1 SAMWELI 6
Abafilisitiya basubiza isanduku yâImana mu Bisirayeli
1 Isanduku yâImana yamaze amezi arindwi mu gihugu cyâAbafilisitiya.
2 Bukeye Abafilisitiya bahamagara abatambyi nâabapfumu barabaza bati â Iyi sanduku yâUwiteka tuyigire dute? Mudusobanurire uburyo twayisubiza ahantu hayo.â
3 Barabasubiza bati â Nimwohereze isanduku yâImana ya Isirayeli ntimuyohereze yonyine, ahubwo muyisubizanyeyo nâamaturo yâimpongano mubone gukira, kandi muzamenye icyatumye ukuboko kâUwiteka kutaretse kubagwa nabi.â
4 Barababaza bati â Mbese twamutura turo ki ryâimpongano?â Barabasubiza bati â Muture ibibyimba byacuzwe mu izahabu bitanu, nâimbeba zacuzwe mu izahabu eshanu nkâuko umubare wâabatware bâAbafilisitiya ungana, kuko mwebwe mwese nâabatware banyu mwasangiye icyo cyago.
5 Nuko muzicurishirize ibishushanyo byâibyo bibyimba byanyu, nâibishushanyo byâimbeba zanyu zanduje igihugu kandi muzubahe Imana yâAbisirayeli, ahari yabakuraho ukuboko kwayo no ku mana zanyu nâigihugu cyanyu.
6 None se ni iki gituma mwinangira imitima nkâAbanyegiputa na Farawo ubwo bayinangiraga, imaze gukorera muri bo ibitangaza? Mbese ntibarekuye abo bantu bakigendera?
7 Nuko nimwende igare rishya, muryitegurane nâinka ebyiri zâimbyeyi zitigeze gukurura, muzihambireho igare, muzikureho izazo muzisubize mu rugo.
8 Maze mwende isanduku yâUwiteka muyigereke ku igare, kandi ibintu byâizahabu byâumurimbo byâamaturo yâimpongano mwohereje, mubishyire mu gasanduku iruhande rwayo maze mubyohereze bigende.
9 Nuko murebe aho iri bunyure, nisubiza mu rugabano rwawo ikajya i Betishemeshi, tuzamenya ko ari Imana yaduteje iki cyago kingana gitya. Ariko nibitaba bityo, tuzamenya ko atari ukuboko kwayo kwatwishe nabi, tumenye ko ari ibyago byatugwiririye gusa.â
10 Nuko babigenza batyo. Batoranya inka ebyiri zâimbyeyi, bazihambiraho igare, izazo bazizirika mu rugo.
11 Baherako bashyira isanduku yâUwiteka ku igare, bashyiraho nâagasanduku karimo imbeba zicuzwe mu izahabu, nâibishushanyo byâibibyimba byabo.
12 Nuko izo nka ziboneza inzira yâubusamo yose ijya i Betishemeshi, zigenda zabira inzira yose ntizakebakeba iburyo cyangwa ibumoso. Abatware bâAbafilisitiya baraziherekeza bazigeza mu rugabano rwâi Betishemeshi.
13 Uwo munsi abâi Betishemeshi basaruraga ingano mu kibaya, bubuye amaso babona isanduku iradutse bishimira kuyibona.
14 Nuko igare riza rityo no mu murima wa Yosuwa wâi Betishemeshi, rihagarara aho igitare kinini cyari kiri. Baherako bÄsa imbaho zâigare, batambiraho izo nka ziba igitambo cyoswa cyâUwiteka.
15 Abalewi bakuraho isanduku yâUwiteka, nâagasanduku kari hamwe na yo karimo ibintu byâizahabu byâumurimbo, babitereka hejuru yâicyo gitare kinini. Nuko uwo munsi abâi Betishemeshi bahatambirira Uwiteka ibitambo byoswa nâibindi bitambo.
16 Maze ba batware batanu bâAbafilisitiya bamaze kubireba, basubira kuri Ekuroni bwigabe.
17 Kandi ibi ni byo bibyimba byâizahabu Abafilisitiya batuye Uwiteka byâamaturo yâimpongano: kimwe cyari icya Ashidodi, ikindi cyari icyâi Gaza, ikindi cya Ashikeloni, ikindi cyâi Gati nâikindi cya Ekuroni.
18 Kandi nâimbeba zacuzwe mu izahabu nkâuko umubare wâindembo zose zâabatware bâAbafilisitiya ungana, indembo zigoswe nâinkike nâibirorero byo ku misozi, kandi umuhamya wabyo ni igitare kinini bateretseho isanduku yâUwiteka, kikiriho nâubu mu kwa Yosuwa wâi Betishemeshi.
19 Hanyuma Uwiteka yica abantu bâi Betishemeshi mirongo irindwi, kuko barungurutse mu isanduku yâUwiteka, maze abantu barizwa cyane nâuko Uwiteka yabiciye abantu benshi.
20 Abâi Betishemeshi baravuga bati â Ni nde ushobora guhagarara imbere yâUwiteka, iyi Mana yera? Mbese yava muri twe ikajya he?â
21 Nuko batuma intumwa ku baturage bâi Kiriyatiyeyarimu bati â Abafilisitiya bagaruye isanduku yâUwiteka. Nimumanuke muyizamure ijye iwanyu.â