2 NGOMA 14
Asa aterwa nâAbanyetiyopiya, atakambira Uwiteka aramukiza (1 Abami 15.8-15)
1 Asa akora ibyiza bishimwe nâUwiteka Imana ye,
2 kuko yakuyeho ibicaniro byâibinyamahanga nâingoro, agasenya inkingi zâamabuye bubatse, agatema kandi agatsinda ibishushanyo bya Ashera bibajwe,
3 maze ategeka Abayuda gushaka Uwiteka Imana ya ba sekuruza, no kwitondera amategeko yayo nâibyo yategetse.
4 Kandi akura mu midugudu yâi Buyuda yose ingoro nâibishushanyo byâizuba, ubwami buturiza imbere ye.
5 Kandi yubaka i Buyuda imidugudu igoswe nâinkike, kuko igihugu cyari gituje kandi muri iyo myaka nta ntambara yarwanye, kuko Uwiteka yari yamuhaye ihumure.
6 Yari yarabwiye Abayuda ati â Nimuze twubake iyi midugudu, tuyigoteshe inkike zâamabuye nâiminara, dushyireho nâinzugi zâamarembo zikomezwa nâibihindizo, igihugu kiracyaturiho, kuko dushatse Uwiteka Imana yacu, turayishatse na yo iduhaye ihumure impande zose.â Nuko bubaka bafite amahoro.
7 Kandi Asa yari afite abarwanyi batwara ingabo nâamacumu, abâAbayuda uduhumbi dutanu, nâabâAbabenyamini batwara ingabo nâabafite imiheto uduhumbi tubiri nâinzovu umunani. Abo bose bari abagabo bâintwari zifite imbaraga.
8 Bukeye Zera wâUmunyetiyopiya arabatera afite ingabo agahumbagiza nâamagare magana atatu, aza i Maresha.
9 Nuko Asa ajya kumusanganira, bateza ingamba mu kibaya cya Zefata i Maresha.
10 Maze Asa atakambira Uwiteka Imana ye ati â Uwiteka, nta mutabazi utari wowe, uvuna abanyantegenke ku bakomeye. Udutabare Uwiteka Mana yacu kuko ari wowe twiringira, kandi duteye iki gitero mu izina ryawe. Uwiteka ni wowe Mana yacu, ntiwemere ko waneshwa nâumuntu.â
11 Nuko Uwiteka atsindira Abanyetiyopiya imbere ya Asa nâAbayuda, Abanyetiyopiya baherako barahunga.
12 Maze Asa nâabari kumwe na we barabakurikirana babageza i Gerari, mu Banyetiyopiya hapfamo benshi cyane bituma batabasha kwiyungana, kuko barimburiwe imbere yâUwiteka nâingabo ze. Abayuda banyaga iminyago myinshi.
13 Hanyuma batsinda imidugudu ihereranye nâi Gerari yose kuko Uwiteka yateye abaho ubwoba. Barayinyaga yose, hariho iminyago myinshi.
14 Kandi batema amahema acyurwamo amatungo, banyaga intama nyinshi nâingamiya, basubira i Yerusalemu.