2 NGOMA 33
Ibyo ku ngoma ya Manase; akora ibyaha bishayishije (2 Abami 21.1-26)
1 Manase ubwo yatangiraga gutegeka yari amaze imyaka cumi nâibiri avutse, amara imyaka mirongo itanu nâitanu i Yerusalemu ari ku ngoma.
2 Akora ibyangwa nâUwiteka, akurikiza ibizira bikorwa nâamahanga Uwiteka yirukanye imbere yâAbisirayeli,
3 kuko yongeye kubaka ingoro zashenywe na se Hezekiya, akubakira BÄli ibicaniro, akarema na Ashera, akaramya ingabo zo mu ijuru zose akazikorera.
4 Ndetse akora ibyotero mu nzu yâUwiteka kandi ari yo Uwiteka yavuzeho ati â I Yerusalemu ni ho izina ryanjye rizaba iteka ryose.â
5 Kandi yubakira ingabo zo mu ijuru zose ibicaniro mu bikari byombi byâinzu yâUwiteka.
6 Acisha abana be mu muriro mu gikombe cya mwene Hinomu, akaragurisha ibicu, akaraguza abapfumu, akagira ibyâuburozi, agashikisha abashitsi nâabakonikoni: akora ibibi byinshi imbere yâUwiteka, aramurakaza.
7 Kandi ashyira igishushanyo cyâikigirwamana yabumbye mu nzu yâImana, kandi ari yo Imana yavuze kuri Dawidi nâumuhungu we Salomo iti â Muri iyi nzu nâi Yerusalemu nahatoranije mu miryango ya Isirayeli yose, ngo mpashyire izina ryanjye iteka ryose.â
8 Kandi iti â Sinzongera gukura Isirayeli mu gihugu natunganirije ba sogokuruza banyu, niba bazitondera amategeko yose nâamateka nâibyo nategetse byose, mbategekesheje akanwa ka Mose.â
9 Nuko Manase ayobya Abayuda nâabâi Yerusalemu, bituma barusha amahanga Uwiteka yarimburiye imbere yâAbisirayeli gukora nabi.
10 Uwiteka aburira Manase nâabantu be, ariko ntibabyitaho.
Manase ajyanwa ho imbohe, Imana imusubiza ku ngoma ye
11 Ni cyo cyatumye Uwiteka abateza abatware bâingabo zâumwami wa AshĹŤri, bagafata Manase bakamushyira mu mihama, bakamujyana i Babuloni bamubohesheje iminyururu.
12 Maze ageze mu makuba yinginga Uwiteka Imana ye, yicishiriza bugufi cyane imbere yâImana ya ba sekuruza
13 arayisaba, nuko Imana yemera kwinginga kwe, yumva ibyo asabye imusubiza i Yerusalemu mu bwami bwe. Manase aherako amenya yuko Uwiteka ari we Mana.
14 Hanyuma yâibyo yubaka inkike yâinyuma yâumudugudu wa Dawidi, iruhande rwâiburasirazuba bwâi Gihoni mu gikombe, ayigeza ku muharuro wo ku irembo ryâamafi, ayigotesha Ofeli ayigira ndende cyane, kandi ashyira abatware bâintwari mu midugudu yâi Buyuda yose igoswe nâinkike.
15 Kandi akuraho imana zâinyamahanga na cya kigirwamana agikura mu nzu yâUwiteka, asenya ibicaniro byose yari yubatse ku musozi wâinzu yâUwiteka ari wo Yerusalemu, abijugunya inyuma yâumurwa.
16 Maze asana icyotero cyâUwiteka, agitambiraho ibitambo byâishimwe yuko ari amahoro nâibyo guhimbaza, kandi ategeka Abayuda gukorera Uwiteka Imana ya Isirayeli.
17 Icyakora abantu bakomeza gutambira ibitambo mu ngoro, ariko batambiraga Uwiteka Imana yabo.
18 Ariko indi mirimo ya Manase, no gusenga yasenze Imana ye, nâamagambo ba bamenya bamubwirizaga mu izina ryâUwiteka Imana ya Isirayeli, byanditswe mu gitabo cyâibyakozwe nâabami ba Isirayeli.
19 Kandi no gusenga kwe, nâuko Imana yemeye kumva kwinginga kwe, nâicyaha cye no gucumura kwe, nâahantu yubatse ingoro akahashyira Ashera nâibishushanyo bibajwe ubwo yari ataricisha bugufi, ibyo byanditswe mu magambo ya Hozayi.
20 Nuko Manase aratanga asanga ba sekuruza bamuhamba mu nzu ye bwite, maze umuhungu we Amoni yima ingoma ye.
21 Amoni yatangiye gutegeka amaze imyaka makumyabiri nâibiri avutse, amara imyaka ibiri i Yerusalemu ari ku ngoma.
22 Akora ibyangwa nâUwiteka nkâibyo se Manase yakoraga, atambira ibishushanyo bibajwe byose se Manase yabaje, akabikorera.
23 Ariko ntiyicishiriza bugufi imbere yâUwiteka nkâuko se Manase yicishaga bugufi, ahubwo Amoni uwo yiyongeranya gucumura.
24 Bukeye abagaragu be baramugambanira, bamutsinda mu nzu ye bwite.
25 Maze abantu bo mu gihugu bica abagambaniye Umwami Amoni bose, bimika umuhungu we Yosiya ingoma ye.