2 ABAKORINTO 5
1 Tuzi yuko niba inzu yâingando yacu yo mu isi izasenywa, dufite inyubako ituruka ku Mana, inzu itubatswe nâintoki, itazashira yo mu ijuru.
2 Kuko tunihira muri iyi ngando twifuza kwambikwa inzu yacu izava mu ijuru,
3 kugira ngo tuyambare tutazasangwa twambaye ubusa.
4 Kuko twebwe abari muri iyi ngando tuniha turemerewe, icyakora si uko dushaka kuyamburwa, ahubwo ni uko dushaka kwambikwa ya nzu yindi, ngo igipfa kimirwe nâubugingo.
5 Imana ni yo yaturemeye iyo ngiyo, ndetse yayiduhereye Umwuka ho ingwate.
6 Ni cyo gituma dukomera umutima iteka, kandi tukamenya yuko iyo turi iwacu mu mubiri, tuba dutuye kure yâUmwami wacu
7 (kuko tuba tugenda tuyoborwa no kwizera, tutayoborwa nâibyo tureba),
8 nyamara dukomera umutima kandi icyo turushaho gukunda ni ukwitandukanya nâuyu mubiri, kugira ngo twibanire nâUmwami wacu.
9 Ni cyo gituma tugira umwete wo kumunezeza, iyo turi iwacu mu mubiri cyangwa tudahari.
10 Kuko twese dukwiriye kuzagaragarizwa imbere yâintebe yâimanza ya Kristo, kugira ngo umuntu wese ahabwe ibikwiriye ibyo yakoze akiri mu mubiri, ari ibyiza cyangwa ibibi.
11 Nuko iyo nemeza abantu, mbikoreshwa nâuko nzi igitinyiro cyâUwiteka. Uko ndi ni ko bigaragarira Imana, kandi niringira yuko ari ko namwe bigaragarira imitima yanyu.
12 Ibyo ntitubivugiye kongera kwiyogeza kuri mwe, ahubwo turabaha impamvu yo kwirata ku bwacu, kugira ngo mubone icyo musubiza abirata ibigaragara, batirata ibyo mu mutima.
13 Niba dusaze, dusaze ku bwâImana, kandi niba tudasaze ni ku bwanyu kugira ngo tubafashe.
14 Urukundo rwa Kristo ruraduhata, kuko twemejwe yuko nkâuko Umwe yapfiriye bose ari ko bose bapfuye,
15 kandi yapfiriye bose kugira ngo abariho be gukomeza kubaho ku bwabo, ahubwo babeho ku bwâuwo wabapfiriye akanabazukira.
16 Ni cyo gituma uhereye none tutazagira uwo dutekereza dukurikije amasekuruza, nubwo ari ko twatekerezaga Kristo, ariko noneho ntitukimutekereza dutyo.
17 Umuntu wese iyo ari muri Kristo aba ari icyaremwe gishya, ibya kera biba bishize. Dore byose biba bihindutse bishya.
18 Ariko ibyo byose bituruka ku Mana yiyunze natwe ku bwa Kristo, ikaduha umurimo wo kuyunga nâabandi,
19 kuko muri Kristo ari mo Imana yiyungiye nâabari mu isi ntiyaba ikibabaraho ibicumuro byabo, kandi noneho yatubikije ijambo ryâumwuzuro.
20 Ni cyo gituma tuba intumwa mu cyimbo cya Kristo, ndetse bisa nâaho Imana ibingingira muri twe. Nuko rero, turabahendahenda mu cyimbo cya Kristo kugira ngo mwiyunge nâImana,
21 kuko Utigeze kumenya icyaha Imana yamuhinduye kuba icyaha ku bwacu, kugira ngo muri we duhinduke gukiranuka kwâImana.