigire imigeri igabanije, ntiyuze ni igihumanya kuri mwe, umuntu wese uzikozeho azaba ahumanye.
27 Inyamaswa yose igendesha ibiganza cyangwa amajanja yo mu zigenza amaguru ane ni igihumanya kuri mwe, ukoze ku ntumbi yazo azaba ahumanye ageze nimugoroba.
28 Uzaterura intumbi yazo amese imyenda ye, aba ahumanye ageze nimugoroba. Izo ni izihumanya kuri mwe.
29 â Ibi ni byo bihumanya kuri mwe mu bikururuka bigenza amaguru magufi hasi: umukara nâimbeba nâicyugu kinini nkâuko amoko yabyo ari,
30 nâikinyogote nâigikeri, nâumuserebanya nâikijongororwa nâuruvu,
31 ibyo ni byo bihumanya kuri mwe mu bigenza amaguru magufi byose, ukoze ku ntumbi zabyo azaba ahumanye ageze nimugoroba.
32 Kandi ikintu cyose intumbi yabyo iguyeho kizaba gihumanye, kandi naho cyaba ikintu cyabajwe mu giti, cyangwa umwambaro cyangwa uruhu, cyangwa isaho cyangwa ikindi kintu cyose gikoreshwa umurimo wose gikwiriye gushyirwa mu mazi, kibe gihumanye kigeze nimugoroba, ni bwo kizaba gihumanutse.
33 Kandi ikintu cyâibumba cyose kizagubwamo nâicyo muri ibyo cyose, ibirimo bizabe bihumanye kandi icyo kintu mukimene.
34 Ibyaribwa byose birimo bishyirwamo amazi bizabe bihumanye, kandi ibyanyobwa byose biri mu kintu bene icyo cyose bizabe bihumanye.
35 Ikintu cyose kiguweho nâigice cyose cyâintumbi yabyo kizabe gihumanye, naho cyaba icyokezo cyâibyokurya cyangwa amashyiga kizamenagurwe, ibyo birahumanye kandi bizaba ibihumanya kuri mwe.
36 Keretse isĹko cyangwa urwobo rwacukuriwe kubika amazi agateraniramo kizabe kidahumanye, ariko ukoze ku ntumbi yabyo yabiguyemo azaba ahumanye.
37 Kandi niba igice cyâintumbi yabyo, kiguye ku mbuto zo kubibwa zâuburyo bwose, zizabe zidahumanye.
38 Ariko niba zuhiwe amazi, zikagubwamo nâigice cyâintumbi yabyo cyose, zizabe izihumanya kuri mwe.
39 â Kandi inyamaswa yose cyangwa itungo ryose mwemererwa kurya nigipfa, ukoze ku ntumbi yacyo azaba ahumanye ageze nimugoroba.
40 Uriye ku ntumbi yacyo amese imyenda ye abe ahumanye ageze nimugoroba, kandi nâuteruye intumbi yacyo amese imyenda ye, abe ahumanye ageze nimugoroba.
41 â Kandi igikururuka hasi cyose, gikurura inda cyangwa kigenza amaguru magufi, ni ikizira ntikikaribwe.
42 Igikurura inda cyose, nâikigenza amaguru ane magufi cyose, nâikigenza amaguru menshi cyose, ibikururuka hasi byose ntimukabirye kuko bizira.
43 Ntimukiyandavurishe igikururuka cyose gikurura inda cyangwa kigenza amaguru magufi, ntimukabyihumanishe ngo bibanduze.
44 Kuko ndi Uwiteka Imana yanyu, abe ari cyo gituma mwiyeza mube abera kuko ndi uwera, kandi ntimukiyandurishe igikururuka hasi cyâuburyo bwose gikurura inda cyangwa kigenza amaguru magufi.
45 Kuko ndi Uwiteka wabakuriye mu gihugu cya Egiputa kuba Imana yanyu, abe ari cyo gituma muba abera, kuko ndi uwera.
46 â Ayo ni yo mategeko yâinyamaswa nâamatungo, nâibisiga nâinyoni nâibifite ubugingo byose byiyogesha mu mazi, nâibibaho byose bikururuka hasi,
47 yo gutandukanya igihumanya nâikidahumanya, nâigifite ubugingo cyaribwa nâikitaribwa.â