2 NGOMA 19
Yehoshafati ahanwa na Yehu, ategeka abacamanza
1 Bukeye Yehoshafati umwami wâAbayuda atabaruka amahoro, asubira iwe i Yerusalemu.
2 Yehu mwene Hanani bamenya, arasohoka ajya kumusanganira aramubaza ati â Hari nâaho watabaye abanyabyaha, ugakunda abanga Uwiteka? Icyo ni cyo gitumye Uwiteka akurakarira.
3 Icyakora hariho ibyiza bikubonekaho, kuko wakuye ibishushanyo bya Ashera mu gihugu, ukagambirira mu mutima gushaka Imana.â
4 Nuko Yehoshafati aguma i Yerusalemu, bukeye arongera arasohoka arambagira mu bantu be, ahera i BÄrisheba ageza mu gihugu cyâimisozi cya Efurayimu, abagarura ku Uwiteka Imana ya ba sekuruza.
5 Ashyira abacamanza mu gihugu, bakwira imidugudu yâi Buyuda yose igoswe nâinkike, imidugudu yose umwe umwe.
6 Abo bacamanza arabategeka ati â Muramenye ibyo mugiye gukora kuko atari abantu mucirira imanza, ahubwo ni Uwiteka kandi ni we uri kumwe namwe muca imanza.
7 Ariko mujye mwubaha Uwiteka mwirinde mu byo mukora, kuko ku Uwiteka Imana yacu nta gukiranirwa cyangwa kwita ku cyubahiro cyâumuntu cyangwa guhongerwa.â
8 Kandi i Yerusalemu ni ho Yehoshafati yashyize bamwe bâAbalewi nâabatambyi, nâabatware bâamazu ya ba sekuruza bâAbisirayeli ngo bajye baca imanza zâibyâUwiteka, bakiranure abantu mu byo bapfa. Nuko basubira i Yerusalemu.
9 Umwami arabihanangiriza ati â Muzajye mugenza mutyo mwubashye Uwiteka, mwiringirwa, mufite umutima utunganye.
10 Kandi bene wanyu batura mu midugudu yabo, nibabazanira imanza zose zâubwicanyi cyangwa zâibyâitegeko, cyangwa amategeko cyangwa ibyategetswe cyangwa amateka, mujye mubahugura ngo batagibwaho nâurubanza ku Uwiteka, uburakari bukabageraho no kuri bene wanyu. Mujye mugenza mutyo, ntimuzagibwaho nâurubanza.
11 Kandi dore Amariya umutambyi mukuru ni we uzabatwara mu byâUwiteka byose, na Zebadiya mwene Ishimayeli umutware wâumuryango wa Yuda ni we uzabatwara mu byâumwami byose, kandi Abalewi bazaba abatware muri mwe. Mushire amanga mukore, Uwiteka abane nâukiranuka.â