ABACAMANZA 20
Abisirayeli bitura Ababenyamini inabi bakoze
1 Maze Abisirayeli bose bava mu midugudu yabo, barema iteraniro. Nuko iteraniro ryabo riteranira icyarimwe i Misipa imbere yâUwiteka bavuye mu gihugu cyose, uhereye i Dani ukageza i BÄrisheba, hamwe nâabo mu gihugu cyâi Galeyadi.
2 Maze abatware bâabantu bose bâimiryango yâAbisirayeli yose biyerekanira mu iteraniro ryâubwoko bwâImana, abagabo uduhumbi tune bigenza bitwaje inkota.
3 (Kandi Ababenyamini bari bumvise ko Abisirayeli bazamutse, bagiye i Misipa.) Nuko Abisirayeli barabaza bati â Tubwire uko icyo cyaha cyakozwe.â
4 Umulewi, umugabo wâuwo mugore bishe arabasubiza ati â Nari ngeze i Gibeya yâAbabenyamini, ncumbikayo ndi kumwe nâumugore wanjye.
5 Maze nijoro abâi Gibeya barantera, bagota inzu narimo, bashakaga kunyica ubwanjye, kandi umugore wanjye baramwonona arapfa.
6 Ndamuzana mucagaguramo ibice, mperako mbyohereza mu gihugu cyose cya gakondo yâAbisirayeli, kuko bakoze icyaha cyâubusambanyi kandi kizira mu Isirayeli.
7 Mwa Bisirayeli mwese mwe, nimwuzuze inama muvuge icyo muzakora.â
8 Abantu bose baherako bahagurukira icyarimwe baravuga bati â Nta muntu nâumwe muri twe uzinjira mu ihema rye cyangwa uzataha mu rugo rwe,
9 ahubwo tuzagirira abâi Gibeya, tuhatere uko ubufindo butweretse.
10 Kandi tuzatoranya abagabo cumi mu bantu ijana tubakuye mu miryango yose yâAbisirayeli, kandi dutore ijana mu bantu igihumbi, nâigihumbi mu bantu inzovu bo kwikorera amahamba yâingabo, kugira ngo nibagera i Gibeya yâAbabenyamini, babÄ«ture inabi yâubupfu bakoze mu Isirayeli bwose.â
11 Nuko Abisirayeli bose bateranira kurwanya uwo mudugudu bahuje umutima, baba nkâumuntu umwe.
12 Maze imiryango yâAbisirayeli ituma abantu mu muryango wâAbabenyamini hose, barabaza bati â Icyo cyaha cyabonetse muri mwe ni icyâiki?
13 Noneho nimuduhe abo bagabo bâibigoryi bari i Gibeya, tubice dukure icyaha muri Isirayeli.â Ariko Ababenyamini banga kumvira Abisirayeli bene wabo.
14 Nuko Ababenyamini bavuye mu midugudu, yabo biteraniriza i Gibeya ngo bajye kurwana nâAbisirayeli.
15 Maze uwo munsi babara Ababenyamini bavuye mu midugudu yabo, abagabo bitwaje inkota inzovu ebyiri nâibihumbi bitandatu, udashyizeho abaturage bâi Gibeya, abagabo magana arindwi batoranijwe.
16 Kandi muri abo bantu bose harimo abagabo batoranijwe magana arindwi batwarira imoso, umuntu wese muri bo yashoboraga kurekura umuhumetso, ntabe yahusha nâagasatsi atagahamije.
17 Abisirayeli babazwe bari abagabo bitwaje inkota inzovu enye Ababenyamini batarimo, abo bose bari ingabo.
18 Nuko Abisirayeli barahaguruka bajya i Beteli, bagisha Imana inama barabaza bati â Ni nde uzatubanziriza kurwana nâAbabenyamini?â Uwiteka arabasubiza ati â Abayuda ni bo bazabanzayo.â
19 Maze Abisirayeli bibatura mu gitondo, bagandika hafi yâi Gibeya.
20 Nuko Abisirayeli batera Ababenyamini, birema ingamba i Gibeya ngo babarwanye.
21 Maze uwo munsi Ababenyamini bava i Gibeya, batikiza Abisirayeli bahasiga imirambo inzovu ebyiri nâibihumbi bibiri.
22 Ariko abantu ba Isirayeli bisubiramo, bongera kwirema ingamba aho bari baziremeye ubwa mbere.
23 Abisirayeli barazamuka baririra imbere yâUwiteka kugeza nimugoroba, babaza Uwiteka bati â Twongere kurwana nâAbabenyamini bene wacu?â Uwiteka arabasubiza ati â Nimwongere mubatere.â
24 Maze ku munsi wa kabiri Abisirayeli bongera kwegera Ababenyamini.
25 Nuko uwo munsi Ababenyamini barabatera, bongera koreza abantu bahasiga imirambo inzovu imwe nâibihumbi munani, abo bose bari ingabo zitwaje inkota.
26 Nuko ingabo zâAbisirayeli zose nâabantu bose barazamuka bajya i Beteli, bicara imbere yâUwiteka barira, biyiriza ubusa uwo munsi bageza nimugoroba. Kandi batambira imbere yâUwiteka ibitambo byoswa nâibitambo byâishimwe yuko bari amahoro.
27 Maze Abisirayeli bagisha Uwiteka inama. (Kandi muri iyo minsi isanduku yâisezerano ryâUwiteka yari ihari,
28 na Finehasi mwene Eleyazari mwene Aroni ni we wahagararaga imbere yayo.) Maze Abisirayeli babaza Uwiteka baravuga bati â Twongere kujya kurwana nâAbabenyamini bene wacu kandi, cyangwa se turekere aho?â Uwiteka aravuga ati â Mubatere kuko ejo nzababagabiza mukabanesha.â
29 Nuko Abisirayeli bashyira abantu mu bico impande zose zâi Gibeya.
30 Nuko ku munsi wa gatatu Abisirayeli batera Ababenyamini, birema ingamba i Gibeya nkâubwa mbere.
31 Ababenyamini babonye Abisirayeli barabasanganira, barabashukashuka ngo bave ku mudugudu, batangira gutsinda abantu babÄ«ca nkâubwa mbere, babÄ«cira mu mirima no mu nzira yâigihogere ijya i Beteli no mu nzira yâi Gibeya, mu Bisirayeli hapfa abantu nka mirongo itatu.
32 Ababenyamini baravuga bati â Turabanesheje nkâubwa mbere!â
Ababenyamini bicwa cyane Ariko Abisirayeli baravuga bati âTwiruke tubashukashuke bave ku mudugudu bajye mu nzira zâibihogere.â
33 Nuko Abisirayeli bose bava aho bari bari, birema ingamba i BÄlitamari, ariko Abisirayeli bari mu bico babyuka aho bari bari i MÄregeba.
34 Nuko haza abantu inzovu imwe batoranijwe mu Bisirayeli bose, batera i Gibeya baravungagurana cyane, ariko Ababenyamini bari batazi ko ibyago bibari bugufi.
35 Uwiteka atsinda Ababenyamini imbere yâAbisirayeli, maze uwo munsi Abisirayeli boreza Ababenyamini inzovu ebyiri nâibihumbi bitanu nâijana, kandi abo bose bari ingabo zitwaje inkota.
36 Nuko Ababenyamini bakeka ko Abisirayeli baneshejwe, kuko Abisirayeli bashukashukaga Ababenyamini, basubira inyuma kuko bari biringiye abo bari bashyize mu bico bugufi bwâi Gibeya.
37 Nuko abaciye igico bahuta gusakiza i Gibeya, bajya imbere barimbuza umudugudu wose inkota.
38 Abisirayeli bose bari basezeranye ikimenyetso nâabaciye igico, yuko bazacana ikome, umwotsi ugatumbagira mu mudugudu nkâigicu.
39 Nuko Abisirayeli biyegura mu ntambara, maze Ababenyamini batangira kubakubita inkota, bica mu Bisirayeli abantu nka mirongo itatu, kuko bibwiraga ko babanesheje nko muri ya ntambara ya mbere.
40 Ariko umwotsi utangiye gutumbagira mu mudugudu nkâigicu, Ababenyamini barakebuka babona umudugudu wose ugurumana, umwotsi utumbagira mu kirere.
41 Nuko Abisirayeli barabahindukirana Ababenyamini barumirwa, kuko babonye ibyago bibagezeho.
42 Nuko baha Abisirayeli ibitugu, baromboreza inzira yose ijya mu butayu, ariko ingabo zibarya isataburenge, kandi izivuye mu mudugudu ziboreka hagati muri iyo nzira.
43 Maze bagota Ababenyamini barabirukana, babaribatira aho bashakaga kuruhukira, babageza ahateganye nâi Gibeya iburasirazuba.
44 Hapfa Ababenyamini inzovu imwe nâibihumbi munani, abo bose bari abantu bâintwari.
45 Muri ba bandi bahaye Abisirayeli ibitugu, bagahungira mu nzira ijya mu butayu kugira ngo bagere ku gitare cya Rimoni, babÄ«camo abantu ibihumbi bitanu babatsotsobera mu nzira zâibihogere, bakomeza kubarya isataburenge babageza i Gidomu, bicirayo abandi ibihumbi bibiri.
46 Nuko abapfuye uwo munsi bose bo mu Babenyamini, bari abantu bitwaje inkota inzovu ebyiri nâibihumbi bitanu, abo bose bari intwari.
47 Mu bari bahungiye mu butayu, abantu magana atandatu bagera ku gitare cya Rimoni bamarayo amezi ane.
48 Abisirayeli bahindĆ«rana mu Babenyamini, bicisha inkota abo mu mudugudu bose nâamatungo, batsemba nâibintu byabo kandi imidugudu basangaga barayitwika yose.