ABAFILIPI 4
1 Nuko rero bene Data, abo nkunda kandi nkumbura, ibyishimo byanjye nâikamba ryanjye, muhagarare mushikamye mu Mwami Yesu, bakunzi banjye.
2 Ndahugura Ewodiya, ndahugura na Sintike ngo bahurize imitima mu Mwami Yesu.
3 Kandi nawe, uwo dufatanije uwo murimo byâukuri, ndakwinginze ujye ufasha abo bagore kuko bakoranaga nanjye, bakamfasha kurwanira ubutumwa bwiza bo na Kilementi nâabandi bafatanyaga nanjye, amazina yabo yanditswe mu gitabo cyâubugingo.
4 Mujye mwishimira mu Mwami wacu iminsi yose. Yewe, nongeye kubivuga nti â Mwishime!â
5 Ineza yanyu imenywe nâabantu bose, Umwami wacu ari bugufi.
6 Ntimukagire icyo mwiganyira, ahubwo ibyo mushaka byose bimenywe nâImana mubisabiye, mubyingingiye, mushima.
7 Nuko amahoro yâImana ahebuje rwose ayo umuntu yamenya, azarindire imitima yanyu nâibyo mwibwira muri Kristo Yesu.
8 Ibisigaye bene Data, ibyâukuri byose, ibyo kubahwa byose, ibyo gukiranuka byose, ibiboneye byose, ibyâigikundiro byose nâibishimwa byose, nihaba hariho ingeso nziza kandi hakabaho ishimwe abe ari byo mwibwira.
9 Ibyo nabigishije, ibyo nababwirije, ibyo mwanyumvanye, nâibyo mwambonanye abe ari byo mukora. Ni bwo Imana itanga amahoro izabana namwe.
10 Nishimiye cyane mu Mwami wacu, kuko na none nubwo byatinze mwongeye kunzirikana, icyakora mwaranzirikanaga ariko mwaburaga uburyo.
11 Ibyo simbivugiye yuko nakenaga, kuko uko ndi kose nize kunyurwa nâibyo mfite.
12 Nzi gucishwa bugufi nzi no kugira ibisaga, nâaho naba ndi hose nâuko naba ndi kose, nigishijwe uburyo bwo kwihanganira byose, ari uguhaga, ari ugusonza, ari ukugira ibisaga cyangwa gukena.
13 Nshobozwa byose na Kristo umpa imbaraga. Ishimwe Pawulo ashimira Abafilipi
14 Ariko mwagize neza, ubwo mwese mwafatanije imibabaro yanjye.
15 Kandi mwa Bafilipi mwe, namwe ubwanyu muzi yuko ubutumwa bwiza bugitangira kubwirizwa ubwo navaga i Makedoniya, nta rindi Torero ryafatanije nanjye mu byo gutanga no guhabwa, keretse mwebwe mwenyine.
16 Ndetse nâi Tesalonike mwoherejeyo ibyo kunkenura, si rimwe risa ahubwo ni kabiri.
17 Nyamara burya si impano nshaka, ahubwo nshaka ko imbuto zongerwa kuri mwe.
18 Dore mfite ibinkwiriye byose ndetse mfite nâibisaga, ndahaze ubwo maze guhabwa na Epafuradito ibyo mwohereje, bimbereye nkâumubabwe uhumura neza nâigitambo cyemewe gishimwa nâImana.
19 Kandi Imana yanjye izabamara ubukene bwanyu bwose, nkâuko ubutunzi bwâubwiza bwayo buri muri Kristo Yesu.
20 Icyubahiro kibe icyâImana yacu, ari yo Data wa twese iteka ryose, Amen.
21 Nimuntahirize abera bose bari muri Kristo Yesu. Bene Data turi kumwe barabatashya.
22 Abera bose barabatashya, ariko cyane cyane abo kwa Kayisari.
23 Ubuntu bwâUmwami Yesu Kristo bubane nâimitima yanyu.