IMIGANI 1
1 Imigani ya Salomo mwene Dawidi, umwami wâAbisirayeli.
2 Ni iyo kumenyesha ubwenge nâibibwirizwa,Ni iyo gusobanura amagambo yâubuhanga.
3 Ni yo ihesha ubwenge bwâimigenzereze,No gukiranuka no gutunganya no kutabera.
4 Ni yo iha umuswa kujijuka,Nâumusore ikamuha kumenya no kugira amakenga,
5 Kugira ngo umunyabwenge atege amatwi yunguke ubwenge, Kandi umuhanga agere ku migambi itunganye.
6 Amenye gusobanura imigani nâamarenga, Kandi nâamagambo nâibisakuzo byâabanyabwenge.
Ahugura kureka ingeso mbi
7 Kubaha Uwiteka ni ishingiro ryo kumenya, Ariko umupfapfa ahinyura ubwenge nâibibwiriza.
8 Mwana wanjye, jya wumva icyo so akwigisha, Kandi we kureka icyo nyoko agutegeka.
9 Bizakubera imitamirizo yâimbabazi ku mutwe, Nâimikufi mu ijosi.
10 Mwana wanjye, abanyabyaha nibakoshya ntukemere.
11 Nibavuga bati â Ngwino tujyane,Twubikirire kuvusha amaraso,Ducire ibico abatariho urubanza tubahore ubusa,
12 Tubamire bunguri ari bazima nkâuko imva imira abantu, Ndetse ari bataraga nkâabamanuka bajya muri rwa rwobo,
13 Tuzabona ibintu byiza byinshi, Kandi tuzuzuza amazu yacu iminyago,
14 Uzakubira hamwe natwe,Twese tuzagire uruhago rumwe.â
15 Mwana wanjye, ntukajyane na bo, Urinde ibirenge byawe kujya mu nzira yabo,
16 Kuko ibirenge byabo byirukira gukora ibibi, Kandi bihutira kuvusha amaraso.
17 Gutega umutego ikiguruka kiwureba, Ni ukurushywa nâubusa.
18 Amaraso bubikira ni ayabo, Ubwabo bugingo ni bwo bacira ibico.
19 Uko ni ko inzira zâurarikira indamu wese zimeze,Iryo rari ryica bene ryo.
Bwenge arahugura
20 Bwenge arangururira mu nzira, Yumvikanisha ijwi rye mu miharuro,
21 Aterera hejuru mu mahuriro yo mu marembo, Mu mudugudu ni ho yumvikanishirizamo amagambo ye ngo:
22 â Yemwe mwa baswa mwe, muzakunda ubuswa mugeze ryari? Namwe bakobanyi, muzageza ryari kwishimira ubukobanyi, Nâabapfu mukanga kumenya ubwenge?
23 Nimuhindurwe nâimiburo yanjye, Dore nzabasukaho umwuka wanjye, Nzabamenyesha amagambo yanjye.
24 Narabahamagaye muraninira, Nabaramburiye ukuboko ntihagira ubyitaho.
25 Ahubwo mwahinyuye inama zanjye zose, No kubacyaha kwanjye ntimubyitaho.
26 Nuko nanjye rero nzabakina ku mubyimba mwagize ibyago, Nzabaseka icyo mwatinyaga kibagezeho.
27 Igihe muzatungurwa nâubwoba nkâumugaru, Ibyago byanyu bikaza nka serwakira, Igihe umubabaro nâuburibwe bizabageraho.
28 â Ni bwo bazantakambira nkabihorera, Bazanshakana umwete ntibazambona.
29 Kuko banze kumenya, Kandi ntibahisemo kubaha Uwiteka.
30 Ntibemeye inama zanjye, Bahinyuye guhana kwanjye kose.
31 Ni cyo gituma bazarya ibiva mu ngeso zabo, Kandi bazahazwa nâimigambi yabo.
32 Ubuhemu bwâabaswa buzabicisha, Kandi kugubwa neza kwâabapfu kuzabarimbura.
33 Ariko unyumvira wese azaba amahoro, Adendeze kandi atikanga ikibi.â