1 PETERO 4
1 Nuko ubwo Kristo yababarijwe mu mubiri mube ari ko namwe mwambara uwo mutima we nkâintwaro, kuko ubabarizwa mu mubiri aba amaze kureka ibyaha,
2 ngo ahereko amare iminsi isigaye akiri mu mubiri atakigengwa nâirari rya kamere yâabantu, ahubwo akora ibyo Imana ishaka.
3 Kuko igihe cyashize cyari gihagije gukora ibyo abapagani bakunda gukora, no kugira ingeso zâisoni nke, nâizo kurarikira no kunywa inzoga nyinshi, no kugira ibiganiro bibi no gusinda, nâimigenzo izira cyane yâabasenga ibishushanyo.
4 Basigaye batangazwa nâuko muri ibyo mudafatanya na bo gushayisha no gukabya ubukubaganyi nka bo bakabasebya,
5 nyamara bazabibazwa nâuwiteguye guca imanza zâabazima nâabapfuye.
6 Kuko icyatumye abapfuye na bo babwirwa ubutumwa bwiza, ari ukugira ngo bacirwe urubanza mu mubiri mu buryo bwâabantu, ariko babeho mu mwuka mu buryo bwâImana.
7 Iherezo rya byose riri bugufi. Nuko mugire ubwenge mwirinda ibisindisha, mubone uko mugira umwete wo gusenga.
8 Ariko ikiruta byose mukundane urukundo rwinshi, kuko urukundo rutwikira ibyaha byinshi.
9 Mucumbikirane mutitotomba,
10 kandi nkâuko umuntu yahawe impano abe ari ko muzigaburirana, nkâuko bikwiriye ibisonga byiza byâubuntu bwâImana bwâuburyo bwinshi.
11 Umuntu navuga avuge nkâubwirijwe nâImana, nagabura ibyayo abigabure nkâufite imbaraga Imana itanga, kugira ngo Imana ihimbazwe muri byose, ku bwa Yesu Kristo nyirâicyubahiro nâubutware, iteka ryose. Amen.
12 Bakundwa, mwe gutangazwa nâikome ryo kubagerageza riri hagati yanyu ngo mumere nkâabagushije ishyano.
13 Ahubwo munezezwe nâuko mufatanije imibabaro ya Kristo, kugira ngo muzanezerwe mwishima bihebuje, ubwo ubwiza bwe buzahishurwa.
14 Ubwo mutukwa babahĹra izina rya Kristo murahirwa, kuko Umwuka wâubwiza aba kuri mwe, ari we Mwuka wâImana.
15 Ntihakagire umuntu wo muri mwe ubabazwa bamuhĹra kwica cyangwa kwiba, cyangwa gukora inabi yindi cyangwa kuba kazitereyemo.
16 Ariko umuntu nababazwa azira kuba Umukristo ntagakorwe nâisoni, ahubwo ahimbaze Imana ku bwâiryo zina.
17 Kuko igihe kigiye gusohora urubanza rukazabanziriza mu bâinzu yâImana. Ariko se niba rubanziriza kuri twe, iherezo ryâabatumvira ubutumwa bwiza bwâImana rizamera rite?
18 Kandi niba biruhije ko abakiranutsi bakizwa, utubaha Imana nâumunyabyaha bazaba he?
19 Nuko rero, abababazwa nkâuko Imana ibishaka, nibabitse uwo Muremyi wo kwizerwa ubugingo bwabo, bagumye bakore neza.