2 NGOMA 21
Ibya Yoramu. Eliya amuhanurira ibyago
1 Yehoshafati aratanga asanga ba sekuruza, ahambwa hamwe na ba sekuruza mu mudugudu wa Dawidi, maze umuhungu we Yoramu yima ingoma ye.
2 Kandi Yoramu yari afite bene se, abahungu ba Yehoshafati ari bo Azariya na Yehiyeli na Zekariya, na Azariya na Mikayeli na Shefatiya. Abo bose bari abahungu ba Yehoshafati umwami wa Isirayeli.
3 Se abaraga ibiragwa bikomeye byâifeza nâizahabu, nâibintu byâigiciro cyinshi nâimidugudu yâi Buyuda igoswe nâinkike, ariko ubwami abuha Yoramu kuko ari we mpfura ye.
4 Nuko Yoramu arahaguruka ategeka ubwami bwa se, amaze gukomera aherako yicisha bene se bose inkota, hamwe nâibikomangoma bindi byo mu Bisirayeli.
5 Kandi Yoramu yatangiye gutegeka amaze imyaka mirongo itatu nâibiri avutse, amara imyaka munani i Yerusalemu ari ku ngoma.
6 Agendana ingeso zâabami bâAbisirayeli nkâuko abâinzu ya Ahabu bazigendanaga, kuko yashyingiwe umukobwa wa Ahabu agakora ibyangwa nâUwiteka.
7 Ariko Uwiteka ntiyashaka kurimbura inzu ya Dawidi, ku bwâisezerano yasezeranye na Dawidi ko azamuhÄna itabaza nâabahungu be iteka ryose.
8 Maze ku ngoma ye Abedomu baragoma, biyegura ku bwami bwâAbayuda biyimikira uwabo mwami.
9 Bukeye Yoramu yambukana nâabatware be nâamagare ye yose, ahaguruka nijoro atwaza Abedomu bari bamugose ari kumwe nâabatware bâamagare.
10 Uko ni ko Abedomu bagomeye Abayuda kugeza ubu. Icyo gihe abâi Libuna na bo baramugomera, kuko yaretse Uwiteka Imana ya ba sekuruza.
11 Kandi Yoramu yubaka ingoro ku misozi yâi Buyuda, yoshya abaturage bâi Yerusalemu ubusambanyi, ayobya Abayuda.
12 Bukeye urwandiko rumugeraho ruvuye kuri Eliya wâumuhanuzi, ruvuga ngo â Uku ni ko Uwiteka Imana ya sogokuruza Dawidi ivuze, ngo âKuko utagendanye ingeso nziza za so Yehoshafati nâiza Asa umwami wâAbayuda,
13 ahubwo ukagendana ingeso zâabami bâAbisirayeli, ugasambanisha Abayuda nâabaturage bâi Yerusalemu nkâuko abâinzu ya Ahabu bagenjeje, kandi ukaba warishe abo muva inda imwe mu nda ya so bakurushaga kuba beza,
14 none Uwiteka azateza ibyago bikomeye abantu bawe, nâabana bawe nâabagore bawe nâibintu byawe byose.
15 Kandi nawe uzarwara indwara ikomeye mu mara, izatuma uzana amagara kuko uzahora uyirwaye.â â
16 Maze Uwiteka ahagurukiriza imitima yâAbafilisitiya, nâAbarabu baringaniye nâAbanyetiyopiya kwanga Yoramu.
17 Batera i Buyuda barahasandara, banyaga ibintu byose basanze mu nzu yâumwami nâabahungu be nâabagore be, ntiyasigarana nâumwana wâumuhungu nâumwe, keretse Yehohahaziya wâumuhererezi mu bana be.
18 Hanyuma yâibyo byose Uwiteka amuteza indwara itavurwa yo mu mara.
19 Nuko hashira iminsi, yari amaze imyaka ibiri arwaye indwara ye imuzanisha amagara, aratanga atangishijwe nâindwara mbi zikomeye. Ariko abantu be ntibamwosereza imibavu, nkâuko boserezaga ba sekuruza be.
20 Yoramu uwo yatangiye gutegeka amaze imyaka mirongo itatu nâibiri avutse, amara imyaka munani i Yerusalemu ari ku ngoma. Aratanga agenda nta wamwifuzaga, bamuhamba mu mudugudu wa Dawidi ariko atari mu bituro byâabami.