2 NGOMA 1
Salomo asaba ubwenge (1 Abami 3.1-15; 10.26-29)
1 Nuko Salomo mwene Dawidi akomezwa mu bwami bwe, Uwiteka Imana ye ibana na we, iramukuza cyane.
2 Salomo ategeka Abisirayeli bose, abatware batwara ibihumbi nâabatwara amagana, nâabacamanza nâibikomangoma byose byo mu Isirayeli hose, nâabatware bâamazu ya ba sekuruza.
3 Nuko Salomo ajyana nâiteraniro ryose bajya ku kanunga kâi Gibeyoni, kuko aho ari ho ihema ryâibonaniro ryâImana ryabaga, iryo Mose umugaragu wâUwiteka yakoreye mu butayu.
4 Ariko isanduku yâImana Dawidi yari yarayizamuye, ayikura i Kiriyati Yeyarimu ayijyana aho yayitunganirije, kuko yari yayibambiye ihema i Yerusalemu.
5 Ariko icyotero cyâumuringa, cyakozwe na Besaleli mwene Uri mwene Huri, cyabaga imbere yâubuturo bwâUwiteka. Aho ni ho Salomo nâiteraniro bajyaga ngo bashake Uwiteka.
6 Nuko Salomo aherako ajya ku cyotero cyâumuringa imbere yâUwiteka, cyabaga imbere yâihema ryâibonaniro, agitambiraho ibitambo byoswa igihumbi.
7 Mu ijoro ryâuwo munsi Imana ibonekera Salomo, iramubwira iti â Nsaba icyo ushaka nkiguhe.â
8 Salomo asubiza Uwiteka ati â Wagiriye data Dawidi imbabazi nyinshi, ungira umwami mu cyimbo cye.
9 None Uwiteka Mana, isezerano wasezeranije data Dawidi rikomezwe, kuko ungize umwami wâabantu bangana nâumukungugu wâisi ubwinshi.
10 Nuko rero none ndagusaba kumpa ubwenge nâubuhanga, kugira ngo ntambagire igihugu cyanjye niyereke abantu. Ni nde wabasha gucira imanza abantu bawe bangana batyo?â
11 Imana ibwira Salomo iti â Kuko ibyo ari byo biri mu mutima wawe, ntiwisabire ubutunzi cyangwa ibintu cyangwa icyubahiro, cyangwa ngo abakwanga bapfe cyangwa kurama, ahubwo ukisabira ubwenge nâubuhanga ngo umenye gucira abantu banjye imanza, abo nakwimikiye,
12 ubwenge nâubuhanga urabihawe kandi nzaguha nâubutunzi nâibintu nâicyubahiro, bitigeze kubonwa nâumwami nâumwe wo mu bakubanjirije, kandi no mu bazagukurikira nta wuzagira ibihwanye nâibyawe.â
13 Nuko Salomo ava ku kanunga kâi Gibeyoni imbere yâihema ryâibonaniro, agaruka i Yerusalemu ategeka Abisirayeli.
14 Salomo ateranya amagare nâabagendera ku mafarashi, kandi yari afite amagare igihumbi na magana ane nâabagendera ku mafarashi inzovu nâibihumbi bibiri, abishyira mu midugudu bacyuragamo amagare nâi Yerusalemu ku murwa wâumwami.
15 Kandi i Yerusalemu umwami ahagwiza ifeza nâizahabu bitekerezwa ko ari nkâamabuye, nâibiti byâimyerezi atuma binganya nâimivumu yo mu bibaya ubwinshi.
16 Kandi amafarashi Salomo yari atunze yavaga muri Egiputa, abacuruzi bâumwami bayaguraga ari amashyo, ishyo ryose riciriwe igiciro cyaryo.
17 Ku igare rimwe ryazamukaga rikava muri Egiputa batangaga shekeli zâifeza magana atandatu, ku ifarashi batangaga ijana na mirongo itanu. Ni ko bajyaga babitundira nâabami bâAbaheti nâabâi Siriya.
18 Salomo amaramaza kubakira izina ryâUwiteka inzu, no kubaka inzu yâubwami.