ITANGIRIRO 31
Yakobo ahungana nâabagore be nâabana
1 Bukeye Yakobo yumva amagambo yâabahungu ba Labani, ko bavuga bati â Ibyari ibya data Yakobo yabimwatse byose, kandi ku byari ibya data ni ho yakuye ubutunzi afite bwose.â
2 Yakobo abona yuko Labani atakimureba nkâuko yamurebaga mbere.
3 Uwiteka abwira Yakobo ati â Subira mu gihugu cya ba sogokuruza muri bene wanyu, nanjye nzabana nawe.â
4 Yakobo atumira Rasheli na Leya ngo baze mu rwuri, aho umukumbi we uri,
5 arababwira ati â Nabonye so atakindeba nkâuko yandebaga mbere, ariko Imana ya data ihorana nanjye.
6 Namwe muzi yuko nakoreye so, uko nashoboye kose.
7 Kandi so yagiye andiganya ahindura ibihembo byanjye incuro cumi, ariko Imana ntiyamukundiye kugira icyo antwara.
8 Yambwira ati âIzâubugondo ni zo zizaba ibihembo byaweâ, umukumbi wose ukabyara izâubugondo, yambwira ati âIzâibihuga ni zo zizaba ibihembo byaweâ, umukumbi wose ukabyara ibihuga.
9 Uko ni ko Imana yatse so amatungo ye, ikayampa.
10 â Kandi ubwo umukumbi warindaga, nubuye amaso ndota, mbona amapfizi yâihene yimije umukumbi yari ibihuga nâubugondo nâibitobo.
11 Marayika wâImana ampamagarira mu nzozi ati âYakobo.â Nditaba nti âKarame.â
12 Arambwira ati âUbura amaso urebe, amapfizi yâihene yimije umukumbi yose, ni ibihuga nâubugondo nâibitobo, kuko nabonye ibyo Labani akugirira byose.
13 Ndi Imana yâi Beteli, aho wasigiye amavuta ku nkingi ukampiga umuhigo, haguruka uve muri iki gihugu usubire mu gihugu wavukiyemo.â â
14 Rasheli na Leya baramubaza bati â Mu rugo rwa data, hari umugabane cyangwa ibyo tuzaragwa tugifiteyo?
15 Ntaduhwanya nâabâahandi, ko yatuguze akarya ibiguzi byacu?
16 Ubutunzi bwose Imana yatse data ni ubwacu nâabana bacu. Nuko icyo Imana ikubwiye cyose ugikore.â
17 Yakobo arahaguruka, ashyira abana be nâabagore be ku ngamiya,
18 ajyana nâamatungo ye yose nâubutunzi bwose yaronse, amatungo yaronkeye i Padanaramu, kugira ngo ajye kwa se Isaka mu gihugu cyâi Kanani.
19 Labani yari agiye gukemuza intama ze, maze Rasheli yiba ibishushanyo byâibigirwamana bya se.
20 Yakobo yiyiba Labani Umwaramu, kuko atamubwiye yuko ahunga.
21 Nuko ahungana ibyo afite byos, arahaguruka yambuka uruzi, agenda yerekeje ku musozi wâi Galeyadi.
Labani akurikira Yakobo amurakariye
22 Ku munsi wa gatatu babwira Labani yuko Yakobo yahunze.
23 Ajyana na bene wabo aramukurikira, amugereraho iminsi irindwi, asanga ari ku musozi wâi Galeyadi.
24 Imana isanga Labani Umwaramu mu nzozi nijoro, iramubwira iti â Wirinde, ntugire icyo ubwira Yakobo ari icyiza, ari nâikibi.â
25 Labani afatira Yakobo. Yakobo yari abambye ihema rye ku musozi, Labani na bene wabo na bo bayabamba ku musozi wâi Galeyadi.
26 Labani abaza Yakobo ati â Icyo wakoze icyo ni iki kunyiyiba, ukajyana abakobwa banjye nkâabanyagano?
27 Watewe nâiki guhunga rwihishwa, ukanyiyiba, ntumbwire ngo ngusezeresheho ibiganiro byâibyishimo, nâindirimbo nâishako nâinanga,
28 ntunkundire gusoma abuzukuru banjye nâabakobwa banjye? Wakoze ibyâubupfu.
29 Nabasha kugira icyo mbatwara, ariko Imana ya so yambwiye iri joro iti âWirinde, ntugire icyo ubwira Yakobo ari icyiza, ari nâikibi.â
30 None ubwo ugiye rwose, kuko ukumbuye cyane inzu ya so, ni iki cyatumye wiba imana zanjye?â
31 Yakobo asubiza Labani ati â Irya mbere ni uko natinye ko wanyaga abakobwa bawe.
32 Irya kabiri, uwo uri bubonane imana zawe, ntazabeho. Imbere ya bene wacu saka icyawe kiri mu byanjye, ukijyane.â Kuko Yakobo yari atazi yuko Rasheli yazibye.
33 Labani yinjira mu ihema rya Yakobo, no mu rya Leya, no mu ya za nshoreke zombi, arazibura. Ava mu ihema rya Leya, yinjira mu rya Rasheli.
34 Rasheli yari yenze bya bigirwamana, abishyira mu matandiko yâingamiya, ayicaraho. Labani asaka mu ihema hose, arabibura.
35 Rasheli abwira se ati â Ntundakarire databuja yuko ntaguhagurukiye, ni uko ndi mu mihango yâabakobwa.â Arasaka, abura bya bigirwamana.
36 Yakobo ararakara atonganya Labani aramubaza ati â Nagucumuyeho iki? Nakoze cyaha ki cyatumye unkurikira vuba vuba?
37 None usatse mu bintu byanjye byose, ubonye iki cyo mu byo mu rugo rwawe? Kizane hano ugishyire imbere ya bene wacu na bene wanyu, badukiranure.
38 Imyaka makumyabiri twabanye, intama zawe nâihene zawe nâinyagazi ntizarambururaga, amapfizi yâintama yo mu mikumbi yawe sinayariye.
39 Iyicwaga nâinyamaswa sinakuzaniraga ikirira nayishyiraga ku mubare wanjye, wandihishaga izibwe naho haba ku manywa cyangwa nijoro.
40 Nameraga ntya: ku manywa nicwaga nâumwuma, nijoro nkicwa nâimbeho, ibitotsi bikanguruka.
41 Iyo myaka uko ari makumyabiri nabaga iwawe, nagutendeyeho abakobwa bawe bombi imyaka cumi nâine, mara imyaka itandatu nkorera umukumbi, wahinduye ibihembo byanjye incuro cumi.
42 Iyaba Imana ya data, Imana ya Aburahamu, iyo Isaka yubaha itabanye nanjye, ntuba warabuze kunsezerera nta cyo mfite. Imana yabonye kugirirwa nabi kwanjye nâumuruho wâamaboko yanjye, iri joro ryakeye iragukangara.â
Yakobo na Labani basezerana; Labani asubira iwabo
43 Labani asubiza Yakobo ati â Abakobwa ni abakobwa banjye, nâabana ni abanjye, nâimikumbi ni iyanjye, ibyo ureba ibi byose ni ibyanjye. None nabasha nte kugira icyo ntwara abakobwa banjye cyangwa abana babyaye?
44 None jye nawe dusezerane isezerano, ribe umuhamya hagati yacu.â
45 Yakobo yenda ibuye, arishinga nkâinkingi.
46 Yakobo abwira bene wabo ati â Nimuteranye amabuye.â Barayazana, barema igishyinga, basangirira kuri icyo gishyinga.
47 Labani acyita Yegarisahaduta, Yakobo na we acyita Galedi.
48 Labani aravuga ati â Iki gishyinga ni umuhamya hagati yacu uyu munsi.â Ni cyo cyatumye cyitwa Galedi.
49 Kandi cyitwa na Misipa, kuko Labani yavuze ati â Uwiteka agenzure hagati yacu, nituba tutakibonana.
50 Nugirira nabi abakobwa banjye cyangwa nubaharika, nta wundi uri kumwe natwe, dore Imana ni yo muhamya hagati yacu.â
51 Kandi Labani abwira Yakobo ati â Dore iki gishyinga nâiyi nkingi nshinze hagati yacu.
52 Iki gishyinga kibe umuhamya, nâinkingi na yo ibe umuhamya, yuko ntazarenga iki gishyinga ngo nze aho uri, nawe ko utazarenga iki gishyinga nâiyi nkingi ngo uze aho ndi, kugirirana nabi.
53 Imana ya Aburahamu, Imana ya Nahori, Imana ya se wa bombi, idukiranure.â Yakobo arahira Iyo se Isaka yubaha.
54 Yakobo atambira igitambo kuri wa musozi, ahamagara bene wabo, arabagaburira barasangira, barara kuri wa musozi buracya.