ABAHEBURAYO 12
Kwihanganira ibitugerageza dukurikije icyitegererezo cya Kristo
1 Nuko natwe ubwo tugoswe nâigicucu cyâabahamya bangana batyo, twiyambure ibituremerera byose nâicyaha kibasha kutwizingiraho vuba, dusiganirwe aho dutegekwa twihanganye
2 dutumbira Yesu wenyine, ari we Banze ryo kwizera kandi ari we ugusohoza rwose, yihanganiye umusaraba ku bwâibyishimo byamushyizwe imbere ntiyita ku isoni zawo, yicara iburyo bwâintebe yâImana.
3 Nuko muzirikane uwo wihanganiye ubwanzi bwâabanyabyaha bukomeye butyo, kugira ngo mudacogora mukagwa isari mu mitima yanyu.
4 Mwebweho ntimuragera aho muvusha amaraso mu ntambara murwanya ibyaha,
5 kandi mwibagiwe kwa guhugura kubabwira nkâabana ngo â Mwana wanjye, ntugasuzugure igihano Uwiteka ahana, Kandi ntugwe isari nagucyaha.
6 Kuko uwo Uwiteka akunze ari we ahana, Kandi akubita ibiboko abo yemera bose ko ari abana be.â
7 Nimwihanganira ibihano, muba mugaragaje ko muri abana bâImana. Mbese ni mwana ki udahanwa na se?
8 Ariko niba mudahanwa nkâabandi bose, noneho muba muri ibibyarwa mutari abana nyakuri.
9 Ko dufite ba data batubyaye ku mubiri, bakaduhana natwe tukabubaha, ntidukwiriye kurushaho cyane kugandukira Se wâimyuka tugahoraho?
10 Kuko ba bandi baduhanaga iminsi mike nkâuko byari bibabereye byiza, naho uwo aduhanira kugira ngo bitubere byiza dusangire kwera kwe.
11 Nta gihano kinezeza ukigihanwa ahubwo kimutera umubabaro, ariko rero hanyuma cyera imbuto zo gukiranuka zihesha amahoro abamenyerejwe na cyo.
12 Nuko mumanike amaboko atentebutse, mugorore amavi aremaye,
13 kandi muharurire ibirenge byanyu inzira zigororotse, kugira ngo ikirenge gicumbagira kidakuka rwose ahubwo gikire.
14 Mugire umwete wo kubana nâabantu bose amahoro nâuwo kwezwa, kuko utejejwe atazareba Umwami Imana.
15 Mwirinde hatagira umuntu ugwa akava mu buntu bwâImana, kandi hatagira umuzi wo gusharira umera ukabahagarika imitima abenshi bagahumana,
16 kandi hatabaho umusambanyi cyangwa ukerensa ibyâImana nka Esawu, waguranye umurage we wâumwana wâimfura igaburo rimwe.
17 Kuko muzi yuko hanyuma ubwo yashakaga kuragwa umugisha atemerewe, kuko atabonye uko yihana nubwo yabishakaga cyane arira.
Itandukaniro ryâibyâubwami bwâImana bwo mu isezerano rya kera, nâubwo mu isezerano rishya
18 Ntimwegereye wa musozi ubasha gukorwaho wakaga umuriro, cyangwa ngo mwegere igicu nâumwijima wâicuraburindi nâumuyaga wâishuheri,
19 nâijwi ryâimpanda nâiryâamagambo, abaryumvise bakingingira kutongerwaho ijambo,
20 kuko batashoboye kwihanganira ibyategetswe, ngo â Naho yaba inyamaswa ikoze kuri uwo musozi bayicishe amabuye.â
21 Ibyo byose byari ibiteye ubwoba, ni cyo cyatumye Mose avuga ati â Mfite ubwoba cyane ndahinda umushyitsi.â
22 Ahubwo mwegereye umusozi wa Siyoni nâururembo rwâImana ihoraho, ari rwo Yerusalemu yo mu ijuru, kandi mwegereye iteraniro ryâabamarayika batabarika,
23 nâItorero ryâabana bâimpfura banditswe mu ijuru, mwegereye nâImana umucamanza wa bose nâimyuka yâabakiranutsi batunganijwe rwose.
24 Mwegereye na Yesu umuhuza wâisezerano rishya, mwegereye nâamaraso aminjagirwa, avuga ibyiza kurusha aya Abeli.
25 Mwirinde mutanga kumva Iyo ivuga. Ubwo ba bandi batakize kuko banze kumva Iyababuriye iri mu isi, nkanswe twebwe niba dutera umugongo Ituburira iri mu ijuru!
26 Ijwi ryayo ryateye isi igishyitsi icyo gihe, ariko none ubu irasezeranije iti â Hasigaye rimwe ngatera isi igishyitsi, ariko si yo yonyine ahubwo nâijuru na ryo.â
27 Iryo jambo ngo â Hasigaye rimweâ, risobanurwa ngo gukuraho ibinyeganyezwa kuko ari ibyaremwe, kugira ngo ibitabasha kunyeganyezwa bihoreho.
28 Ni cyo gituma ubwo twakira ubwami butabasha kunyeganyezwa, dukwiriye gukomeza ubuntu bwâImana kugira ngo tubone uko dukorera Imana nkâuko ishaka, tuyubaha tuyitinya
29 kuko Imana yacu ari umuriro ukongora.