1 NGOMA 18
Dawidi anesha Abafilisitiya nâAbamowabu (2 Sam 8.1-18)
1 Hanyuma yâibyo Dawidi anesha Abafilisitiya arabacogoza, ahindĆ«ra i Gati nâimidugudu yaho, ayinyaga Abafilisitiya.
2 Anesha nâi Mowabu, Abamowabu bahinduka abagaragu be, bamuzanira indabukirano.
3 Bukeye Dawidi anesha Hadarezeri umwami wâi Soba, amugeza i Hamati ubwo Hadarezeri yajyaga gukomeza ubwami bwe ku ruzi Ufurate.
4 Dawidi amunyaga amagare igihumbi nâabagendera ku mafarashi ibihumbi birindwi, nâingabo zigenza inzovu ebyiri, maze Dawidi atema ibitsi byâamafarashi akurura amagare yose, ariko asigaza amafarashi akwiriye amagare ijana.
5 Bukeye Abasiriya bâi Damasiko baje gutabara Hadarezeri umwami wâi Soba, Dawidi abicamo abantu inzovu ebyiri nâibihumbi bibiri.
6 Dawidi aherako ashyira ibihome i Siriya ku murwa wâi Damasiko, Abasiriya bahinduka abagaragu ba Dawidi bamuzanira indabukirano. Nuko Uwiteka aha Dawidi kunesha aho yajyaga hose.
7 Dawidi anyaga nâingabo zâizahabu zatwarwaga nâabagaragu ba Hadarezeri, azizana i Yerusalemu.
8 Kandi i Tibuhati nâi Kuni, imidugudu ya Hadarezeri, Dawidi ayikuramo imiringa myinshi cyane. Ni yo Salomo yakoresheje ikidendezi cyâumuringa, nâinkingi nâibintu byâimiringa.
9 Bukeye Towu umwami wâi Hamati yumvise ko Dawidi yanesheje ingabo za Hadarezeri umwami wâi Soba,
10 atuma umwana we Hadoramu ku Mwami Dawidi kumuramutsa, no kumuha impundu zâuko yarwanye na Hadarezeri akamunesha, kuko Hadarezeri yajyaga arwana na Towu. Kandi Hadoramu yari azanye ibintu byâizahabu nâifeza nâimiringa byâamoko yose,
11 na byo Umwami Dawidi abitura Uwiteka hamwe nâifeza nâizahabu, ibyo yari anyaze muri aya mahanga yose: mu Bedomu no mu Bamowabu no mu Bamoni, no mu Bafilisitiya no mu Bamaleki.
12 Kandi Abishayi mwene Seruya anesha Abedomu mu kibaya cyâumunyu, abicamo abantu inzovu imwe nâibihumbi munani.
13 Maze ashyira ibihome mu Edomu, Abedomu bose bahinduka abagaragu ba Dawidi. Nuko Uwiteka aha Dawidi kunesha aho yajyaga hose.
14 Dawidi ategeka Isirayeli yose, aca imanza zo gukiranuka zitabera mu bantu be bose.
15 Yowabu mwene Seruya ni we wari umugaba wâingabo, na Yehoshafati mwene Ahiludi ni we wari umucurabwenge,
16 na Sadoki mwene Ahitubu na Abimeleki mwene Abiyatari ni bo bari abatambyi, na Shavusha ni we wari umwanditsi,
17 na Benaya mwene Yehoyada ni we wari umutware wâAbakereti nâAbapeleti, na bene Dawidi bari abatware bakikije umwami.