GUTEGEKA KWA KABIRI 26
Amategeko yo kuganura
1 Numara kugera mu gihugu Uwiteka Imana yawe iguha ho gakondo, ukagihindƫra ukagituramo,
2 uzende ku muganura wâibyeze mu butaka byose, ibyo uzasarura mu gihugu Uwiteka Imana yawe iguha, ubishyire mu cyibo ubijyane ahantu Uwiteka Imana yawe izaba yaratoranirije kuhashyira izina ryayo ngo rihabe.
3 Usange umutambyi uzaba uriho muri icyo gihe umubwire uti â Uyu munsi neruriye Uwiteka Imana yawe yuko nageze mu gihugu, Uwiteka yarahiye ba sogokuruza ko izaduha.â
4 Uwo mutambyi akwakire cya cyibo agitereke hasi, imbere yâigicaniro cyâUwiteka Imana yawe.
5 Nawe uvugire imbere yâUwiteka Imana yawe uti â Sogokuruza yari Umwaramu wari bugufi bwo gushiraho, aramanuka ajya muri Egiputa asuhukirayo ari impagu, yororokerayo aberayo ubwoko bukomeye bunini bwâubunyamaboko menshi.
6 Abanyegiputa batugirira nabi baratubabaza, badukoresha uburetwa bwâagahato
7 dutakira Uwiteka Imana ya ba sogokuruza, Uwiteka yumva gutaka kwacu, areba umubabaro wacu nâimiruho yacu nâagahato baduhata.
8 Uwiteka adukĆ«za muri Egiputa amaboko menshi nâukuboko kurambutse, nâibiteye ubwoba bikomeye nâibimenyetso nâibitangaza.
9 Atuzana aha hantu aduha iki gihugu, ari igihugu cyâamata nâubuki.
10 None dore nzanye umuganura wâibyeze mu butaka, ibyo umpaye Uwiteka.â Ubitereke hasi imbere yâUwiteka Imana yawe, wikubite imbere yâUwiteka Imana yawe.
11 Wishimane nâUmulewi nâumusuhuke wâumunyamahanga uri hagati muri mwe, mwishimire ibyiza byose Uwiteka Imana yawe yaguhanye nâinzu yawe.
12 Numara kurobanura kimwe mu icumi cyâibyo wejeje byose mu mwaka wa gatatu, ari wo mwaka wo kurobanura kimwe mu icumi cya byose, uzajye ubiha Umulewi nâumusuhuke wâumunyamahanga, nâimpfubyi nâumupfakazi kugira ngo barÄ«re iwanyu bahage.
13 Uvugire imbere yâUwiteka Imana yawe uti â Nakuye ibyera byose mu nzu yanjye mbiha Umulewi nâumusuhuke wâumunyamahanga, nâimpfubyi nâumupfakazi uko amategeko yawe yose wantegetse ari. Sinagize na rimwe ryo muri ayo mategeko yawe ncumura, kandi sinayibagiwe.
14 Sinigeze kurya ibyo byera nkirabuye kandi nta byo nabitse ngihumanye, kandi sinabitanze ho ibinyagano, ahubwo numviye Uwiteka Imana yanjye, nitondeye ibyo wantegetse byose.
15 Curika amaso uri mu ijuru ubuturo bwawe bwera, uhÄne ubwoko bwawe Abisirayeli umugisha nâubutaka waduhaye bwâigihugu cyâamata nâubuki, nkâuko warahiye ba sogokuruza.â
16 Uyu munsi Uwiteka Imana yawe igutegetse kumvira ayo mategeko nâayo mateka. Nuko ujye ushyira umutima wawe wose nâubugingo bwawe bwose kuyitondera no kuyumvira.
17 Uyu munsi wasezeranishije Uwiteka kuba Imana yawe, kugira ngo uhore ugenda mu nzira ikuyoboye, witondere amategeko yayo nâibyo yagutegetse nâamateka yayo, wumvire ibyo ikubwiye.
18 Kandi nâUwiteka uyu munsi yagusezeranishije kumubera ubwoko yironkeye nkâuko yakubwiye, kandi yuko uzitondera amategeko ye yose
19 kugira ngo agusumbishe ayandi mahanga yaremye yose, uyarushe gushimwa no kogera no kubahwa, ubere Uwiteka Imana yawe ubwoko bwera nkâuko yavuze.