1 NGOMA 15
Dawidi azana isanduku yāImana mu rurembo (2 Sam. 6.12-23)
1 Bukeye Dawidi yiyubakira amazu mu rurembo rwa Dawidi, atunganiriza isanduku yāImana ahantu, ayibambira ihema.
2 Dawidi aravuga ati ā Nta muntu ukwiriye kuremÄrwa isanduku yāImana keretse Abalewi, kuko ari bo Uwiteka yatoranije kujya baremÄrwa isanduku yāImana, bakayiremÄrwa iteka ryose.ā
3 Bukeye Dawidi ateraniriza Abisirayeli bose i Yerusalemu, ngo bajye kuzamura isanduku yāUwiteka bayishyire ahantu hayo yayitunganirije.
4 Dawidi ateranya bene Aroni nāAbalewi.
5 Muri bene Kohati, umukuru ni Uriyeli na bene se ijana na makumyabiri.
6 No muri bene Merari, umukuru ni Asaya na bene se magana abiri na makumyabiri.
7 No muri bene Gerushomu, umukuru ni Yoweli na bene se ijana na mirongo itatu.
8 No muri bene Elisafani, umukuru ni Shemaya na bene se magana abiri.
9 No muri bene Heburoni, umukuru ni Eliyeli na bene se mirongo inani.
10 No muri bene Uziyeli, umukuru ni Aminadabu na bene se ijana na cumi na babiri.
11 Dawidi ahamagaza Sadoki na Abiyatari abatambyi, nāAbalewi ari bo Uriyeli na Asaya na Yoweli, na Shemaya na Eliyeli na Aminadabu
12 arababwira ati ā Mwebwe muri abatware bāamazu ya ba sekuruza bāAbalewi. Mwiyeze ubwanyu ndetse na bene wanyu, mubone kujya kuzamura isanduku yāUwiteka Imana ya Isirayeli, muyishyire ahantu nayitunganirije.
13 Kuko ubwa mbere atari mwe mwayihetse, ni cyo cyatumye Uwiteka Imana yacu idusumira, kuko tutayishatse nkāuko itegeko ritegeka.ā
14 Nuko abatambyi nāAbalewi biyereza kujya kuzamura isanduku yāUwiteka Imana ya Isirayeli.
15 (Bagezeyo) Abalewi baremÄrwa isanduku yāImana, bashyira imijisho yayo ku ntugu zabo nkāuko Mose yategetse, uko ijambo ryāUwiteka ryari riri.
16 Dawidi abwira abatware bāAbalewi gutoranya abaririmbyi muri bene wabo ngo bazane ibintu bivuga: nebelu nāinanga nāibyuma birenga, babivuze cyane barangurura ijwi nāibyishimo.
17 Nuko Abalewi batoranya Hemani mwene Yoweli, no muri bene Asafu mwene Berekiya, no muri bene se bene Merari, Etani mwene Kushaya,
18 kandi hamwe na bo bene wabo aba kabiri kuri bo, ari bo Zekariya na Beni, na Yeziyeli na Shemiramoti, na Yehiyeli na Uni na Eliyabu, na Benaya na MÄseya na Matitiya, na Elifelehu na Mikuneya, na Obededomu na Yeyeli, bari abarinzi bāirembo.
19 Uko ni ko batoranije abaririmbyi: Hemani na Asafu na Etani, bazanye ibyuma byāimiringa birenga byo kuvuza cyane.
20 Zekariya na Aziyeli, na Shemiramoti na Yehiyeli na Uni, na Eliyabu na MÄseya na Benaya, bazanye nebelu bazibwirisha ijwi rito.
21 Matitiya na Elifelehu na Mikuneya, na Obededomu na Yeyeli na Azaziya, bari bafite inanga babwirisha ijwi ryo mu gituza zo kubaterera indirimbo.
22 Kenaniya umutware wāAbalewi waremÄrwaga isanduku, ni we wategekaga ibyo kuyiremÄrwa kuko yari umunyabwenge.
23 Berekiya na Elukana bari abakumirizi bāisanduku.
24 Shebaniya na Yashofati, na NetanÄli na Amasiya, na Zekariya na Benaya na Eliyezeri abatambyi, ni bo bagendaga bavuza amakondera imbere yāisanduku yāImana. Obededomu na Yehiya bari abakumirizi bāirembo ryāisanduku.
25 Nuko Dawidi nāabakuru ba Isirayeli, nāabatware batwara ibihumbi bajya kuzamura isanduku yāisezerano ryāUwiteka, bayikura kwa Obededomu bishima.
26 Maze ubwo Imana ifashije Abalewi bari baremÄrewe isanduku yāisezerano ryāUwiteka, baherako batamba amapfizi arindwi nāamasekurume yāihene arindwi.
27 Kandi Dawidi yari yambaye umwitero wāigitare cyiza, Abalewi bose na bo bari baremÄrewe isanduku, nāabaririmbyi na Kenaniya umutware wāabahetsi, bose bari bambaye batyo. Kandi Dawidi yari yambaye efodi yāigitare.
28 Uko ni ko Abisirayeli bose bazamuye isanduku yāisezerano ryāUwiteka basakuriza hejuru, bavuza ihembe nāamakondera nāibyuma birenga, bacuranga nebelu nāinanga.
29 Nuko bagisohoza isanduku yāisezerano ryāUwiteka mu rurembo rwa Dawidi, Mikali umukobwa wa Sawuli arungurukira mu idirishya, abona Dawidi aca ikibungo abyina amugayira mu mutima.