1 YOHANA 5
Ibyo kwizera Yesu nâamaherezo yabyo
1 Uwizeye wese yuko Yesu ari Kristo ni we wabyawe nâImana, kandi ukunda wese iyabyaye akunda nâuwabyawe na yo.
2 Iki ni cyo kitumenyesha ko dukunda abana bâImana, ni uko dukunda Imana tugakurikiza amategeko yayo.
3 Kuko gukunda Imana ari uku: ari uko twitondera amategeko yayo kandi amategeko yayo ntarushya,
4 kuko icyabyawe nâImana cyose kinesha ibyâisi, kandi uku ni ko kunesha kwanesheje ibyâisi, ni ukwizera kwacu.
5 Ni nde unesha ibyâisi, keretse uwizera yuko Yesu ari Umwana wâImana?
6 Ni we Yesu Kristo waje agaca mu mazi nâamaraso, si mu mazi yonyine ahubwo ni amazi nâamaraso na yo,
7 kandi Umwuka ni we ubihamya, kuko Umwuka ari ukuri.
8 Ibihamya ni bitatu: umwuka nâamazi nâamaraso, kandi ibyo bitatu birahuje.
9 Ubwo twemera ibyo abantu bahamya ibyo Imana ihamya birabiruta, kuko ibyo Imana ihamya ari ibi, ari uko yahamije ibyâUmwana wayo.
10 Uwizera Umwana wâImana aba afite uko guhamya muri we, naho utizera Imana aba ayise umunyabinyoma kuko atemeye ibyo Imana yahamije ku Mwana wayo.
11 Kandi uko guhamya ni uku: ni uko Imana yaduhaye ubugingo buhoraho, kandi ubwo bugingo bubonerwa mu Mwana wayo.
12 Ufite uwo Mwana ni we ufite ubwo bugingo, naho udafite Umwana wâImana nta bugingo afite.
13 Ibyo ndabibandikiye mwebwe abizeye izina ryâUmwana wâImana, kugira ngo mumenye yuko mufite ubugingo buhoraho.
14 Kandi iki ni cyo kidutera gutinyuka imbere ye: ni uko atwumva iyo dusabye ikintu nkâuko ashaka,
15 kandi ubwo tuzi ko yumva icyo dusabye cyose, tuzi nâuko duhawe ibyo tumusabye.
16 Umuntu nabona mwene Se akora icyaha kitari icyo kumwicisha, nasabe kandi Imana izamuhera ubugingo abakora ibyaha bitari ibyo kubicisha. Hariho icyaha cyicisha, si cyo mvuze ko agisabira.
17 Gukiranirwa kose ni icyaha, nyamara hariho icyaha kiticisha.
18 Tuzi yuko umuntu wese wabyawe nâImana adakora ibyaha, ahubwo Umwana Imana yabyaye amurinda kandi wa Mubi ntamukoraho.
19 Tuzi ko turi abâImana, naho abâisi bose bari mu Mubi.
20 Kandi tuzi yuko Umwana wâImana yaje akaduha ubwenge, ngo tumenye Iyâukuri kandi turi mu Yâukuri, kuko turi mu Mwana wayo Yesu Kristo. Iyo ni yo Mana yâukuri nâubugingo buhoraho.
21 Bana bato, mwirinde ibishushanyo bisengwa.